ܚܡܝܫܝܐ - H

ܠܰܐܠܳܗܳܐ ܕܶܐܬܓܠܺܝ ܒܰܒܣܰܪ. ܕܢܶܦܪܽܘܩ ܘܰܢܫܰܘܙܶܒ ܠܓܶܢܣܳܐ ܕܥܰܦܪ̈ܳܢܶܐ. ܡܶܢ ܫܽܘܥܒܳܕܳܐ ܕܰܚܛܺܝܬܳܐ. ܕܠܶܗ ܗܽܘ ܙܳܕܶܩ ܕܰܢܫܰܒܰܚ. ܫܒܺܝܚܳܐ ܓܶܝܪ ܘܰܡܫܰܒܚܳܐ ܐܺܝܬܰܘܗ̱ܝ܀

ܐ̱ܚܪܢܐ - H

ܠܰܡܫܺܝܚܳܐ ܐܰ‌ܠܳܗܳܐ. ܗܰܘ ܕܒܰܕܡܽܘܬ ܓܰܢܳܢܳܐ ܐܶܬܚܙܺܝ ܠܡܰܪܝܰܡ ܐܶܡܶܗ. ܘܰܡܠܳܐ ܠܶܒܳܗ̇ ܦܨܺܝܚܽܘܬܳܐ. ܠܶܗ ܡܗܰܝ̈ܡܢܶܐ ܫܰܒܰܚܘ. ܘܠܶܗ ܟܳܗ̈ܢܶܐ ܟܽܠܟܽܘܢ ܒܰܪܶܟܘ. ܥܰܡ̱̈ܡܶܐ ܘܶܐܡ̈ܘܳܬܳܐ ܪܰܡܪܶܡܘ. ܠܰܫܡܶܗ ܠܥܳܠܰܡ ܥܳܠܡܺܝܢ܀

ܐ̱ܚܪܢܐ - H

ܐܰ‌ܠܳܗܳܐ ܥܰܕܰܪܰܝܢܝ ܕܟܺܐܡܽܘ̈ܢܶܐ ܘܡܰܚܫܽܘ̈ܠܶܐ ܕܰܚ̈ܛܳܗܶܐ ܕܣܶܥܪܶܬ ܐܶܬܟܰܪܟܽܘܢܝ. ܠܡܺܐܢܳܐ ܕܫܰܝܢܳܐ ܗܘܺܝ ܠܺܝ ܡܳܪܝ: ܕܠܳܐ ܐܶܬܛܒܰܥ ܒܝܰܡܳܐ ܕܰܚ̈ܛܳܗܶܐ. ܐܶܠܳܐ ܡܣܰܟܶܐ ܐ̱ܢܳܐ ܠܰܬܝܳܒܽܘܬܳܐ ܐܰܘܫܶܛ ܠܺܝ ܡܳܪܝ ܐܺܝܕܳܟ ܐܰܝܟ ܕܰܠܦܶܛܪܳܘܣ: ܘܶܐܬܪܰܚܰܡܥܠܰܝ܀