ܦܪܽܘ̣ܡܝܽܘܢ

ܠܗܰܘ ܐܰܠܳܗܳܐ ܡܪܰܚܡܳܢܳܐ: ܕܰܒܪ̈ܰܚܡܶܐ ܨܳܒܶܐ ܘܠܳܐ ܒܕܶܒ̈ܚܶܐ: ܘܰܡܩܰܒܠܳܐ ܩܕܳܡܰܘܗ̱ܝ ܪܽܘܚܳܐ ܡܰܟܺܝܟܬܳܐ: ܛܳܒ ܡ̣ܶܢ ܝܰܩ̈ܕܶܐ ܫܰܠܡ̈ܶܐ: ܠܗܰܘ ܝܳܗܽܘܒܳܐ ܕܫ̈ܶܐܠܳܬܳܐ ܘܰܡܩܰܒܠܳܢܳܐ ܕܰܨܠܰܘ̈ܳܬܳܐ: ܠܗܰܘ ܕܩܳܪܶܐ ܠܚܰܛܳܝ̈ܶܐ ܠܰܬܝܳܒܽܘܬܳܐ: ܘܰܡܚܰܣܶܐ ܚܰܘ̈ܒܶܐ ܒܕܶܡ̈ܥܶܐ ܚܢܺܝ̈ܓܳܬܳܐ: ܘܰܡܕܰܟܶܐ ܒܚܰܫܳܐ ܟܽܘ̈ܬܡܳܬܳܐ: ܗܰܘ ܕܠܰܐܝܠܶܝܢ ܕܫܳܐܠܺܝܢ ܠܶܗ ܫܟܺܝܚ ܗ̱ܘ̣: ܘܳܐܦ ܥܽܘܬܪܳܐ ܕܰܚܢܳܢܶܗ ܥܰܠ ܟܽܠ ܫܦܺܝܥ ܗ̱ܘ̣: ܗܰܘ ܕܠܶܗ ܡܦܺܝܣܺܝܢܰܢ ܕܢܺܐܬܶܐ ܠܥܽܘܕܪܳܢܰܢ ܒܙܰܒ̈ܢܶܐ ܕܽܐܘܠܨܳܢ̈ܶܐ: ܘܰܢܫܰܟܶܢ ܠܰܢ ܪ̈ܰܚܡܶܐ ܘܫܽܘܒܩܳܢܳܐ ܕܰܚܛܳܗ̈ܶܐ: ܒܗܳܢܳܐ ܥܶܕܳܢܳܐ܀

ܣܶܕܪܳܐ

ܐܰܠܳܗܳܐ ܗܰܘ ܪܰܒܳܐ ܒܡܰܘܗ̈ܒܳܬܳܐ: ܘܰܫܒܺܝܚ ܒܫܽܘ̈ܟܳܢܶܐ ܡܫܰܒ̈ܚܶܐ: ܗܰܘ ܕܺܐܝܬܰܝܟ ܦܳܪܽܘܩܳܐ ܕܰܐܝܠܶܝܢ ܕܐܰܠܺܝܨܺܝܢ: ܘܗܳܢܽܘܢ ܕܶܝܢ ܕܡܶܬܩܰܦܚܺܝܢ ܐܰܢ̱ܬ ܗ̱ܘ̣ ܡܚܰܪܰܪ ܐܰܢ̱ܬ: ܘܰܕܗܳܢܽܘܢ ܕܩܳܪܶܝܢ ܠܳܟ ܒܗܰܝܡܳܢܽܘܬܳܐ ܬܪܺܝܨܰܬ݀ ܫܽܘܒܚܳܐ ܡܥܰܕܪܳܢܳܐ ܘܝܳܨܽܘܦܳܐ: ܐܰܢ̱ܬ ܐܺܝܬܰܝܟ ܐܰܠܳܗܳܐ ܕܺܝܠܰܢ: ܘܰܠܒܰܪ ܡܶܢܳܟ ܐ̱ܚܪܺܝܢ ܠܳܐ ܝܳܕܥܺܝܢܰܢ ܘܠܰܫܡܳܟ ܩܰܕܺܝܫܳܐ ܩܳܪܶܝܢܰܢ: ܘܠܳܟ ܡܶܬܟܰܫܦܺܝܢܰܢ ܟܰܕ ܥܰܠ ܪ̈ܰܚܡܰܝܟ ܣܰܓܺܝ̈ܶܐܐ ܠܳܐ ܡܶܬܕܰܪ̈ܟܳܢܶܐ ܬܟܺܝܠܺܝܢܰܢ: ܘܰܠܥܽܘܕܪܳܢܳܐ ܕܺܝܠܰܢ ܡܟܰܬܪܺܝܢܰܢ: ܘܰܠܘܳܬܳܟ ܗܳܟܺܝܠ ܬܰܠܝ̈ܳܢ ܥܰܝ̈ܢܰܝܢ ܥܰܡ ܠܶܒܰܘ̈ܳܬܳܐ ܕܺܝܠܰܢ: ܘܡܶܬܓܰܘܣܺܝܢܰܢ ܘܒܳܥܶܝܢܰܢ ܡ̣ܶܢ ܛܰܝܒܽܘܬܳܟ: ܕܬܰܕܪܶܟ ܘܰܬܣܰܝܰܥ ܠܥܰܒܕ̈ܶܐ ܕܺܝܠܳܟ ܒܰܚܢܳܢܳܟ: ܬܶܗܘܶܐ ܠܰܢ ܒܥܳܩ̈ܳܬܳܐ ܡܒܰܝܳܐܢܳܐ: ܒܽܐܘܠܨ̈ܳܢܶܐ ܡܥܰܕܪܳܢܳܐ: ܒܢܶܟ̈ܠܶܐ ܡܰܢ ܡܣܰܬܪܳܢܳܐ: ܒܰܪ̈ܕܽܘܦܝܶܐ ܡܣܰܝܥܳܢܳܐ: ܒܰܩܪ̈ܳܒܶܐ ܡܢܰܛܪܳܢܳܐ: ܒܩܺܝ̈ܢܕܽܘܢܽܘ ܦܳܪܽܘܩܳܐ: ܐܳܣܝܳܐ ܒܚܰܫ̈ܶܐ: ܙܳܝܽܘܢܳܐ ܒܣܽܘܢܩܳܢ ܚܫܰܚܬܳܢ: ܒܚܰܣܺܝܪܽܘܬܳܐ ܡܫܰܪܬܚܽܘܬܳܐ: ܒܝܽܘܩܪ̈ܶܐ ܡܰܐܩܠܳܢܳܐ ܕܢܽܘܬܳܦ̈ܶܐ ܘܰܕܥܽܘ̈ܘܳܟܶܐ ܕܡ̣ܶܢ ܦܽܘܠܚܳܢܳܐ ܕܛܳܒ̈ܳܬܳܐ ܡܪܰܚܩܺܝܢ ܡܒܰܛܠܳܢܳܐ: ܘܳܐܦ ܕܢܶܣܝܽܘ̈ܢܶܐ ܫܪܳܝܳܐ ܕܣܽܘܓܦܳܢ̈ܶܐ ܕܶܝܢ ܡܦܰܠܗܕܳܢܳܐ ܕܚܰܘ̈ܒܶܐ ܡܚܰܣܝܳܢܳܐ: ܘܕܰܚܛܳܗ̈ܶܐ ܠܳܐ ܡܶܬܥ̱ܰܗܕܳܢܳܐ: ܐܰܝܟܰܢܳܐ ܕܶܝܢ ܕܰܒܟܽܠܙܒܰܢ ܒܢܳܡܽܘ̈ܣܰܝܟ ܢܶܬܗܰܓܶܐ: ܘܰܒܦܽܘܩܕ̈ܳܢܰܝܟ ܢܶܬܚܰܟܰܡ: ܘܳܐܦ ܒܙܰܕܺܝܩܽܘܬܳܟ ܕܶܝܢ ܢܟܰܬܰܪ: ܘܟܺܐܢܽܘܬܳܟ ܘܗܰܝܡܳܢܽܘܬܳܟ ܢܶܓܡܽܘܪ: ܘܰܠܨܶܒܝܳܢܳܟ ܛܳܒܳܐ ܢܫܰܡܠܐܷ: ܘܰܒܟܽܠܙܒܰܢ ܗܳܠܶܝܢ ܕܫܳܦܪ̈ܳܢ ܠܳܟ ܢܶܣܥܽܘܪ: ܘܰܠܛܳܒ̈ܳܬܳܐ ܕܰܡܠܺܝ̈ܟܳܢ ܢܶܫܬܘܶܐ: ܒܛܰܝܒܽܘܬܳܐ ܕܺܝܚܺܝܕܳܝܳܐ ܒܪܳܐ ܕܺܝܠܳܟ: ܘܰܕܪܽܘܚܳܟ ܩܰܕܺܝܫܳܐ: ܗܳܫܳܐ܀