ܡܙܡܘܪܐ: ܩܠܓ܇ ܩܝܚ: ܩܣܛ - ܩܥܘ܇ ܩܝܘ
Psalm 133, 118: 169-176, 116

ܒܰܪܶܟܡܳܪܝ̱. ܒܰܪܶܟܘ̱ ܠܡܳܪܝܳܐ ܟܽܠܟܽܘܢ ܥܰܒܕܰܘ̈ܗ̱ܝ ܕܡܳܪܝܳܐ܀

ܐܰܝܠܶܝܢ ܕܩܳܝܡܺܝܢ ܒܒܰܝܬܶܗ ܕܡܳܪܝܳܐ ܒܠܰܝ̈ܠܰܘܳܬܳܐ܀

ܐܰܪܺܝܡܘ̱ ܐܺܝܕ̈ܰܝܟܽܘܢ ܠܩܽܘܕܫܳܐ ܘܒܰܪܶܟܘ̱ ܠܡܳܪܝܳܐ܀

ܢܒܰܪܟܳܟ ܡܳܪܝܳܐ ܡܶܢ ܨܶܗܝܽܘܢ ܗܰܘ ܕܰܥܒܰܕ ܫܡܰܝܳܐ ܘܰܐܪܥܳܐ܀

ܬܶܥܽܘܠ ܬܶܫܒܽܘܚܬܝ̱ ܩܕܳܡܰܝܟ ܡܳܪܝܳܐ ܘܰܒܡܶܠܬܳܟ ܐܰܚܳܢܝ̱. ܬܶܥܽܘܠ ܒܳܥܽܘܬܝ̱ ܩܕܳܡܰܝܟ ܡܳܪܝܳܐ ܘܰܒܡܺܐܡܪܳܟ ܦܰܨܳܢܝ̱܀

ܢܰܒܰܥ ܠܶܫܳܢܝ̱ ܡܺܐܡܪܳܟ ܡܶܛܽܠ ܕܟܽܠܗܽܘܢ ܦܽܘ̈ܩܕܳܢܰܝܟ ܒܙܰܕܺܝܩܽܘܬܳܐ܀

ܢܡܰܠ̈ـܠܳܢ ܣܶܦ̈ܘܳܬܝ̱ ܬܶܫ̈ܒܚܳܬܳܟ ܟܰܕ ܬܰܠܶܦܰܝܢܝ̱ ܦܽܘܩܕܳܢܰܝ̈ܟ. ܬܥܰܕܪܰܢܝ̱ ܐܺܝܕܳܟ ܡܶܛܽܠ ܕܰܨܒܺܝܬ ܒܦܽܘܩ̈ܕܳܢܰܝܟ܀

ܣܰܟܝܰܬ ܢܰܦܫܝ̱ ܠܦܽܘܪܩܳܢܳܟ ܘܰܒܢܳܡܽܘܣܳܟ ܪܢܺܝܬ. ܬܺܚܶܐ ܢܰܦܫܝ̱ ܘܰܬܫܰܒܚܳܟ ܘܕܺܝܢܳܟ ܗ̱ܽܘ ܢܥܰܕܪܰܢܝ̱܀

ܐܶܬܛܥܺܝܬ ܐܰܝܟ ܥܶܪܒܳܐ ܐܰܒܺܝܕܳܐ. ܒܥܺܝܽܘܗ̱ܝ ܠܥܰܒܕܳܟ ܡܶܛܽܠ ܕܦܽܘܩܕܳܢܰܝ̈ܟ ܠܳܐ ܛܥܺܝܬ. ܘܠܳܟ ܝܳܐܶܐ ܫܽܘܒܚܳܐ ܐܰܠܳܗܳܐ܀

ܫܰܒܰܚܘ̱ ܠܡܳܪܝܳܐ ܟܽܠܟܽܘܢ ܥܰܡ̱̈ܡܶܐ. ܫܰܒܚܳܝ̈ܗܝ ܟܽܠܗܶܝܢ ܐܶܡ̈ܘܳܬܳܐ. ܡܶܛܽܠ ܕܥܶܫܢܰܬ ܥܠܰܝܢ ܛܰܝܒܽܘܬܶܗ ܫܰܪܺܝܪܳܐܺܝܬ ܡܳܪܝܰܐ ܗ̱ܘ ܠܥܳܠܰܡ܀