ܠܘܩܐ: ܐ: ܡܘ – ܢܗ
Luke 1: 46-55

ܐܶܡܪܰܬ̣ ܡܰܪܝܰܡ ܡܰܘܪܒܳܐ ܢܰܦܫܝ̱ ܠܡܳܪܝܳܐ ܘܚܶܕܝܰܬ̣ ܪܽܘܚܝ̱ ܒܰܐܠܳܗܳܐ ܡܰܚܝܳܢܝ̱ ܕܚܳܪ ܒܡܽܘܟܳܟ̣ܳܐ ܕܰܐܡܬ̣ܶܗ. ܗܳܐ ܓܶܝܪ ܡ̣ܶܢ ܗܳܫܳܐ ܛܽܘܒܳܐ ܢܶܬܠ̈ـܳܢ ܠܺܝ ܫܰܪ̈ܒܳܬ̣ܳܐ ܟܽܠܗܶܝܢ܀

ܕܰܥܒܰܕ ܠܳܘܬ̣ܝ̱ ܪܰܘܪ̈ܒܳܬ̣ܳܐ ܗܰܘ ܕܚܰܝܶܠܬ̣ܳܢ ܘܩܰܕܺܝܫ ܫܡܶܗ ܘܰܚܢܳܢܶܗ ܠܕܳܪ̈ܶܐ ܘܫܰܪ̈ܒܳܬ̣ܳܐ ܥܰܠ ܐܰܝܠܶܝܢ ܕܕܳܚܠܺܝܢ ܠܶܗ܀

ܥܒܰܕ ܙܳܟ̣ܽܘܬ̣ܳܐ ܒܰܕܪܳܥܶܗ ܘܒܰܕܰܪ ܚܬܺܝܪ̈ܰܝ ܒܬܰܪܥܺܝܬ̣ܳܐ ܕܠܶܒܗܽܘܢ܇ ܣܰܚܶܦ ܬܰܩܺܝ̈ܦܶܐ ܡ̣ܶܢ ܟܽܘܪ̈ܣܰܘܳܬ̣ܳܐ ܘܰܐܪܺܝܡ ܡܰܟܺܝ̈ܟ̣ܶܐ܀

ܟܰܦ̈ܢܶܐ ܣܰܒܰܥ ܛܳܒ̈ܳܬ̣ܳܐ ܘܥܰܬܺܝܪ̈ܶܐ ܫܪܳܐ ܣܦܺܝܩܳܐܺܝܬ̣ ܥܰܕܰܪ ܠܺܐܝܣܪܳܐܶܝܠ ܥܰܒܕܶܗ ܘܶܐܬ̣ܕܟ̣ܰܪ ܚܢܳܢܳܗ ܐܰܝܟ ܕܡܰܠܶܠ ܥܰܡ ܐܰܒܳܗܰܝ̈ܢ ܥܰܡ ܐܰܒܪܳܗܳܡ ܘܥܰܡ ܙܰܪܥܶܗ ܠܥܳܠܳܡ܀