ܫܚܝܡܐ - ܡܘܪ̈ܒܐ ܛܟܣܐ ܬܠܝܬܝܐ
ܐ H
ܠܶܟܝ ܕܟܺܝܬܳܐ ܘܙܰܗܝܰܬ ܒܓܽܘܫܡܳܗ̇. ܕܰܐܘܨܰܪ ܩܽܘܕ̈ܫܶܐ ܗܘܳܬ ܢܰܦܫܶܟܝ. ܘܰܥܪܳܐ ܡܰܪܒܥܶܟܝ ܒܬܶܕܡܽܘܪܬܳܐ. ܠܰܐܠܳܗܳܐ ܕܠܳܐ ܡܶܤܬܰܝܰܟ. ܝܳܠܕܰܬ ܐܰܠܳܗܳܐ ܒܬܽܘܠܬܳܐ ܟܽܠܰܢ ܡܰܘܪܒܺܝܢܰܢ܀
ܠܶܟܝ ܕܩܰܕܶܡܘ ܨܳܪܽܘܟܝ ܢܒܺܝ̈ܶܐ. ܒܐ̱ܪ̈ܳܙܰܝܗܽܘܢ ܡܰܠ̈ܝܰܝ ܬܶܗܪܳܐ. ܒܤܰܢܝܳܐ ܘܓܶܙܬܳܐ ܘܰܥܢܳܢܳܐ ܘܩܺܐܒܽܘܬܳܐ ܕܕܺܝܰܬܺܩܺܐ. ܘܰܡܢܳܪܬܳܐ ܘܫܰܒܛܶܗ ܕܰܐܗܪܽܘܢ ܘܠܽܘ̈ܚܶܐ ܕܢܳܡܽܘܤܳܐ܀
ܠܳܟ ܡܳܪܝ ܐܰܦܪܶܝܡ ܩܳܪܶܝܢܰܢ. ܒܗܳܝ ܕܤܰܓܺܝ ܐܰܠܺܝܨܺܝܢܰܢ. ܥܢܺܝ ܠܰܢ ܒܰܥܓܰܠ ܩܰܕܺܝܫܳܐ. ܘܤܰܪܗܶܒ ܦܰܢܳܐ ܫ̈ܶܐܠܳܬܰܢ. ܠܳܟ ܪܳܚܶܡ ܡܳܪܳܟ ܡܶܢ ܟܽܠ. ܨܠܽܘܬܳܟ ܫܽܘܪܳܐ ܬܶܗܘܶܐ ܠܰܢ܀
ܪܰܗܒܽܘܢܳܐ ܕܚܰܝ̈ܶܐ ܚܰܕ̈ܬܶܐ. ܝܰܗ̱ܒ ܦܳܪܽܘܩܰܢ ܠܰܡܗܰܝ̈ܡܢܶܐ. ܕܡܶܢ ܡܰܘܬܳܐ ܠܚܰܝ̈ܶܐ ܢܫܰܢܽܘܢ. ܒܝܰܕ ܦܰܓܪܶܗ ܘܰܕܡܶܗ ܕܰܢܤܰܒܘ. ܛܽܘܒܳܐ ܠܥܰܢܺܝ̈ܕܶܐ ܕܰܐܟܠܽܘܗ̱ܝ. ܕܗܽܘܝܽܘ ܡܢܰܚܶܡ ܠܗܽܘܢ܀
ܫܽܘܒܚܳܐ: ܫܽܘܒ̈ܚܶܐ ܫܦܰܝ̈ܳܐ ܘܗܰܢܺܝ̈ܶܐܐ. ܒܩ̈ܳܠܶܐ ܚܠܰܝ̈ܳܐ ܘܒܰܤܺܝ̈ܡܶܐ. ܡܩܰܪܒܳܐ ܥܺܕܬܳܐ ܥܰܡ ܝܰܠ̈ܕܶܝܗ̇. ܠܰܐܒܳܐ ܘܠܰܒܪܳܐ ܘܪܽܘܚܩܽܘܕܫܳܐ. ܚܰܕ ܐܰܠܳܗܳܐ ܫܰܪܺܝܪܳܐ ܕܠܶܗ ܗ̱ܽܘ ܡܫܰܒܚܺܝܢܰܢ܀
ܒ H
ܐܰܢ̱ܬܝ̱ ܕܺܐܝܬܰܝܟܝ̱ ܐܶܡܶܗ ܕܰܐܠܳܗܳܐ. ܐܰܢ̱ܬܝ̱ ܕܰܕܢܰܚ ܡܶܢ ܥܽܘܒܶܟܝ̱ ܕܰܟܝܳܐ ܗܰܘ ܫܶܡܫܳܐ ܕܙܰܕܺܝܩܽܘܬܳܐ. ܡܫܺܝܚܳܐ ܐܰܠܳܗܳܐ ܕܰܕܢܰܚ ܡܶܢܳܗ̇ ܪܰܚܶܡܥܠܰܝܢ܀
ܠܶܟܝ̱ ܡܰܪܝܰܡ ܢܒܺܝ̈ܶܐ ܨܳܝܪܺܝܢ ܗܘܰܘ. ܒܣܶܒܶܠܬܳܐ ܘܓܶܙܬܳܐ ܘܰܥܢܳܢܳܐ ܘܩܺܒܽܘܬܳܐ ܕܕܺܝܰܬܝܩܺܝ. ܘܰܡܢܳܪܬܳܐ ܘܫܰܒܛܶܗ ܕܰܐܗܪܽܘܢ ܘܠܽܘ̈ܚܶܐ ܕܢܳܡܽܘܣܳܐ܀
ܛܽܘܒܰܝܟܽܘܢ ܣܳܗ̈ܕܶܐ ܩܰܕܺܝ̈ܫܶܐ. ܕܰܒܡܳܪܟܽܘܢ ܚܰܝܳܐ ܐܰܘܕܺܝܬܽܘܢ. ܘܗܳܐ ܢܳܨܚܺܝܢ ܕܽܘܟܪ̈ܳܢܰܝܟܽܘܢ. ܗܳܪܟܳܐ ܘܰܠܥܶܠ ܒܰܫܡܰܝܳܐ ܨܠܽܘܬܟܽܘܢ ܫܽܘܪܳܐ ܬܶܗܘܶܐ ܠܰܢ܀
ܦܳܪܽܘܩܰܢ ܐܶܫܬܰܘܕܺܝܬ ܘܶܐܡܰܪܬ ܒܰܣܒܰܪܬܳܟ ܗܳܝ ܡܰܚܝܳܢܺܝܬܳܐ ܟܽܠ ܐܰܝܢܳܐ ܕܳܐܟܶܠ ܡܶܢ ܦܰܓܪܝ̱. ܘܫܳܬܶܐ ܟܳܣܳܐ ܕܕܶܡܝ̱ ܗܽܘ ܒܺܝ ܡܩܰܘܶܐ ܘܶܐܢܳܐ ܒܶܗ܀
ܡܫܰܒܚܺܝܢܰܢ ܠܰܬܠܺܝܬܳܝܽܘܬܳܐ. ܗܳܝ ܕܺܐܝܬܶܝܗ̇ ܚܕܳܐ ܐܰܠܳܗܽܘܬܳܐ. ܐܰܒܳܐ ܘܰܒܪܳܐ ܘܪܽܘܚ ܩܽܘܕܫܳܐ. ܚܰܕ ܐܰܠܳܗܳܐ ܫܰܪܺܝܪܳܐ ܕܠܶܗ ܗ̱ܽܘ ܡܫܰܒܚܺܝܢܰܢ܀
ܓ H
ܝܳܠܕܰܬ ܐܰܠܳܗܳܐ ܒܬܽܘܠܬܳܐ. ܐܶܡܳܐ ܕܟܺܝܬܳܐ ܠܗܰܘ ܕܡܶܢܶܟܝ̱ ܐܶܬܺܝܠܶܕ ܡܫܰܒܚܺܝܢܰܢ܀
ܐܰܢ̱ܬ ܗܽܘ ܐܰܠܳܗܳܐ ܕܥܰܠ ܟܽܠ. ܡܪܰܝܡܳܐ ܘܰܕܚܺܝܠܳܐ ܕܰܚܠܳܦܰܝܢ ܐܶܬܒܰܣܰܪܬ ܡܫܰܒܚܺܝܢܰܢ܀
ܡܶܛܽܠܳܬܳܟ ܡܳܝܬܺܝܢܰܢ. ܬܳܐ ܠܥܽܘܕܪܳܢܰܢ ܩܥܰܘ ܣܳܗ̈ܕܶܐ ܒܶܝܬ ܕܺܝܢܳܐ ܠܰܡܫܺܝܚܳܐ܀
ܐܰܢܺܝܚ ܒܰܡܛܰܠ̱̈ܠܶܐ ܕܢܽܘܗܪܳܐ. ܒܡܰܫܟܢܳܐ ܕܟܺܐܢ̈ܶܐ ܠܢܰܦ̈ܫܳܬܳܐ ܕܥܰܢܺܝ̈ܕܶܐ ܡܗܰܝܡ̈ܢܶܐ܀
ܢܰܘܕܶܐ ܘܢܶܣܓܽܘܕ ܘܰܢܫܰܒܰܚ. ܠܰܐܒܳܐ ܘܠܰܒܪܳܐ ܘܰܠܪܽܘܚܳܐ ܩܰܕܺܝܫܳܐ ܒܟܽܠ ܥܶܕܳܢܺܝ̈ܢ܀