ܩܝܢܬܐ ܐ

ܦܬܓܡܐ:

ܡܳܐ ܠܳܟ ܝܰܡܳܐ ܕܰܥܪܰܩܬ: ܘܝܽܘܪܕܢܳܢ ܕܰܗܦܰܟܬ ܠܒܶܣܬܪܳܟ ܗ̄܀

ܬܒܪܬ‌ܐ:

ܒܪܳܐ ܕܒܰܥܡܳܕܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗ̇ ܫܰܝܢܳܐ ܘܢܰܛܰܪ ܠܝܰܠ̈ܕܶܝܗ̇ ܒܰܥܡܳܕܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫ̈ܡܰܝܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܠܝܰܠ̈ܕܶܝܗ̇ ܒܰܥܡܳܕܳܟ ܡܳܪܝ܀

ܒܬܪ ܐܘܢܓܠܝܘܢ ܒܩ̄: ܡܫܺܝܚܳܐ ܢܰܛܰܪܝܗ̇ - H

ܣܶܠܩܰܬ ܟܰܠܬܳܐ ܡܶܢ ܡܰܝ̈ܳܐ. ܘܩܳܡܰܬ ܒܗܶܕܪܳܐ ܥܰܠ ܢܰܗܪܳܐ. ܘܫܰܘܫܒܺܝܢܳܐ ܩܳܐܶܡ ܚܳܐܰܪ ܘܰܡܣܰܟܶܐ ܠܚܰܬܢܳܐ ܕܢܺܐܬܶܐ: ܘܗܳܐ ܡܳܪܰܢ ܨܳܪܶܐ ܠܟܶܢܫܳܐ ܘܩܳܪܶܒ ܕܢܶܥܡܰܕ: ܡܶܢ ܐܺܝ̈ܕܰܝ ܥܰܒܕܶܗ. ܘܡܶܚܕܳܐ ܐܰܙܥܶܩ ܝܽܘܚܰܢܳܢ: ܕܗܳܢܰܘ ܐܶܡܪܶܗ ܕܰܐܠܳܗܳܐ: ܗܰܘ ܕܠܳܐ ܫܳܘܶܐ ܐ̱ܢܳܐ: ܐܶܫܪܶܐ ܥܰܪ̈ܩܶܐ ܕܰܡܣܳܢܰܘ̈ܗܝ: ܢܰܥܡܶܕܟܽܘܢ ܒܢܽܘܪܳܐ ܘܪܽܘܚܳܐ. ܘܬܶܗܘܽܘܢ ܒܛܰܝܒܽܘ ܒܢܰܝ̈ܳܐ ܠܰܐܒܳܐ ܫܡܰܝܳܢܳܐ܀

ܠܘܛܢܝܐ ܒܩ̄: ܗܳܐ ܕܒܺܝܚ ܗ̱ܽܘ - H

ܐܳܘ ܠܬܶܕܡܽܘܪܬܳܐ ܕܰܗܘܳܬ: ܝܰܘܡܳܢܳܐ ܥܰܠ ܝܽܘܪܕܢܳܢ. ܗܰܘ ܡܳܪܳܐ ܕܡܶܢ ܙܺܝܘܶܗ: ܥܺܝܪ̈ܰܝ ܪܰܘܡܳܐ ܟܳܘܙܺܝܢ: ܩܳܡ ܥܰܪܛܶܠ ܡܶܨܥܰܬ ܡܰܝ̈ܳܐ܀

ܩܥܳܐ ܝܽܘܚܰܢܳܢ ܟܰܕ ܚܙܳܝܗܝ: ܕܩܳܐܶܡ ܒܰܝܢܳܬ ܟܶܢ̈ܫܶܐ: ܗܳܐ ܐܶܡܪܶܗ ܕܰܐܠܳܗܳܐ: ܕܫܳܩܶܠ ܚܛܺܝ̣ܬܶܗ ܕܥܳܠܡܳܐ: ܗܳܐ ܩܪܶܒ ܕܢܶܣܚܶܐ ܒܓܰܘ ܡܰܝ̈ܳܐ܀

ܚܘܬܡܐ ܒܩ̄: ܐܶܬܛܰܝܰܒ ܟܶܢܫܳܐ ܕܰܥܠܰܝ̈ܡܳܬܳܐ - H

ܕܰܩܢܽܘ̈ܡܶܐ ܬܠܳܬܳܐ: ܕܢܰܚܘ ܥܰܠ ܢܰܗܪܳܐ: ܫܦܰܥܘ ܡܰܝ̈ܳܐ ܘܰܪܬܰܚܘ̱ ܟܽܠ ܡܰܒܽܘ̈ܥܶܐ. ܪܽܘܚܩܽܘܕܫܳܐ ܕܢܳܚܶܬ: ܘܰܐܒܳܐ ܕܣܳܗܶܕ: ܘܰܒܪܳܐ ܪܟܺܝܢ ܥܳܡܶܕ ܒܫܶܦ̈ܥܶܐ ܕܝܽܘܪܕܢܳܢ܀