ܩܝܢܬܐ ܓ

ܦܬܓܡܐ:

ܫܳܪܶܐ ܐܰܣܺܝܪ̈ܶܐ ܡܳܪܝܳܐ. ܦܳܬܰܚ ܥܘܺܝܪ̈ܶܐ ܡܳܪܝܳܐ ܗ̄܀

ܬܒܪܬ‌ܐ:

ܡܫܺܝܚܳܐ ܕܶܐܬܳܐ ܘܗܰܠܶܟ ܒܰܐܪܥܳܐ ܡܕܰܒܪܳܢܳܐܺܝܬ: ܘܰܐܣܺܝ ܟܪ̈ܺܝܗܶܐ ܘܕܰܟܺܝ ܓܰܪ̈ܒܶܐ ܘܰܐܚܺܝ ܡܺܝ̈ܬܶܐ܀

ܡܫܺܝܚܳܐ ܕܶܐܬܳܐ ܘܰܐܣܺܝ ܘܰܐܚܠܶܡ ܠܰܡܡܰܚܰܝ̈ܳܐ: ܐܰܣܳܐ ܟܺܐܒܰܝ̈ܢ ܘܰܥܨܽܘܒ ܫܽܘܚ̈ܢܰܝܢ ܘܪܰܚܶܡܥܠܰܝܢ܀

ܒܬܪ ܐܘܢܓܠܝܘܢ ܒܩ̄: ܛܽܘܒܰܝܟܝ ܥܺܕܬܳܐ

ܒܥܰܪܣܳܐ ܕܟܺܐܒ̈ܶܐ ܪܡܶܐ ܗܘܳܐ ܡܫܰܪܝܳܐ ܒܒܶܝܬ ܚܶܣܕܳܐ: ܬܠܳܬܺܝܢ ܘܰܬܡܳܢܶܐ ܫܢܰܝ̈ܳܐ: ܘܠܳܐ ܐܢܳܫ ܣܰܥܪܶܗ ܒܟܽܘܪܗܳܢܶܗ ܦܓܰܥ ܒܶܗ ܐܳܣܝܳܐ ܫܡܰܝܳܢܳܐ. ܘܚܳܣ ܥܰܠ ܫܶܦܠܶܗ ܘܶܐܡܰܪ ܠܶܗ: ܓܰܒܪܳܐ ܫܒܺܝܩܺܝܢ ܠܳܟ ܚܛܳܗܰܝ̈ܟ. ܩܽܘܡ ܛܥܰܢ ܥܰܪܣܳܟ ܘܙܶܠ ܠܒܰܝܬܳܟ. ܫܽܘܒܚܳܐ ܠܛܳܒܳܐ ܕܰܚܢܳܢܶܗ. ܫܦܺܝܥ ܥܰܠ ܓܶܢܣܰܢ ܡܳܝܽܘܬܳܐ܀

ܠܘܛܢܝܐ ܒܩ̄: ܢܶܩܝܳܐ ܗܘܺܝܬ

ܡܶܢ ܪܰܘܡܶܗ ܢܚܶܬ ܒܰܪ ܚܰܝܳܐ: ܘܰܒܡܶܠܬܶܗ ܛܥܺܝܢ ܥܽܘܕܪ̈ܳܢܶܐ. ܥܨܰܒ ܬܒܺܝܪ̈ܶܐ ܘܰܡܡܰܚ̈ܰܝܳܐ: ܕܓܶܢܣܳܐ ܡܚܺܝܠܳܐ ܕܥܰܦܪ̈ܳܢܶܐ܀

ܠܒܶܝܬ ܚܶܣܕܳܐ ܢܰܓܕܶܗ ܚܽܘܒܶܗ: ܕܢܶܣܥܽܘܪ ܫܶܦܠܳܐ ܕܐܢܳܫܽܘܬܳܐ. ܚܙܳܐ ܡܫܰܪܝܳܐ ܕܰܪܡܶܐ ܒܟܺܐܒܶܗ: ܘܡܶܬܢܰܘܰܠ ܒܰܬܥܺܝܫܽܘܬܳܐ܀

ܬܠܳܬܺܝܢ ܘܰܬܡܳܢܶܐ ܫܢܰܝ̈ܳܐ: ܪܡܶܐ ܐܢܳܐ ܡܳܪܝ ܒܰܐܬܪܳܐ ܗܳܢܳܐ. ܡܣܰܟܶܐ ܐܢܳܐ ܠܙܰܘܥܳܐ ܕܡܰܝ̈ܳܐ: ܘܠܳܐ ܡܛܳܢܝ ܡܶܢ ܐܢܳܫ ܥܽܘܕܪܳܢܳܐ܀

ܪܬܰܡܘ ܪ̈ܰܚܡܶܐ ܘܶܐܬܬܙܺܝܥܘ ܣܰܒܪܳܐ: ܒܠܶܒܳܐ ܬܒܺܝܪܳܐ ܕܰܡܫܰܪܝܳܐ. ܫܒܺܝܩܺܝܢ ܠܳܟ ܚܛܳܗܰܝ̈ܟ ܓܰܒܪܳܐ: ܩܽܘܡ ܗܰܠܶܟ ܘܰܐܘܕܳܐ ܠܡܳܪܝܳܐ܀

ܚܘܬܡܐ ܒܩ̄: ܐܳܘ ܥܽܘܡܪܳܐ ܕܙܰܒܢܳܐ

ܒܰܪ ܛܳܒܳܐ ܕܢܰܓܕܽܘܗܝ: ܪ̈ܰܚܡܰܘܗܝ ܠܶܐܣܛܘܳܐ ܕܒܶܝܬ ܚܶܣܕܳܐ. ܘܰܐܚܠܶܡ ܠܰܡܫܰܪܝܳܐ: ܒܝܰܕ ܫܽܘܒܩܳܢܳܐ ܕܰܚܛܳܗܰܘ̈ܗܝ. ܣܥܽܘܪ ܡܳܪܝ ܠܥܰܢܺܝ̈ܕܰܝܢ. ܕܶܐܟܰܠܘ ܦܰܓܪܳܟ ܘܰܫܟܶܒܘ: ܒܳܟ ܘܰܐܢܺܝܚ ܪ̈ܽܘܚܳܬܗܽܘܢ. ܒܰܐܘܳܢ̈ܶܐ ܡܰܠܝܰܝ̈ ܢܽܘܗܪܳܐ܀