ܗܰܘ ܕܰܢܚܶܬ ܡܶܢ ܐܽܘܪܺܫܠܶܡ ܠܺܐܝܪܺܝܚܽܘ

ܩܝܢܬܐ ܗ

ܦܬܓܡܐ:

ܣܳܡܶܟ ܡܳܪܝܳܐ ܠܟܽܠ ܕܢܳܦܠܺܝܢ: ܘܬܳܪܶܨ ܠܟܽܠ ܕܰܟܦܺܝ̈ܦܺܝܢ ܗ̄܀

ܬܒܪܬ‌ܐ:

ܡܫܺܝܚܳܐ ܕܶܐܬܳܐ ܘܗܰܠܶܟ ܒܰܐܪܥܳܐ ܡܕܰܒܪܳܢܳܐܺܝܬ: ܘܰܐܣܺܝ ܟܪ̈ܺܝܗܶܐ ܘܕܰܟܺܝ ܓܰܪ̈ܒܶܐ ܘܰܐܚܺܝ ܡܺܝ̈ܬܶܐ܀

ܡܫܺܝܚܳܐ ܕܶܐܬܳܐ ܘܰܐܣܺܝ ܘܰܐܚܠܶܡ ܠܰܡܡܰܚܰܝ̈ܳܐ: ܐܰܣܳܐ ܟܺܐܒܰܝ̈ܢ ܘܰܥܨܽܘܒ ܫܽܘܚ̈ܢܰܝܢ ܘܪܰܚܶܡܥܠܰܝܢ܀

ܒܬܪ ܐܘܢܓܠܝܘܢ ܒܩ̄: ܩܽܘܩܳܝܳܐ - H

ܠܶܣܛܳܝ̈ܶܐ ܢܦܰܠܘ̱ ܥܰܠ ܓܰܒܪܳܐ: ܟܰܕ ܢܳܚܶܬ ܗܘܳܐ. ܡܶܢ ܐܽܘܪܺܫܠܶܡ ܠܺܐܝܪܺܝܚܽܘ: ܘܰܕܠܳܐ ܚܰܘܣܳܢ ܒܠܰܥ. ܥܒܰܪ ܐܰܒܪܳܗܳܡ: ܘܠܳܐ ܝܰܗܒ ܠܶܗ ܐܺܝܕܳܐ: ܘܶܐܬܳܐ ܡܽܘܫܶܐ: ܘܠܳܐ ܥܨܰܒ ܡܰܚ̈ܘܳܬܶܗ. ܐܶܬܳܐ ܡܳܪܰܢ ܘܝܰܗܒ ܠܶܗ ܐܺܝܕܳܐ ܘܦܰܓܪܶܗ ܘܰܕܡܶܗ. ܘܰܐܩܺܝܡܶܗ ܘܫܰܪܺܝ ܩܳܥܶܐ: ܠܳܟ ܫܽܘܒܚܳܐ ܡܳܪܝܳܐ ܗ̄ ܕܰܣܥܰܪܬܳܢܝ ܒܪ̈ܰܚܡܰܝܟ܀

ܠܘܛܢܝܐ ܒܩ̄: ܢܫܰܒܰܚ ܘܢܰܘܕܶܐ - H

ܢܦܰܠ ܥܰܠ ܐܳܕܳܡ ܒܺܝܫܳܐ ܘܡܰܘܬܳܐ: ܣܳܢܝܰܝ̈ ܒܢܰܝ̈ܢܳܫܳܐ. ܫܰܠܰܚܘ ܫܽܘܒܚܶܗ ܘܰܐܦܠܽܘܗܝ: ܒܗܰܘܬܳܐ ܕܟܺܐܒ̈ܶܐ ܘܰܬܥܳܫܳܐ܀

ܦܓܰܥ ܒܶܗ ܟܰܕ ܗܽܘ ܢܰܦܺܝܠ ܒܽܐܘܪܚܳܐ: ܐܳܣܝܳܐ ܫܳܡܪܳܝܳܐ. ܥܨܰܒ ܡܰܚ̈ܘܳܬܶܗ ܘܫܰܟܢܶܗ ܢܝܳܚܳܐ: ܒܰܕܡܶܗ ܙܰܟܳܝܳܐ܀

ܝܰܗܒ ܠܶܗ ܐܺܝܕܳܐ ܘܰܣܡܰܟ ܫܶܦܠܶܗ: ܘܣܳܡܶܗ ܥܰܠ ܪܟܽܘܒܶܗ. ܘܰܠܘܳܬ ܦܽܘܬܩܳܐ ܕܚܰܝ̈ܶܐ ܝܰܒܠܶܗ: ܘܦܰܪܩܶܗ ܒܝܰܕ ܚܽܘܒܶܗ܀

ܫܽܘܒܚܳܐ ܠܚܽܘܒܳܟ ܓܰܙܳܐ ܕܪ̈ܰܚܡܶܐ: ܣܰܒܪܳܐ ܕܰܡܚܺܝ̈ܠܶܐ. ܕܒܶܗ ܡܶܢ ܡܰܘܬܳܐ ܦܰܨܺܝܬ ܥܰܡ̱̈ܡܶܐ: ܘܰܐܩܺܝܡܬ ܠܢܰܦܺܝ̈ܠܶܐ܀

ܚܘܬܡܐ ܒܩ̄: ܗܰܒܠܰܢ ܡܳܪܰܢ - H

ܛܳܒܳܐ ܕܰܥܨܰܒ ܡܰܚ̈ܘܳܬ ܐܳܕܳܡ: ܕܰܒܠܰܥ ܡܶܢ ܒܺܝܫܳܐ ܒܽܐܘܪܚܶܗ ܕܥܳܠܡܳܐ. ܡܪܽܘܩ ܟܽܘ̈ܬܡܳܬܰܢ ܒܙܽܘܦܳܟ ܕܰܟܝܳܐ. ܘܰܐܫܘܳܢ ܠܒܽܘܣܳܡܳܐ ܕܥܰܡ ܩܰܕܺܝ̈ܫܰܝܟ܀