ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܒ
ܚ: ܛ ـ ܟܕ 2Corinthians 8:9-24

ܥܰܠ ܕܟܳܕ̥ܥܺܝܬܽܘ ܐܺܝ ܛܰܝܒܽܘܬ̣ܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܠܰܫܰܢܰܝܟ̣ܽܘ ܡܦܰܝܩܶܪ ܘܗܽܘܘܶܐ ܥܰܬܺܝܪܳܐ. ܠܰܫܰܢ ܕܗܰܐܬܽܘ، ܒܺܐܝ ܡܶܣܟܺܢܽܘܬ̣ܰܝܕ̥ܶܗ ܗܳܘܶܝܬܽܘ ܥܰܬܺܝܪ̈ܶܐ. ܫܺܝܪܰܐ ܟܳܡܰܫܶܪ ܐ̱ܢܳܐ ܐܰܥܠܰܝܟ̣ܽܘ، ܘܗܰܐܬ̣ܶܐ ܕܟܳܡܰܢܦܥܳܐ ܐܰܠܟ̣ܽܘ. ܡܺܝܕ̥ܶܐ ܕܡܶܐ ܐܶܫܩܰܕ̥ ܒܕܰܠܟ̣ܽܘ، ܘܠܳܐ ܕܶܒܥܺܝܬܽܘ ܒܶܠܚܽܘܕܶܗ، ܐܶܠܳܐ ܕܣܰܝܡܺܝܬܽܘ ܣܬܶܐ. ܘܽܐܘܥܕܳܐ ܟܰܐܡܶܠܽܘ ܒܽܐܘ ܥܰܡܰܠ ܐܽܘ ܡܶܕܶܐ ܕܰܐܒܺܝܥܺܝܬܽܘ. ܟ̣ܶܕ ܗܰܘܶܠܟ̥ܽܘ ܪܚܳܡܳܐ ܒܽܐܘ ܐܺܝܒܳܥܳܐ، ܗܰܘܟ̣ܰܐ ܒܽܐܘ ܥܰܡܰܠ ܣܬܶܐ ܟܰܐܡܶܠܽܘ ܡܽܐܘ ܡܶܕܶܐ ܕܟܶܬܟ̣ܽܘ. ܡܺܝܕ̥ܶܐ ܕܶܐܢ ܕܗܳܘܶܐ ܨܶܒܝܳܢܳܐ، ܟ̣ܕܽܐܘ ܡܶܕܶܐ ܕܟܶܬܠܶܗ، ܗܰܘܟ̣ܰܐ ܓܡܺܝܬܰܩܒܶܠ. ܠܳܐ ܟ̣ܕܽܘ ܡܶܕܶܐ ܕܠܰܬܠܶܗ. ܠܳܐ ܠܰܫܰܢ ܕܗܳܘܶܐ ܠܰܐܚܪ̈ܶܢܶܐ ܪܰܚܰܐ ܘܰܐܠܟ̣ܽܘ ܥܺܝܩܽܘܬ̣ܳܐ، ܐܶܠܳܐ ܟ̣ܶܐ ܚܕܳܕ̈ܶܐ ܗܘܰܐܘܽܘ ܒܽܐܘ ܙܰܒܢܰܐܢܳـܐ. ܐܽܘ ܙܳܝܽܘܕܳܐ ܕܟܶܬܟ̣ܽܘ، ܛܪܳܗ̱ܘܶܐ ܠܺܐܝ ܣܢܽܝܩܽܘܬ̣ܳܐ ܬܰܗ̱ܢܶܟ܆ ܘܽܐܘ ܙܳܝܽܘܕܳܐ ܬܰܗ̱ܢܶܟ، ܛܪܳܗ̱ܘܶܐ ܠܺܐܝ ܣܢܺܝܩܽܘܬ̣ܰܬ̣ܟ̣ܽܘ. ܠܰܫܰܢ ܕܗܳܘܶܝܬܽܘ ܟ̥ܶܐ ܚܕܳܕ̈ܶܐ ܟ̣ܶܕ ܟܬ̣ܺܝܘ: «ܗܰܘܳܐ ܕܡܰܠܶܡܠܶܐ ܓ̥ܰܠܰܒܶܐ، ܠܳܐ ܙܰܝܶܕ ܠܶܗ. ܘܗܰܘܳܐ ܕܡܰܠܶܡ ܠܶܗ ܐܶܫܡܳܐ، ܠܳܐ ܢܰܩܶܨ ܠܶܗ». ܬܰܘܕܺܝ ܠܰܐܠܳܗܳܐ، ܕܡܰܚܰܬ ܠܶܗ ܐܽܘ ܔܰܗܕܰܢܳܐ ܠܰܫܰܢܰܝܟ̣ܽܘ ܒܠܶܒܶܗ ܕܛܺܝܛܳܘܣ. ܥܰܠ ܕܡܰܩܒܶܐܠܶܗ ܐܺܝ ܛܰܠܰܒܰܝܕ̥ܰܢ. ܡܺܝܕ̥ܶܐ ܕܶܒܓ̣ܺܝܪܰܐ ܪܰܒܬܳܐ، ܡܽܐܘ ܨܶܒܝܳܢܰܝܕܶܗ ܢܰܦܶܩ ܣܶܬܟܽܘ. ܡܫܰܕܰܪ ܠܰܢ ܐܰܥܡܶܗ ܐܰܚܽܘܢܰܢ ܗܰܘܳܐ ܕܽܐܘ ܫܽܘܒܚܰܝܕܶܗ ܒܽܐܘ ܡܓܰܠܝܶܢܝܳܐ، ܒܟܽܠܠܶܗ ܐܰ ܥܺـ̈ܕܳܬ̣ܳܐ. ܠܳܐ ܗܰܬ̣ܶܐ ܒܶܠܚܽܘܕܶܗ܆ ܐܶܠܳܐ ܡܢܰܩܝܳܐܝܳܐ ܣܬܶܐ ܡܰܐ ܥܺـ̈ܕܳܬܳܐ، ܕܗܳܘܶܐ ܠܰܢ ܚܰܘܪܳܐ ܒܽܐܘ ܕܰܪܒܳܐ ܒܺܐܝ ܛܰܝܒܽܘܬ̣ܰܬ̣ܶܗ ܕܟܳܡܶܟ̣ܕܳܡܳܐ ܡܶܢܰܢ ܠܽܐܘ ܫܽܘܒܚܳܐ ܕܰܐܠܴܗܳܐ، ܘܠܽܐܘ ܬܶܚܘܺܝܳܐ ܕܽܐܘ ܨܶܒܝܳܢܰܝܕ̥ܰܢ. ܟܳܙܰܝܥܺܝܢܰܐ ܒܰܗ̱ܬ̣ܶܐ، ܕܠܳܐ ܐ̱ܢܳܫܳܐ ܡܥܰܝܰܒ ܠܰܢ ܒܺܐܝ ܬܶܫܡܶܫܬܰܬ̣ܶܐ ܐܺܝ ܪܰܒܬ̣ܳܐ ܕܟܳܡܶܟ̣ܕܳܡܳܐ ܡܶܢܰܢ. ܓܥܰܘܕܺܝܢܰܐ ܠܰܫܰܦܺܝ̣ܪ̈ܳܬ̣ܳܐ ܠܳܐ ܒܰܣ ܩܶܡ ܐܰܠܳܗܳܐ، ܐܶܠܳܐ ܩܡܰܐ ܐ̱ܢܳܫ̈ܶܐ ܣܬܶܐ. ܡܫܰܕܰܪ ܠܰܢ ܣܬܶܐ ܐܰܥܡܰܝܝܶܗ، ܐܰܚܽܘܢܰܢ ܗܰܘܳܐ ܕܶܡܔܰܪܰܒܠܰܢ ܒܓ̥ܰܠܰܒܶܐ ܡܶܕܳܢ̈ܶܐ، ܢܰܦܶܩ ܡܔܰܗܕܳܢܳܐ. ܐܶܠܳܐ ܐܽܘܥܕܳܐ ܙܶܬ ܡܔܰܗܰܕ ܠܶܗ ܒܽܐܘ ܬܽܘܟ̣ܠܳܢܳܐ ܓ̥ܰܠܰܒܶܐ ܕܰܐܥܠܰܝܟ̣ܽܘ. ܐܶܠܳܐ ܛܺܝܛܳܘܣ ܫܳܪܺܝ̣ܟܳܝܳܐ ܐܶܠܺܝ، ܘܰܡܥܰܘܢܳܢܳܝܳܐ ܐܰܥܡܺܝ ܠܰܫܰܢܰܝܟ̣ܽܘ. ܐܶܠܳܐ ܐܰܢܢܰܐܚܰܝ̈ܕܰܢ ܐܰ ܐ̱ܚܪ̈ܶܢܶܐ، ܫܠܺܝ̣̈ܚܶܐ ܕܰܐܥܺـ̈ܕܳܬ̣ܳܐ، ܘܕܽܐܘ ܫܽܘܒܚܳܐ ܕܶܡܫܺܝ̣ܚܳܐܢܶـܐ . ܡܽܐܘܥܕܳܐ ܐܺܝ ܚܽܘܒܰܬ̣ܟ̣ܽܘ ܘܽܐܘ ܫܽܘܒܗܳܪܳܐ ܕܟܶܬܠܰܢ ܐܰܒܟ̣ܽܘ ܡܰܚܘܶܐܘܽܘ ܐܽܘ ܢܺܝ̣ܫܰܢܰܬ̣ܬ̣ܶܐ ܠܰܥܺـ̈ܕܳܬ̣ܳܐ ܟܽܠܠܶܗ̱. ܒܰܪܶܟ̥ܡܳܪܝ܀