ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܛܺܝܡܳܬܶܐܳܘܣ
ܒ: ܟ ـ ܟܘ Timothy 2:20-26

ܒܽܐܘ ܒܰܝܬܳܐ ܪܰܒܳܐ، ܠܳܐ ܒܰܣ ܣܶܦܳܩ̈ܶܐ ܕܽܐܘ ܕܰܗܘܳܐ ܘܕܽܐܘ ܣܶܐܡܳܐ ܟܺܝܬ. ܐܶܠܳܐ ܕܽܐܘ ܩܰܝܣܳܐ ܘܕܽܐܘ ܥܰܦܪܳܐ ܣܬܶܐ. ܗܶܢ ܡܶܢܢܶܗ̱ ܠܽܐܘ ܐܺܝ̣ܩܳܪܳܐ ܘܗܶܢ ܡܶܢܢܶܗ ܠܽܐܘ ܡܶܕܶܐ ܕܠܰܬܠܶܗ̱ ܐܺܝ̣ܩܳܪܳܐ. ܐܺܝܕ̥ܰܐ ܐ̱ܢܳܫܳܐ ܕܡܰܢܕ̥ܶܦ ܐܺܝ ܢܰܦܫܰܝܕ̥ܶܗ ܡܰܗ̱ܢܺܝ، ܟܳܗ̱ܘܶܐ ܣܶܦܳܩܳܐ ܢܰܐܕܺܝ̣ܦܳܐ ܠܽܐܘ ܐܺܝ̣ܩܳܪܳܐ، ܘܓܫܳܘܶܐ ܠܽܘ ܣܬܶܥܡܰܐܠ ܕܽܐܘ ܡܳܪܰܝܕ̥ܶܗ، ܘܚܰܕ̥ܺܝܪܳܐ ܠܟܽܠ ܥܰܡܰܠ ܛܳܘܳܐ. ܗܰܬ ܥܪܰܩ (ܡܰܗܙܰܡ) ܡܶܐ ܟܽܠܠܶܗ ܐܰ ܪ̈ܰܝܰܓܰܬ ܕܺܐܝ ܥܠܰܝܡܽܘܬ̣ܳܐ. ܘܪܗܰܛ ܒܶܬ̣ܪܺܝ ܥܰܕܰܐܠܰܐ ܘܒܶܬ̣ܪܺܝ ܗܰܝܡܳܢܽܘܬܳܐ، ܘܒܶܬ̥ܪܺܝ ܚܽܘܒܳܐ، ܘܒܶܬ̥ܪܽܘ ܫܠܳܡܳܐ. ܥܰܡܡܰܐܢܺܝ ܕܟܳܩܳܪܶܢ ܠܡܳܪܰܢ ܒܠܶܒܳܐ ܢܰܐܕ̥ܺܝ̣ܦܳܐ. ܪܚܰܩ ܡܰܐܥܰܟ̈ܣܺܝܰܬ ܕܰܐܣܰܟ̣̈ܠܶܐ (ܔܶܗ̈ܶܠ)، ܕܟܶܬܢܶܐ ܕܠܳܐ ܐܰܕܰܒ. ܡܺܝܕ̥ܶܐ ܕܟܳܕ̥ܥܰܬ ܩܪ̈ܳܒܶܐ (ܩ̈ܰܠܰܬ) ܓܡܰܘܠܕܺܝ. ܐܽܘ ܓܪܶܥܳܐ ܕܡܳܪܰܢ، ܠܰܝܬ ܣܢܺܝܩܽܘܬ̣ܳܐ ܕܶܡܩܰܬܶܠ. ܐܶܠܳܐ ܕܗܳܘܶܐ ܡܰܟܺܝ̣ܟ̣ܳܐ، ܘܡܰܠܦܳܢܳܐ، ܘܒܨܰܒܒܶܪ. ܕܡܳܠܶܦ ܒܡܰܟܺܝܟ̣ܽܘܬ̣ܳܐ ܠܰܢܕܟܳܩܰܝܡܺܝ ܡܩܰܒܶܠ ܕܺܝܕ̥ܶܗ. ܒܰܠܟܺܝ ܐܳܒܰܠܠܶܗ̱ ܐܰܠܳܗܳܐ ܬܝܳܒܽܘܬ̣ܳܐ، ܘܶܐܕ̥ܥܺܝ ܐܽܘ ܫܪܳܪܳܐ. ܘܡܰܚܺܝܣܺܝ ܡܽܐܘ ܦܰܚܳܐ ܕܽܐܘ ܫܺܐܕ̥ܳܐ ܕܨܺܝܕܺܝܠܶܗ̱ ܠܽܐܘ ܨܶܒܝܳܢܰܝܕ̥ܶܗ̱. ܒܰܪܶܟ̥ܡܳܪܝ܀