ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܝܕ: ܟ ـ ܡ 1Corinthians 14:20-33

ܠܳܐܗ̱ܘܶܝܬܽܘ ܢܰܥܺܝ̣̈ܡܶܐ ܒܰܦܶܟܪ̈ܰܬ̣ܟ̣ܽܘ. ܐܶܠܳܐ ܗܘܰܐܘܽܘ ܢܰܥܺܝ̣̈ܡܶܐ ܠܰܒܺܝ̣̈ܫܳܬ̣ܳܐ.ّ ܘܒܰܦܦܶܟܪ̈ܰܬ̣ܟ̣ܽܘ ܗܘܰܐܘܽܘ ܟܰܡܺܝ̈ܠܶܐ. ܒܽܐܘ ܢܳܡܽܘܣܳܐ ܗܰܘܟ̥ܰܐ ܟܬ̣ܺܝܘܳܝܳܐ: «ܒܶܔܓ̥ܰܠܺܝܶܐ ܢܽܘܟ̣ܪܰܝܬܳܐ، ܘܒܠܶܫܳܢܳܐ ܐ̱ܚܪܶܢܳܐ ܓܡܶܔܓ̥ܰܠ ܐ̱ܢܳܐ ܥܰܡܽܘ ܥܰܡܰܐܢܳܐ. ܐܶܠܳܐ ܠܳܐ ܗܰܘܟ̣ܰܐ ܣܬܶܐ، ܓܫܶܡܥܺܝ ܠܺܝ ܟܳܐܡܶܪ ܐܰܠܳܗܳܐ». ܗܰܬ̥ܶܐ ܓܡܰܚܽܝܳܐ، ܕܰܐ ܠܶܫܳܢ̈ܶܐ، ܠܳܐ ܠܰܫܰܢ ܗܰܢܺܝ ܕܟܳܡܗܰܝܡܢܺܝ، ܐܶܠܳܐ ܠܰܐܝܢܰܐ ܕܠܳܐ ܟܳܡܗܰܝܡܢܺܝ ܡܰܚܬܶܢܶܐ. ܐܶܠܐܳ ܐܺܝ ܢܒܺܝܽܘܬ̣ܳܐ، ܠܳܐ ܠܐܰܝܢܰܐ ܕܠܳܐ ܟܳܡܗܰܝܡܢܺܝ، ܐܶܠܳܐ ܠܰܐܝܢܰܐ ܕܟܳܡܗܰܝܡܢܺܝ ܗܰܘܝܳܐ. ܐܺܝܕ̥ܰܐ ܕܠܰܝܡܳܐ ܐܺܝ ܥܺܕܬܳܐ ܟܽܠܰܗ̇ ܒܶܚܕܳܐ ܕܽܘܟܬ̣ܳܐ، ܘܟܽܠܠܶܗ ܕܡܶܔܓ̥ܳܠܺܝ ܒܰܠܶܫ̈ܳܢܶܐ. ܘܕܥܳܒܪܺܝ ܣܶܬܟ̥ܽܘ ܝܰܐ ܒܽܘܪ̈ܶܐ (ܔܶܗ̈ܶܠ)، ܐܰܘ ܠܳܐ ܡܗܰܝ̈ܡܢܶܐ، ܩܰܝ ܠܳܐ ܟܶܐܡܡܺܝ ܗܰܐܢܺܝ ܡܕܰܝܘܰܢܢܶܐ؟ ܐܺܝܕ̥ܰܐ ܟܽܠܟ̥ܽܘ ܕܡܶܬܢܰܒܶܬܽܘ، ܘܕܥܳܒܶܪ ܣܶܬܟ̥ܽܘ ܚܰܕ̱ ܒܽܘܪܳܐ، ܐܰܘ ܠܳܐ ܡܗܰܝܡܢܳܐ، ܓܶܕܡܺܝܕ̥ܶܥ ܡܶܐ ܟܽܠܟ̣ܽܘ، ܘܓܡܺܝܕܶܢ ܡܶܐ ܟܽܠܟ̣ܽܘ، ܘܰܐ ܟܰܣ̈ܝܳܬܳܐ ܕܠܶܒܶܗ ܓܡܶܓܠܶܢ. ܘܗܰܘܟ̣ܰܐ ܓܢܳܦܶܠ ܥܰܠ ܦܳܬ̥ܶܗ ܘܓܣܳܓ̣ܶܕ ܠܰܐܠܳܗܳܐ ܘܓܕܳܐܡܶܪ: «ܒܰܫܪܳܪܳܐ ܟܺܝܬ ܐܰܒܟ̣ܽܘ ܐܰܠܳܗܳܐ». ܡܰܘܟ̥ܰܐ ܟܳܐܡܰܪ ܐ̱ܢܳܐ ܐܰܢܢܰܚܰܝ̈ܕ̥ܺܝ! ܐܺܝ ܢܰܩܩܰܐ ܕܠܰܝܡܺܝܬܽܘ، ܠܰܐܝܢܰܐ ܡܶܢܟ̣ܽܘ ܕܟܶܬܠܶܗ ܡܰܙܡܽܘܪܳܐ، ܛܪܳܐܡܶܪ. ܘܠܰܐܝܢܰܐ ܕܟܶܬܠܶܗ ܝܽܘܠܦܳܢܳܐ، ܘܠܰܐܝܢܰܐ ܕܟܶܬܠܶܗ ܓܶܠܝܳܢܳܐ، ܘܠܰܐܝܢܰܐ ܕܟܶܬܠܶܗ ܠܶܫܳܢܳܐ، ܘܠܰܐܝܢܰܐ ܕܟܶܬܠܶܗ ܫܪܳܚܳܐ. ܟܽܠܠܶܗ ܛܪܳܐ ܠܺܐܝ ܥܡܰܪܰܐ ܗܳܘܶܢ. ܐܺܝܕ̥ܰܐ ܚܰܕ̱ ܕܡܶܔܓ̥ܶܠ ܒܠܶܫܳܢܳܐ، ܛܪܳܐ ܬܪܶܐ ܡܶܔܓ̥ܳܠܺܝ. ܐܽܘ ܓ̥ܰܠܰܒܶܐ ܬܠܳܬ̣ܳܐ. ܘܚܰܕ̱ ܘܚܰܕ̱ ܛܪܳܐ ܡܶܔܓ̥ܳܠܺܝ܆ ܘܚܰܕ̱ ܛܪܳܐ ܫܳܪܶܚ. ܐܶܠܳܐ ܐܺܝܕ̥ܰܐ ܠܰܝܬ ܫܰܪܳܚܳܐ، ܐܽܘ ܐ̱ܢܳܫܰܐ ܗ̱ܘܳܐ ܛܪܳܐ ܟܳܠܶܐ ܒܺܐܝ ܥܺܕ̱ܬܳܐ ܕܠܳܐ ܔܓ̥ܰܠܺܝܶܐ، ܘܒܰܝܢܶܐ ܠܺܐܝ ܢܰܦܫܰܝܕ̥ܶܗ (ܪܽܘܚܶܗ) ܘܠܰܐܠܳܗܳܐ ܛܪܳܐ ܡܶܔܓ̥ܶܠ. ܐܶܠܳܐ ܐܰ ܢܒ̈ܺܝ̈ܶܐ ܛܪܳܐ ܬܪܶܐ ܡܶܔܓ̥ܳܠܺܝ ܐܰܘ ܬܠܳܬ̣ܳܐ. ܘܰܐ̱ܚܪ̈ܶܢܶܐ ܛܪܳܐ ܡܶܦܬܰܟܪܺܝ ܘܚܳܙܶܢ. ܐܺܝܕ̥ܰ ܐ ܐ̱ܢܳܫܳܐ ܬܰܡܳܐ ܝܰܬܺܝܘܳܐ ܕܡܶܓܠܶܐ ܐܶܠܶܗ ܡܶܕܶܐ ܡܰܐܠܳܗܳܐ܆ ܛܪܳܐ ܐܽܘ ܩܰܡܳܝܳܐ ܟܳܠܶܐ. ܡܺܝܕ̥ܶܐ ܕܟܳܩܳܕܪܺܝܬܽܘ ܟܽܠܟ̣ܽܘ ܕܡܶܬܢܰܒܶܝܬܽܘ ܚܰܕ̱ ܚܰܕ̱. ܠܰܫܰܢ ܟܽܠ ܐ̱ܢܳܫܳܐ ܝܳܠܶܦ ܘܟܽܠ ܐ̱ܢܳܫܳܐ ܡܺܝܣܰܠܶܐ. ܐܺܝ ܪܽܘܚܳܐ ܕܰܢܒܺܝ̈ܐ، ܠܰܢܒܺܝ̈ܶܐ ܓܡܰܛܺܝ̣ܥܳܐ. ܡܺܝܕ̥ܶܐ ܕܰܐܠܳܗܳܐ، ܠܰܬܝܳܐ ܕܽܐܘ ܫܓ̣ܽܘܫܝܳܐ܆ ܐܶܠܳܐ ܕܽܐܘ ܫܠܳܡܳܐ. ܒܰܪܶܟ̥ܡܳܪܝ܀