ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܕ: ܝܙ ـ ܟܐ܇ ܗ: ܐ ـ ܗ 1Corinthians 4:17-21, 5:1-5

ܡܰܗ̱ܘܟ̣ܰܐ ܡܫܰܕܰܪܠܺܝ ܠܓܰܢ̱ܒܰܝܟ̥ܽܘ ܠܛܺܝܡܳܬ̣ܶܐܘܳܣ، ܕܟܶܬܝܳܐ ܐܽܘ ܐܰܒܪܰܝܕ̥ܺܝ ܐܽܘ ܚܰܒܺܝܒܳܐ، ܘܽܐܘ ܡܗܰܝܡܢܳܐ ܒܰܐܠܳܗܳܐ. ܠܰܫܰܢ ܕܡܰܡܬܶܐ ܠܒܳܠܰܝܟ̣ܽܘ ܐܰ ܕܰܪ̈ܒܳܢܰܝܕ̥ܺܝ ܕܒܶܡܫܺܝ̣ܚܳܐ. ܟ̣ܶܕ ܓܡܳܠܰܦ ܐ̱ܢܳܐ ܒܟܽܠ ܕܽܘܟܬ̣ܳܐ ܘܒܟܽܠ ܥܺܕ̱ܬܳܐ. ܟ̣ܶܕ ܗܰܘ ܟܳܐܬ̥ܶܐ ܐ̱ܢܳܐ ܠܓܰܢ̱ܒܰܝܟ̥ܽܘ، ܡܪܰܡܪܡܺܝ ܐ̱ܢܳܫ̈ܳܐ ܡܶܢܟܽܘ. ܐܶܠܳܐ ܐܺܝܕ̥ܰܐ ܕܰܐܠܳܗܳܐ ܕܨܳܒܶܐ، ܕܠܳܐ ܟܠܳܝܳܐ ܓܕܳܐܬ̣ܶܐ ܐ̱ܢܳܐ ܣܶܬܟ̣ܽܘ. ܘܓܕܳܐܕ̥ܰܥ ܐ̱ܢܳܐ ܠܳܐ ܐܺܝ ܔܓ̥ܰܠܺܝܶܐ ܬܰܗ̱ܢܺܝ ܕܟܳܡܪܰܡܪܡܺܝ (ܟܳܢܶܦܚܺܝ) ܪܽܘܚܰܝܝܶܗ̱، ܐܶܠܳܐ ܐܽܘ ܚܰܝܠܰܬ̣ܬ̣ܶܐ. ܡܺܝܕ̥ܶܐ ܕܺܐܝ ܡܰܠܟܽܘܬ̣ܳܐ ܕܰܐܠܳܗܳܐ، ܠܰܬܝܳܐ ܒܺܐܝ ܡܶܠܬ̣ܳܐ. ܐܶܠܳܐ ܒܽܐܘ ܚܰܝܠܳܐܝܳܐ. ܐܰܝܢܰܐ ܟܶܒܥܺܝܬܽܘ؟ ܒܺܐܝ ܚܰܛܪܳܐ ܐܳܬ̣ܶܐ ܐ̱ܢܳܐ ܣܶܬܟ̣ܽܘ؟ ܐܰܘ ܒܺܐܝ ܚܽܘܒܳܐ ܘܒܺܐܝ ܪܽܘܚܳܐ ܡܰܟܺܝܟ̣ܬܳܐ؟ ܒܰܫܪܳܪܳܐ ܟܳܡܶܫܡܶܥ ܒܰܝܢܰܬ̣ܟ̣ܽܘ ܙܳܢܝܽܘܬ̣ܳܐ. ܟ̣ܕܺܝ ܙܳܢܝܽܘܬ̣ܰܬ̥ܶܐ ܕܒܰܝܢܰܐ ܥܰܡ̈ܶܐ ܣܬܶܐ ܠܳܐ ܓܡܺܝܬܰܘܡܶܪ ܐܶܫܡܰܗ̱̇. ܚܰܬܬܰܐ ܕܡܳܝܶܕ ܐܽܘ ܐܰܒܪܳܐ ܐܺܝ̣ ܐܰܢ̱ܬ̣ܬܳܐ ܕܽܐܘ ܒܰܐܒܳܐ. ܗܰܘܺܝܬܽܘ ܪ̈ܳܡܳܢܶܐ (ܟܶܐܒܰܪ). ܡܰܐ ܠܳܐ ܠܳܙܰܡ ܗ̱ܘܰܐ ܕܝܰܬܺܝܘܺܝܬܽܘ ܒܓ̥ܰܡܳܐ، ܠܰܫܰܢ ܕܡܶܬܠܶܐ ܡܶܐ ܒܰܝܢܰܬ̣ܟ̣ܽܘ ܗܰܘܳܐ ܕܣܶܡܠܶܐ ܐܽܘ ܫܽܘܓ̥ܠܰܢܳܐ؟ ܐܳܢܳܐ ܘܰܠܰܘ ܪܰܚܽܘܩܳܐ ܡܶܢܟ̣ܽܘ ܒܽܘ ܔܰܣܰܕ، ܐܶܠܳܐ ܒܺܐܝ ܪܽܘܚܳܐ، ܟ̥ܶܐ ܚܰܕ ܩܰܪܺܝܘܳܐ، ܕܶܢܠܺܝ (ܚܟܶܡܠܺܝ) ܠܰܗ̱ܘܳܐ ܕܣܶܡܠܶܗ ܗܰܘܟ̣ܰܐ. ܐܺܝ ܢܰܩܩܰܐ ܕܠܰܝܡܽܘܬܽܘ ܟܽܠܟ̣ܽܘ ܒܶܫܡܶܗ ܕܡܳܪܰܢ ܝܶܫܽܘܥ ܡܫܺܝ̣ܚܳܐ، ܘܳܐܢܳܐ ܣܬܺܝ ܐܰܥܡܰܝܟ̥ܽܘ ܒܺܐܝ ܪܽܘܚܳܐ، ܛܪܳܐ ܗܰܘܳܐ ܕܣܶܡܠܶܗ ܐܽܘ ܡܶܕܰܢܳܐ، ܥܰܡܽܘ ܚܰܝܠܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܡܺܝܬܰܣܠܶܡ ܠܽܐܘ ܫܺܐܕܳܐ. ܡܺܝܕ̥ܶܐ ܕܟܳܠܳܙܶܡ ܕܽܘ ܔܰܣܰܕܰܝܕ̥ܶܗ̱ ܕܗܳܠܶܟ، ܐܶܠܳܐ ܒܽܘ ܝܰܘܡܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܺܝ ܪܽܘܚܰܝܕ̥ܶܗ̱ ܕܟ̥ܳܠܨܳܐ. ܒܰܪܶܟ̥ܡܳܪܝ܀