ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝܓ: ܛ ـ ܝܚ Hebrews 13:9-18

ܒܶܬ̣ܪܰܐ ܝܽܘ̈ܠܦܳܢܶܐ ܢܽܘܟ̣ܪ̈ܳܝܶܐ ܘܡܫܰܟ̈ܠܶܐ ܠܐܶܙܙܳܟ̥ܽܘ. ܡܺܝܕ̥ܶܐ ܕܫܰܦܺܝܪܳܝܳܐ ܕܒܺܐܝ ܛܰܝܒܽܘܬ̣ܳܐ ܡܬ̣ܰܒܬܺܝܢܰܐ ܠܶܒܰܝܢܰܐ، ܘܠܳܐ ܒܰܡܽܘ̈ܟܠܳܢܶܐ. ܥܰܠ ܕܠܳܐ ܡܥܰܘܢܺܝ ܡܶܢܢܶܗ، ܗܰܢܺܝ ܕܰܐܒܒܶܗ ܡܗܰܠܰܟ̣ܟ̣ܶܐ. ܟܶܬܠܰܢ ܡܰܕ̥ܒܚܳܐ. ܘܠܰܬܬܶܐ ܫܽܘܠܛܳܢܳܐ ܠܰܐܗ̱ܢܺܝ ܕܟܳܟ̥ܳܕܡܺܝ ܒܽܐܘ ܡܰܫܟܢܳܐ ܕܳܐܟ̣ܠܺܝ ܡܶܢܶܗ. ܡܺܝܕ̥ܶܐ ܕܰܚܰܝܘ̈ܳܬ̣ܳܐ ܕܡܰܥܒܰܪ ܗ̱ܘܰܐ ܐܽܘ ܐܰܕܡܰܬ̣ܬ̣ܶܐ ܐܽܘ ܪܰܒܳܐ ܕܰܟܽܘܡܪ̈ܶܐ ܠܽܐܘ ܒܶܝܬ̣ ܩܽܘܕܫܳܐ ܡܶܚܠܰܦ ܐܰ ܚܛܳܗ̈ܶܐ، ܐܽܘ ܒܰܨܪܰܬ̣ܬ̣ܶܗ ܠܰܪܘܰܠ ܡܺܐܝ ܡܰܫܪܺܝܬ̣ܳܐ(ܐ) ܝܳܩܰܕ ܗ̱ܘܰܐ. ܝܶܫܽܘܥ ܣܬܶܐ ܡܰܗ̱ܘܟ̥ܰܐ ܠܰܫܰܢ ܕܶܡܩܰܕܶܫ ܠܽܐܘ ܥܰܡܰܝܕ̥ܶܗ ܒܽܐܘ ܐܰܕܡܰܝܕ̥ܶܗ، ܠܰܪܘܰܠ ܡܺܐܝ ܘܰܠܰܝܶܐ ܛܥܶܡ ܠܶܗ ܓ̥ܰܡܳܐ. ܡܰܘܟ̥ܰܐ، ܐܰܚܢܰܐ ܛܰܥܳܢ̈ܶܐ ܕܽܐܘ ܥܰܝܒܰܝܕ̥ܶܗ، ܢܶܦܩܺܝܢܰܐ ܓܰܒܶܗ̱ ܠܰܪܘܰܠ ܡܺܐܝ ܡܰܫܪܺܝܬ̣ܳܐ. ܡܺܝܕ̥ܶܐ ܕܠܰܬܠܰܢ ܘܰܠܰܝܶܐ ܕܟܳܦܰܝܫܳܐ ܗܰܪܟܶܐ. ܐܶܠܳܐ ܠܰܐܗ̱ܝܳܐ ܕܓܶܕܶܐܬ̣ܝܳܐ ܟܳܢܶܛܪܺܝܢܰܐ. ܘܒܺܐܝܕܶܗ ܡܶܣܩܺܝܢܰܐ ܕܶܒܚ̈ܶܐ ܕܽܐܘ ܫܽܘܒܚܳܐ ܒܟܽܠ ܙܰܒܢܳܐ ܠܰܐܠܳܗܳܐ. ܕܟܶܬܢܶܐ ܐܰ ܦܺܐܪ̈ܶܐ ܕܰܣܰܒܒܳܬ̣ܰܝ̈ܕ̥ܰܢ ܕܟܳܡܰܘܕܶܢ ܠܽܘ ܐܶܫܡܰܝܕ̥ܶܗ. ܐܶܠܐܳ ܠܳܐ ܛܳܥܶܝܬܽܘ ܐܺܝ ܡܪܰܚܡܳܢܽܘܬ̣ܳܐ ܘܽܐܘ ܦܶܠܳܓ̣ܳܐ ܕܰܥܠܰܐ ܡܶܣ̈ܟܺܢܶܐ. ܡܺܝܕ̥ܶܐ ܕܒܰܕܶܒ̈ܚܰܢܺܝ ܟܫܳܦܶܪ ܐܽܘ ܐ̱ܢܳܫܳܐ ܠܰܐܠܳܗܳܐ. ܡܰܛܺܝܥܽܘ ܠܰܡܕܰܒܪ̈ܳܢܰܬ̣ܟ̣ܽܘ، ܘܫܡܰܥܽܘ̈ܢܢܶܐ. ܡܺܝܕ̥ܶܐ ܕܟܳܫܳܗܪܺܝ ܡܶܚܠܰܦ ܐܰ ܢܰܦ̈ܫܳܬ̣ܰܬ̣ܟ̣ܽܘ܆ ܟ̣ܶܐ ܐ̱ܢܳܫ̈ܳܐ ܕܓܶܕܐܳܒܺܝ ܚܰܣܰܐܒ ܕܰܢܢܰܦ̈ܫܳܬ̣ܰܬ̣ܟ̣ܽܘ. ܠܰܫܰܢ ܕܒܶܦܨܺܝ̣ܚܽܘܬ̣ܳܐ ܣܰܝܡܺܝ ܗܰܬ̣ܶܐ، ܘܠܳܐ ܒܚܰܨܪ̈ܰܬ. ܡܺܝܕ̥ܶܐ ܕܗܰܬ̣ܶܐ ܠܳܐ ܣܰܝܡܽܘܬܽܘ ܓܟ̥ܽܘܨܪܽܘܬܽܘ. ܡܨܰܐܠܶܘܽܘ ܠܰܫܰܢܰܢ. ܡܺܝܕ̥ܶܐ ܕܟܶܬܠܰܢ ܬܽܘܟ̥ܠܳܢܳܐ ܕܢܺܝܰܐ ܛܰܘܬܳܐ ܟܶܬܠܰܢ. ܟܶܒܥܺܝܢܰܐ ܕܟܽܠ ܡܶܕܶܐ ܕܟܶܬܝܳܐ ܫܰܦܺܝܪܳܐ ܣܰܝܡܺܝܢܰܐ. ܒܰܪܶܟ̥ܡܳܪܝ܀