ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܘ: ܐ ـ ܝܐ 1Corinthians 6:1-11

ܐܺܝ ܢܰܩܩܰܐ ܕܐܢܳܫܳܐ ܡܶܢܟ̥ܽܘ ܕܗܳܘܶܐ ܠܶܗ ܕܰܥܘܰܐ ܥܰܡܽܘ ܐܰܚܽܘܢܰܝܕ̥ܶܗ، ܩܰܝ ܓܣܳܝܶܡ ܔܰܨܰܐܪܰܐ ܕܚܳܟܶܡ ܩܡܰܐ ܛܳܠܽܘ̈ܡܶܐ (ܚܰܛܳܝ̈ܶܐ) ܘܠܳܐ ܓܰܢ̱ܒܰܐ ܩܰܕܺܝ̣̈ܫܶܐ؟ ܩܰܝ ܠܳܐ ܟܽܘܕ̥ܥܽܘܬܽܘ ܕܰܩܰܕܺܝ̣̈ܫܶܐܢܶܐ ܕܓܶܕ ܚܳܟܡܺܝ ܠܽܐܘ ܥܳܠܡܳܐ؟ ܘܺܐܝܕ̥ܰܐ ܐܽܘ ܥܳܠܡܳܐ ܐܰܒܟ̥ܽܘ ܓܡܶܚܟܶܡ، ܩܰܝ ܠܳܐ ܓܩܳܕܪܽܘܬܽܘ ܕܚܳܟܡܺܝܬܽܘ ܐܰ ܡܰܚܰܟ̈ܶܡ ܕܟܶܬܢܶܐ ܢܰܥܺܝ̣̈ܡܶܐ؟ ܩܰܝ ܠܳܐ ܟܳܕ̥ܥܺܝܬܽܘ ܕܠܰܡܰܠܰܐܟ̈ܶܐ ܓܕܰܝܢܺܝܢܰܐ؟ ܐܰܝܟܳܐ ܦܰܐܺܝܫܺܝ ܐܰ ܡܶܕ̈ܳܢܶܐ ܕܽܐܘ ܥܳܠܡܰܢܳܐ؟ ܐܺܝ ܢܰܩܩܰܐ ܕܟܶܬܟ̥ܽܘ ܡܰܚ̈ܰܐܟܶܡ ܥܰܠܰܐܢܶܟ ܕܽܐܘ ܥܳܠܡܰܢܳܐ، ܐܰܝܕܰܪܒܳܐ ܟܳܡܶܬܘܽܘܬܽܘ ܠܰܡܚܰܩܪ̈ܶܐ (ܬܘܺܝܪ̈ܳܝܶܐ) ܕܺܝ ܥܺܕ̱ܬܳܐ ܘܓܚܳܟܡܽܘܬܶܢܢܶܗ̱؟ ܠܰܫܰܢ ܕܡܺܝܢܰܟܦܽܘܬܽܘ ܟܳܐܡܰܪ ܐ̱ܢܳܐ ܗܰܬ̥ܶܐ. ܩܰܝ ܠܰܝܬ ܒܰܝܢܳܬ̣ܰܝܟ̣ܽܘ ܚܰܕ̱ ܚܰܟܺܝ̣ܡܳܐ ܕܩܳܕܶܪ ܚܳܟܶܡ ܒܰܝܢܶܐ ܐܰܚܽܘܢܳܐ ܠܰܐܚܽܘܢܳܐ؟ ܐܶܠܳܐ ܐܽܘ ܐܰܚܽܘܢܳܐ ܓܚܳܟܶܡ ܐܽܘ ܐܰܚܽܘܢܳܐ، ܣܰܐܢܶܟ ܕܠܰܬܢܶܐ ܡܗܰܝ̈ܡܢܶܐ. ܒܰܫܪܳܪܳܐ ܚܟܶܡܟ̥ܽܘ ܪܽܘܚܰܝܟ̥ܽܘ ܥܰܠ ܕܟܶܬܟ̣ܽܘ ܡܰܚܟܰܡܰܐ ܚܰܕ̱ ܥܰܠܽܘ ܚܰܕ. ܩܰܝ ܠܳܐ ܓܡܶܕ̥ܠܳܡܺܝܬܽܘ ܒܽܐܘ ܙܳܝܽܘܕܳܐ؟ ܩܰܝ ܠܳܐ ܓܡܺܝܬܰܢܗܒܺܝܬܽܘ؟ ܐܶܠܳܐ ܗܰܐܬܽܘ ܟܳܕ̥ܶܠܡܺܝܬܽܘ ܘܟܳܡܰܢܶܗܒܺܝܬܽܘ ܠܰܐܢܢܰܚܽܘ̈ܢܳܢܰܬ̣ܟ̣ܽܘ ܣܬܶܐ. ܩܰܝ ܠܳܐ ܟܳܕ̥ܥܺܝܬܽܘ ܕܰܛܳܠܽܘ̈ܡܶܐ (ܚܰܛ̈ܳܝܶܐ)، ܡܰܠܟܽܘܬ̣ܳܐ ܕܰܐܠܳܗܳܐ ܠܳܐ ܓܝܶܪܬ̥ܺܝ؟ ܠܳܐ ܛܳܥܶܝܬܽܘ، ܠܳܐ ܙܰܢܳܝ̈ܶܐ، ܘܠܳܐ ܣܰܓ̥ܳܕ̈ܶܐ ܕܰܨܰܠܡ̈ܶܐ، ܘܠܳܐ ܓܰܝܳܪ̈ܶܐ، ܘܠܳܐ ܡܚܰܒ̈ܠܶܐ، ܘܠܳܐ ܕܟܳܕܶܡܟ̣ܺܝ ܥܰܡܰܐ ܓܰܘܪ̈ܶܐ، ܘܠܳܐ ܐܰ ܛܰܡ̈ܰܥ، ܘܠܳܐ ܐܰ ܓܰܢܳܘ̈ܶܐ، ܘܠܳܐ ܐܰ ܪ̈ܰܘܳܝܶܐ (ܕܟܳܚܽܘܪܘܺܝ ܒܽܘ ܫܬܳܝܳܐ)، ܘܠܳܐ ܐܰ ܡܨܰܥܪ̈ܳܢܶܐ، ܘܠܳܐ ܐܰ ܢܰܬܳܫ̈ܶܐ. ܗܰܢܺܝ ܡܰܠܟܽܘܬ̣ܳܐ ܕܰܐܠܳܗܳܐ ܠܳܐ ܓܝܶܪܬ̣ܺܝ. ܗܰܢܺܝ ܟܶܬܘܰܐ ܒܐܢܳܫܳܐ ܐ̱ܢܳܫܳܐ ܡܶܢܟ̣ܽܘ. ܐܶܠܳܐ ܣܚܰܠܟ̣ܽܘ ܘܡܩܰܕܫܺܝܬܽܘ ܘܡܒܰܪܶܝܬܽܘ ܒܶܫܡܶܗ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܘܒܺܐܝ ܪܽܘܚܳܐ ܕܽܐܘ ܐܰܠܳܗܰܝܕܰܢ. ܒܰܪܶܟ̥ܡܪܝ܀