ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܗ: ܐ ـ ܝܐ 1Corinthians 5:1-11

ܒܰܫܪܳܪܳܐ ܟܳܡܶܫܡܶܥ ܒܰܝܢܰܬ̣ܟ̣ܽܘ ܙܳܢܝܽܘܬ̣ܳܐ. ܟ̣ܕܺܝ ܙܳܢܝܽܘܬ̣ܰܬ̥ܶܐ ܕܒܰܝܢܰܐ ܥܰܡ̈ܶܐ ܣܬܶܐ ܠܳܐ ܓܡܺܝܬܰܘܡܶܪ ܐܶܫܡܰܗ̱̇. ܚܰܬܬܰܐ ܕܡܳܝܶܕ ܐܽܘ ܐܰܒܪܳܐ ܐܺܝ̣ ܐܰܢ̱ܬ̣ܬܳܐ ܕܽܐܘ ܒܰܐܒܳܐ. ܗܰܘܺܝܬܽܘ ܪ̈ܳܡܳܢܶܐ (ܟܶܐܒܰܪ). ܡܰܐ ܠܳܐ ܠܳܙܰܡ ܗ̱ܘܰܐ ܕܝܰܬܺܝܘܺܝܬܽܘ ܒܓ̥ܰܡܳܐ، ܠܰܫܰܢ ܕܡܶܬܠܶܐ ܡܶܐ ܒܰܝܢܰܬ̣ܟ̣ܽܘ ܗܰܘܳܐ ܕܣܶܡܠܶܐ ܐܽܘ ܫܽܘܓ̥ܠܰܢܳܐ؟ ܐܳܢܳܐ ܘܰܠܰܘ ܪܰܚܽܘܩܳܐ ܡܶܢܟ̣ܽܘ ܒܽܘ ܔܰܣܰܕ، ܐܶܠܳܐ ܒܺܐܝ ܪܽܘܚܳܐ، ܟ̥ܶܐ ܚܰܕ ܩܰܪܺܝܘܳܐ، ܕܶܢܠܺܝ (ܚܟܶܡܠܺܝ) ܠܰܗ̱ܘܳܐ ܕܣܶܡܠܶܗ ܗܰܘܟ̣ܰܐ. ܐܺܝ ܢܰܩܩܰܐ ܕܠܰܝܡܽܘܬܽܘ ܟܽܠܟ̣ܽܘ ܒܶܫܡܶܗ ܕܡܳܪܰܢ ܝܶܫܽܘܥ ܡܫܺܝ̣ܚܳܐ، ܘܳܐܢܳܐ ܣܬܺܝ ܐܰܥܡܰܝܟ̥ܽܘ ܒܺܐܝ ܪܽܘܚܳܐ، ܛܪܳܐ ܗܰܘܳܐ ܕܣܶܡܠܶܗ ܐܽܘ ܡܶܕܰܢܳܐ، ܥܰܡܽܘ ܚܰܝܠܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܡܺܝܬܰܣܠܶܡ ܠܽܐܘ ܫܺܐܕܳܐ. ܡܺܝܕ̥ܶܐ ܕܟܳܠܳܙܶܡ ܕܽܘ ܔܰܣܰܕܰܝܕ̥ܶܗ̱ ܕܗܳܠܶܟ، ܐܶܠܳܐ ܒܽܘ ܝܰܘܡܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܺܝ ܪܽܘܚܰܝܕ̥ܶܗ̱ ܕܟ̥ܳܠܨܳܐ. ܠܰܬܝܳܐ ܫܰܦܺܝܪܳܐ ܕܡܶܫܬܰܒܗܪܽܘܬܽܘ (ܕܗܳܘܽܘܬܽܘ ܟܶܐܒܰܪ). ܐܽܘ ܫܽܘܒܗܳܪܰܬ̣ܟ̣ܽܘ. ܩܰܝ ܠܳܐ ܟܳܕ̥ܥܺܝܬܽܘ ܐܶܫܡܳܐ ܕܶܚܡܺܝܪܳܐ، ܠܽܘ ܠܰܝܫܳܐ ܟܽܠܶܗ ܓܡܰܚܡܶܥ؟ ܡܰܘܟ̥ܰܐ ܡܰܢܕ̥ܶܦܽܘ ܡܶܢܟ̣ܽܘ ܐܽܘ ܚܡܺܝܪܳܐ ܥܰܬܺܝ̣ܩܳܐ، ܠܰܫܰܢ ܕܗܳܘܶܝܬܽܘ ܠܰܝܫܳܐ ܚܰܕ̱ܬ̣ܳܐ. ܟ̣ܶܕ ܕܟܶܬܗܰܬܽܘ ܦܰܛܺܝܪܳܐ (ܫܟܰܒ̥ܰܐ). ܡܺܝܕ̥ܶܐ ܕܽܐܘ ܦܶܨܚܰܝܕ̥ܰܢ ܕܟܶܬܝܳܐ ܡܫܺܝ̣ܚܳܐ، ܕܒܺܝ̣ܚ ܡܶܚܠܳܦܰܝܢܰܐ. ܡܰܘܟ̥ܰܐ ܡܥܰܝܕ̥ܺܝܢܰܐ، ܠܳܐ ܒܽܐܘ ܚܡܽܝܪܳܐ ܥܰܬܺܝ̣ܩܳܐ، ܘܠܳܐ ܒܽܐܘ ܚܡܺܝܪܳܐ ܕܺܐܝ ܒܺܝܫܽܘܬ̣ܳܐ ܘܕܺܐܝ ܡܰܐܝ̣ܺܪܽܘܬ̣ܳܐ. ܐܶܠܳܐ ܒܽܐܘ ܚܡܺܝܪܳܐ ܕܺܐܝ ܫܰܪܺܝܪܽܘܬ̣ܳܐ، ܘܕܺܐܝ ܩܰܕܺܝ̣ܫܽܘܬ̣ܳܐ. ܟܬ̣ܽܘܠܺܝ ܠܟ̣ܽܘ ܒܺܐܝ ܐܶܓܰܪܬ̥ܰܝܕ̥ܺܝ، ܕܠܳܐ ܡܶܟ̣ܠܳܛܺܝܬܽܘ ܥܰܡܰܐ ܙܰܢܳܝ̈ܶܐ. ܠܳܐ ܟܳܐܡܰܪ ܐ̱ܢܳܐ ܥܰܡܰܐ ܙܰܢܳܝ̈ܶܐ ܕܒܽܐܘ ܥܳܠܡܰܢܳܐ، ܐܰܘ ܐܰ ܛܰܡ̈ܰܥ، ܐܰܘ ܐܰ ܢܰܬܳܫ̈ܶܐ، ܐܰܘ ܐܰ ܣܰܓ̥ܳܕ̈ܶܐ ܕܰܨܰܠܡ̈ܶܐ. ܐܺܝܕ̥ܰܐ ܕܗܳܘܶܐ ܗ̱ܘܰܐ ܗܰܘܟܐ ܐܺܝ ܢܰܩܩܰܝܳܐ ܠܳܙܰܡ ܗ̱ܘܳܐ ܕܢܶܦܩܺܝܬܽܘ ܡܽܐܘ ܥܳܠܡܰܐܢܳܐ ܣܬܶܐ. ܐܶܠܳܐ ܐܽܘܥܕܳܐ ܟܬ̣ܽܘܠܺܝ ܠܟ̣ܽܘ، ܐܶܢ ܟܺܝܬ ܚܰܕ̱ ܕܟܳܡܶܩܪܶܐ ܐܰܚܳܐ ܙܰܢܳܝܳܐ، ܐܰܘ ܛܰܡܰܥ، ܐܰܘ ܣܳܓ̣ܶܕ̥ ܨܰܠܡܳܐ، ܐܰܘ ܡܨܰܥܪܳܢܳܐ، ܐܰܘ ܫܰܬܳܝܳܐ، ܐܰܘ ܢܰܬܳܫܳܐ، ܥܰܡ ܐܰܝܢܰܐ ܕܟܶܬܝܳܐ ܗܰܘܟ̥ܰܐ، ܠܳܐ ܡܶܟ̣ܠܳܛܺܝܬܽܘ. ܘܠܳܐ ܠܰܚܡܳܐ ܣܬܶܐ ܐܰܥܡܶܗ ܐܳܟ̥ܠܺܝܬܽܘ. ܒܰܪܶܟ̥ܡܳܪܝ܀