ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܽܘ̈ܠܳܣܳܝܶܐ
ܐ: ܟܐ ـ ܟܛ Colossians 1:21-29

ܡܽܘ ܣܰܒܰܒ ܕܰܐܥ̈ܡܰܠܰܬ̣ܟ̣ܽܘ ܐܰ ܒܺܝ̈ܫܶܐ، ܗܰܐܬܽܘ ܡܶܐ ܡܶܩܶܡ ܢܽܘܟܪ̈ܳܝܶܐ ܗܘܰܝܬܽܘ. ܘܒܥܶܠܶܕ̈ܒܳܒܶܐ (ܕܶܔ̰ܡܶܢ) ܒܰܐܦܶܟܪ̈ܰܬ̣ܟ̣ܽܘ. ܐܶܠܳܐ ܐܽܘܥܕܳܐ، ܡܫܰܝܰܢ ܠܶܗ ܠܟ̣ܽܘ ܒܽܐܘ ܦܰܓ̥ܪܳܐ (ܔܰܣܰܕ) ܕܺܐܝ ܐ̱ܢܳܫܽܘܬ̣ܰܝܕܶܗ ܘܒܽܐܘ ܡܰܘܬܰܝܕܶܗ. ܠܰܫܰܢ ܕܡܰܩܶܡܟ̣ܽܘ ܩܽܘܡܶܗ ܩܰܕܺܝ̣̈ܫܶܐ، ܘܕܠܳܐ ܠܰܘܡ ܘܕܠܳܐ ܥܰܝܒܳܐ، ܘܦܰܝܫܳܐ ܐܺܝ ܫܶܬܶܐܣܬܰܬ̥ܟ̥ܽܘ (ܐܰܣܰܐܣܰܬ̥ܟܽܘ)، ܥܰܠܺܝ ܗܰܝܡܳܢܽܘܬ̥ܳܐ ܫܰܪܺܝܪܬܳܐ. ܘܠܳܐ ܡܺܝܙܰܥܙܥܺܝܬܽܘ (ܡܺܝܗܳܙܽܘܬܽܘ) ܡܽܐܘ ܣܰܒܪܳܐ ܕܽܐܘ ܡܓܰܠܝܶܢ ܕܫܰܡܺܝܥܺܝܬܽܘܠܠܶܗ ܕܶܟܪܺܝܙ ܒܶܒܪܺܝܬ̣ܳܐ ܟܽܠܰܗ̱̇ ܕܬܰܚܬܺܝ ܫܡܰܝܳܐ. ܗܰܘܳܐ ܕܳܐܢܳܐ ܦܰܘܠܽܘܣ ܗܰܘܺܝܢܳܐ ܐܽܘ ܟܰܪܳܙܰܝܕ̥ܶܗ. ܘܽܐܘܥܕܳܐ ܓܡܶܦܨܰܚ ܐ̱ܢܳܐ ܒܰܓ̥ܰܡ̈ܶܐ ܕܶܡܬܰܚܡܶܠܺܝ ܥܰܠ ܦܳܬ̣ܰܝܟ̣ܽܘ. ܘܟܳܡܟܰܡܰܠ ܐ̱ܢܳܐ ܐܺܝ̣ ܢܶܩܨܰܢܺܝܶܐ ܕܰܥܳܩ̈ܳܬ̣ܳܐ ܕܶܡܫܺܝ̣ܚܳܐ ܒܽܐܘ ܓܽܘܫܡܰܝܕ̥ܺܝ ܠܰܫܰܢ، ܐܽܘ ܦܰܓ̥ܪܰܝܕ̥ܶܗ ܕܟܶܬܝܳܐ ܐܺܝ ܥܺܕ̱ܬܳܐ. ܗܰܝܳܐ ܕܗܰܘܺܝܢܰܗ̇ ܡܫܰܡܫܳܢܳܐ (ܟ̥ܰܕܳܡܳܐ) ܟ̣ܕܺܝ ܡܕܰܒܪܳܢܽܘܬ̣ܳܐ ܕܰܐܠܳܗܳܐ ܕܗܺܝܘܳܐ ܐܶܠܺܝ ܠܰܫܰܢܰܝܟ̣ܽܘ܆ ܘܕܶܡܟܰܡܰܢ ܐ̱ܢܳܐ ܐܺܝ ܡܶܠܬ̣ܳܐ ܕܰܐܠܳܗܳܐ. ܐܽܘ ܐ̱ܪܳܙܳܐ (ܣܶܐܪ) ܕܟܶܬܗ̱ܘܰܐ ܡܟܰܣܝܳܐ ܡܰܐ ܥܳܠܡ̈ܶܐ ܘܡܰܐܕܳܪ̈ܶܐ. ܐܶܠܳܐ ܐܽܘܥܕܳܐ ܓܠܶܐ ܠܰܩܰܕܺܝ̣̈ܫܰܝܕ̥ܶܗ، ܗܰܢܺܝ ܕܰܐܒܶܥ ܐܰܠܳܗܳܐ ܕܡܳܕ̥ܰܥܥܶܗ، ܡܶܢܝܳܐ ܐܺܝ ܙܰܢܓܰܢܰܐ ܕܽܐܘ ܫܽܘܒܚܳܐ ܕܽܐܘ ܐ̱ܪܳܙܰܐ ܐ̱ܢܳܐ ܕܟܶܬܝܳܐ ܒܰܝܢܰܐ ܥܰܡܡ̈ܶܐ. ܗܰܘܳܐ ܕܟܶܬܝܳܐ ܡܫܺܝ̣ܚܳܐ، ܕܰܐܒܟ̣ܽܘܝܳܐ ܐܽܘ ܣܰܒܪܳܐ ܕܽܐܘ ܫܽܘܒܚܰܝܕ̥ܰܢ. ܗܰܘܳܐ ܕܟܳܟܽܘܪܙܺܝܢܰܐ ܠܶܗ، ܘܟܳܡܶܠܦܺܝܢܰܐ ܠܶܗ، ܘܟܡܰܦܶܗܡܺܝܢܰܐ ܠܶܗ، ܠܟܽܠ ܐ̱ܢܳܫܳܐ ܒܟܽܠ ܚܶܟܡܶـܐ، ܠܰܫܰܢ ܕܡܰܩܺܝܡܺܝܢܰـܐ ܠܟܽـܠ ܐ̱ܢܳܫܳــܐ، ܓܡܺܝـܪܳܐ (ܟܰܐܡܺܝܠܳܐ) ܒܝܶܫܽـܘܥ ܡܫܺܝ̣ܚܳـܐ. ܥܰܠܰܗ̱ܬ̣ܶܐ ܟܳܫܳܓ̥ܰܠ ܐ̱ܢܳܐ ܘܟܳܡܔܰܗܰܕ ܐ̱ܢܳܐ ܒܺܐܝ ܡܥܰܘܰܢܰܐ ܕܽܐܘ ܚܰܝܠܳܐ ܕܟܳܡܺܝܬܰܗܘܶܐ ܐܶܠܺܝ. ܒܰܪܶܟ̥ܡܪܝ܀