ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܛܺܝܡܳܬܶܐܳܘܣ ܐ
ܒ: ܐ ـ ܝܗ 1Thimothy 2:1-15

ܟܳܒܰܥ ܐ̱ܢܳܐ ܡܶܢܳܟ̥ ܡܶܩܶܡ ܡܶܐ ܟܽܠ ܡܶܕܶܐ، ܕܶܡܩܰܕܡܰܬ ܠܰܐܠܳܗܳܐ ܒܳܥܽܘܬ̣ܳܐ ܘܨܠܽܘܬ̣ܳܐ ܘܬܰܚܢܰܢܬܳܐ (ܪܰܔܰܐ) ܘܬܰܘܕܺܝܬ̣ܳܐ. ܡܶܚܠܰܦ ܟܽܠܠܶܗ̱ ܐܰܢ̈ܢܳܫܶܐ. ܡܶܚܠܰܦ ܐܰ ܡܰܠ̈ܟܶܐ، ܘܰܐ ܪ̈ܰܒܳܢܶܐ، ܠܰܫܰܢ ܕܡܰܥܶܒܪܺܝܢܰܐ ܚܰܝ̈ܶܐ ܡܐܰܡ̈ܢܶܐ، ܘܒܪܰܚܰܐ ܒܟܽܠܰܗ̱̇ ܐܺܝ̣ ܙܽܘܥܬ̣ܳܐ ܕܰܐܠܳܗܳܐ ܘܕܰܟ̣ܝܽܘܬ̣ܳܐ. ܥܰܠ ܕܗܰܬ̣ܶܐ ܫܰܦܺܝܪܬܳܐ ܘܡܰܩܒܰܠܬܳܐܝܳܐ ܓܰܢ̱ܒ ܐܰܠܳܗܳܐ ܐܽܘ ܡܰܟ̣ܠܨܳܢܰܝܕ̥ܰܢ . ܗܰܘܳܐ ܕܟܳܒܶܥ ܕܰܐܢܢܳܫ̈ܶܐ ܟܽܠܠܶܗ ܕܟ̣ܽܘܠܨܺܝ، ܘܳܐܬ̣ܶܢ ܠܽܐܘ ܡܰܕܥܳܐ ܕܽܐܘ ܫܪܳܪܳܐ. ܡܺܝܕ̥ܶܐ ܕܚܰܕ̱ܝܳܐ ܐܰܠܳܗܳܐ. ܘ̱ܚܕ̥ܳܝܳܐ ܐܺܝ ܘܰܨܺܝܛܰܐ ܕܒܰܝܢܶܐ ܠܰܐܠܳܗܳܐ ܘܠܰܐܢܢܳܫ̈ܶܐ. ܒܰܪܢܳܫܳܐ ܝܶܫܽܘܥ ܡܫܺܝ̣ܚܳܐ. ܗܰܘܳܐ ܕܗܽܘ ܠܶܗ̱ ܪܽܘܚܶܗ ܟ̣ܰܠܰܐܨ ܡܶܚܠܰܦ ܟܽܠ ܐ̱ܢܳܫܳܐ. ܘܺܐܝ ܣܳܗܕܽܘܬ̥ܰܐܬ̥ܶܐ ܒܽܘ ܙܰܒܢܰܝܕ̥ܰܗ̱̇ ܐܰܬ̣ܝܳܐ . ܗܰܝܳܐ ܕܡܰܚܰܬ ܐ̱ܢܳܐ ܠܰܫܰܢܰܗ̇ ܟܰܪܳܙܳܐ ܘܫܠܺܝ̣ܚܳܐ. ܐܽܘ ܫܪܳܪܳܐ ܟܳܐܡܰܪ ܐ̱ܢܳܐ، ܘܠܳܐ ܟܳܡܕܰܓܰܠ ܐ̱ܢܳܐ. ܘܒܺܐܝ ܗܰܝܡܳܢܽܘܬ̣ܳܐ ܕܽܐܘ ܫܪܳܪܳܐ، ܡܰܠܦܳܢܳܐ ܕܰܐܥܰܡܡ̈ܶܐ ܗܰܘܺܝܢܳܐ. ܟܳܒܰܥ ܐ̱ܢܳܐ ܕܶܡܨܰܠܶܢ ܐܰ ܓܰܘܪ̈ܶܐ ܒܟܽܠ ܕܽܘܟܬ̣ܳܐ. ܘܡܰܥܠܶܢ ܐܺܝܕ̥ܰܝܝܶܗ̱ ܒܢܰܕ̥ܰܐܦܰܐ ܕܠܳܐ ܪܽܘܓ̣ܙܳܐ، ܘܕܠܳܐ ܥܰܟܣܺܝܶܐ. ܘܗܰܘܟ̣ܰܐ ܣܬܶܐ ܐܰܢܢܺܝ̣̈ܫܶܐ. ܒܽܐܘ ܠܘܳܫܳܐ ܕܽܐܘ ܐܰܕܰܒ، ܘܕܺܐܝ ܢܰܟ̣ܦܽܘܬ̣ܳܐ، ܘܕܺܐܝ ܢܰܕ̥ܰܐܦܰܐ، ܡܰܫܶܦܪܺܝ ܪܽܘܚܰܝܝܶܐ. ܠܳܐ ܒܰܓܓܶܕ̈ܕܰܠܰܬ، ܘܒܽܐܘ ܕܰܗܘܳܐ، ܘܒܰܡܰܪ̈ܓܳܢܝܳܬ̣ܳܐ ܐܰܘ ܒܽܐܘ ܠܘܳܫܳܐ ܫܰܦܺܝܪܳܐ. ܐܶܠܳܐ ܒܰܥ̈ܡܰܠܰܬ ܛܳܘ̈ܶܐ، ܟ̣ܶܕ ܫܰܦܺܝܪܳܝܳܐ ܠܰܢܢܺܝ̣̈ܫܶܐ ܕܟܳܡܘܰܥܕܺܝ ܐܺܝ ܙܽܘܥܬ̣ܳܐ ܕܰܐܠܳܗܳܐ. ܛܪܳܐ ܒܡܶܫܬܰܡܥܳܢܽܘܬܳܐ (ܒܛܰܐܥܰܐ) ܘܒܶܟ̇ܠܳܝܳܐ ܝܶܠܦܳܐ ܐܺܝ ܐܰܢ̱ܬ̣ܬܳܐ ܒܟܽܠ. ܠܺܐܝ ܐܰܢ̱ܬ̣ܬܳܐ ܕܡܶܠܦܳܐ، ܠܳܐ ܟܳܒܶܐ ܐ̱ܢܳܐ ܫܘܠܛܳܢܳܐ. ܘܠܳܐ ܕܡܺܝܫܰܠܛܳܐ ܥܰܠܽܘ ܓܰܘܪܳܐ. ܐܶܠܳܐ ܕܗܽܘܝܳܐ ܟܠܺܝܬ̣ܳܐ. ܡܺܝܕ̥ܶܐ ܕܒܺܐܝ ܩܰܡܰܝܬܳܐ، ܐܳܕܳܡ ܟ̣ܠܺܝܩ. ܘܒܶܬ̣ܬ̣ܶܪ ܚܰܘܳܐ. ܘܳܐܕܳܡ ܠܳܐ ܛܰܥܺܝ. ܐܶܠܳܐ ܐܺܝ ܐܰܢ̱ܬ̣ܬܳܐ ܛܰܥܝܳܐ. ܘܥܰܒܺܝܪܳܐ ܥܰܠܽܘ ܦܽܘܩܕܳܢܳܐ. ܐܶܠܳܐ ܗܺܝܝܰܗ̇ ܒܺܐܝ ܘܰܨܺܝ̣ܛܰܐ ܕܰܐܢܢܰܒ̈ܢܰܝܕ̥ܗ̇ ܓܟ̥ܳܠܨܐ. ܟ̥ܰܐܨܰܬܰܢ ܐܺܝ̣ ܢܰܩܩܰܐ ܕܦܰܝܫܺܝ ܒܺܐܝ ܗܰܝܡܳܢܽܘܬ̣ܳܐ، ܘܒܺܐܝ ܚܽܘܒܳܐ، ܘܒܺܐܝ ܩܰܕܺܝܫܽܘܬ̣ܳܐ، ܘܒܺܐܝ ܢܰܟ̣ܦܽܘܬ̣ܳܐ. ܒܰܪܶܟ̥ܡܳܪܝ܀