ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܚ: ܐ ـ ܝܓ Hebrew 8:1-13

ܐܽܘ ܢܺܝ̣ܫܳܐ ܩܰܐܡܳܝܳܐ ܕܺܝ ܔܓ̥ܰܠܺܝܶܐ ܗܰܢܳܝܳܐ: ܟܶܬܠܰܢ ܪܺܝܫܳܐ ܕܰܟܽܘܡܪ̈ܶܐ ܟ̣ܰܗ̱ܢܳܐ ܕܟܶܬܝܳܐ ܝܰܬܺܝ̣ܘܳܐ ܡܽܐܘ ܝܰܡܺܝ̣ܢܳܐ ܕܽܐܘ ܟܽܘܪܣܺܝ ܕܺܐܝ ܪܰܒܽܘܬ̣ܳܐ ܒܺܐܝ ܫܡܰܝܳܐ. ܡܫܰܡܫܳܢܳܐ (ܟ̥ܰܕܳܡܳܐ) ܕܽܐܘ ܒܶܝܬ̥ ܩܽܘܕܫܳܐ ܘܕܽܐܘ ܡܰܫܟܢܳܐ ܕܽܐܘ ܫܪܳܪܳܐ. ܗܰܘܳܐ ܕܠܰܐܠܳܗܳܐ ܡܰܚܰܬ ܠܶܗ، ܘܠܳܐ ܠܒܰܪܢܳܫܳܐ. ܡܺܝܕ̥ܶܐ ܕܟܽܠ ܪܝ̣ܫܳܐ ܕܰܟܽܘܡܪ̈ܶܐ، ܠܰܫܰܢ ܕܶܡܩܰܕܶܡ ܩܽܘܪ̈ܒܳܢܶܐ ܘܕܶܒ̈ܚܶܐ ܟܩܳܝܶܡ. ܡܰܗ̱ܘܟ̣ܰܐ ܣܬܶܐ ܠܳܙܰܡ ܗ̱ܘܳܐ ܠܰܗ̱ܢܳܐ، ܕܗܳܘܶܐ ܠܶܗ ܡܶܕܶܐ ܕܶܡܩܰܕܰܡ ܠܶܗ. ܐܺܝܕ̥ܰܐ ܕܒܺܐܝ ܐܰܪܥܳܐ ܕܗܳܘܶܐ ܗܘܳܐ܆ ܠܳܗ̱ܘܶܐ ܗ̱ܘܳܐ ܟܽܘܡܪܳܐ. ܡܺܝܕ̥ܶܐ ܕܰܟܽܘܡܪ̈ܶܐ ܗ̱ܘܰܝܢܶܐ ܕܶܡܩܰܕܡܺܝ ܗ̱ܘܰܐ ܐܰ ܩܽܘܪ̈ܒܳܢܶܐ ܟ̣ܕܽܘ ܢܳܡܽܘܣܳܐ. ܗܰܢܺܝ̣ ܕܟ̣ܽܘܕܡܺܝ̣ ܗ̱ܘܰܐ ܐܽܘ ܕܽܘܡܝܳܐ، ܘܽܐܘ̣ ܛܶܠܳܠܠܳܐ ܕܰܫ̈ܡܰܝܳܢܶܐ. ܟ̣ܶܕ ܐ̱ܡܺܝܪ ܠܡܽܘܫܶܐ ܐܺܝ ܢܰܩܩܰܐ ܕܣܳܝܰܡ ܗ̱ܘܳܐ ܐܽܘ ܡܰܫܟܢܳܐ. ܚܙܺܝ̣: ܘܣܶܡ ܟܽܠ ܡܶܕܶܐ ܒܽܐܘ ܫܶܟܶܠ ܕܶܚܙܶܐ ܐܶܠܳܟ ܒܽܐܘ ܛܽܘܪܳܐ. ܐܶܠܳܐ ܐܘܽܥܕܳܐ، ܬܶܫܡܶܫܬܳܐ ܛܰܘ ܡܰܗ̱ܝܳܐ ܡܰܩܒܶܐܠܶܗ ܠܝܶܫܽܘܥ ܡܫܺܝ̣ܚܳܐ. ܟ̣ܶܕ ܟܶܬܝܳܐ ܣܬܶܐ ܛܰܘ، ܐܺܝ ܕܺܝܰܬܺܝ̣ܩܺܝ̣ (ܡܽܘܩܰܘܰܠܰܐ) ܕܗܰܘܺܝ̣ ܐܶܒܰܗ̱̇ ܘܰܐܨܺܝ̣ܛܰܐ، ܘܒܘܰܥ̈ܕܰܬ ܛܰܘ ܡܰܢܬܰܝܳܐ ܗܺܝ̣ܘܳܐ. ܐܺܝ̣ܕ̥ܰܐ ܐܺܝ ܩܰܡܰܝܬܳܐ ܕܠܳܐ ܥܰܝܒܳܐ ܕܗܽܘܝܳܐ ܗ̱ܘܰܐ، ܠܰܬܗ̱ܘܳܐ ܕܽܘܟܬ̥ܳܐ ܠܰܗ̱ܬ̣ܶܐ ܕܰܬܬܰܪܬܶܐ. ܡܶܝܕ̥ܶܐ ܕܟܳܡܥܰܐܝܶܒ ܐܰܥܠܰܝܝܶܗ ܘܟܳܐܡܶܪ: ܟܰܠܶܗ ܓܕܳܐܬ̣ܶܢ ܝܰܘ̈ܡܳܬ̥ܳܐ ܟܳܐܡܶܪ ܐܰܠܳܗܳܐ. ܓܶܡܟܰܡܰܠ ܐ̱ܢܳܐ ܥܰܡܽܘ ܒܰܝܬܳܐ ܕܒܶܐܺܝܣܳܪܳܐܶܝܠ، ܘܥܰܡܽܘ ܒܰܝܬܳܐ ܕܒܶܐܺܝ̣ܗܽܘܕܳܐ، ܡܽܘܩܰܘܰܠܰܐ ܚܰܕܬܳܐ. ܠܳܐ ܟ̣ܕܽܘ ܡܽܘܩܰܘܰܠܰܐ ܕܣܶܡܠܺܝ ܥܰܡܰܐ ܒܰܐܒ̈ܳܢܰܬ̥ܬ̥ܶܗ، ܐܽܘ ܝܰܘܡܳܐ ܕܨܶܕܠܺܝ ܒܺܐܝ̈ܕ̥ܰܝܝܶܗ، ܘܡܶܦܩܺܝ ܠܺܝ ܡܺܐܝ ܐܰܪܥܳܐ ܕܡܶܨܶܪ. ܡܺܝܕ̥ܶܐ ܕܠܳܐ ܦܰܐܺܝ̣ܫܺܝ̣ ܒܺܝ ܡܽܘܩܰܘܰܠܰܝܕ̥ܺܝ، ܛܪܶܐ ܠܺܝ ܡܶܢܢܶܗ ܟܳܐܡܶܪ ܐܰܠܳܗܳܐ. ܘܗܰܬ̥ܶܝܳܐ ܐܺܝ̣ ܡܽܘܩܰܘܰܠܰܐ ܕܣܶܡܠܺܝ̣ ܥܰܡܽܘ ܒܰܝܬܳܐ ܕܒܶܐܺܝ̣ܣܪܳܐܶܝܠ، ܒܶܬ̣ܬ̥ܶܪ ܡܰܐ ܝܰܘ̈ܡܳܬܰܢܶܟ ܟܳܐܡܶܪ ܐܰܠܳܗܳܐ. ܓܡܰܚܰܬ ܐ̱ܢܳܐ ܐܰ ܩܳܢܽܘ̈ܢܰܝܕܺܝ ܒܰܐ ܦܶܟܪ̈ܰܬ̣ܬ̣ܶܗ، ܘܓܶܕܟܳܬ̣ܰܘ ܐ̱ܢܳܐ ܠܶܢ ܥܰܠ ܠܶܒܰܝ̈ܝܶܗ، ܓܬܳܘܶܐ ܐ̱ܢܳܐ ܐܰܠܠܶܗ ܐܰܠܳܗܳܐ، ܘܗܶܢܢܶܗ̱ ܓܬܳܘܶܠܠܺܝ ܥܰܡܳܐ. ܘܠܶܓ ܡܳܠܶܦ ܚܰܕ ܠܽܐܘ ܩܰܪܺܝܘܰܝܕ̥ܶܗ، ܘܠܳܐ ܠܽܐܘ ܐܰܚܽܘܢܰܝܕ̥ܶܗ، ܕܳܐܡܶܪ: ܝܺܕ̥ܰܥ ܠܰܐܠܳܗܳܐ. ܡܺܝܕ̥ܶܐ ܕܟܽܠܠܶܗ ܓܕܶܐܕ̥ܥܺܝܠܺܝ، ܡܽܐܘ ܢܰܥܺܝ̈ܡܰܬ̥ܬ̥ܶܗ ܠܽܘ ܪܰܒܰܬ̣ܬ̣ܶܗ. ܥܰܠ ܕܓܶܡܣܰܡܰܚ ܐ̱ܢܳܐ ܠܶܢ ܐܺܝ ܚܛܝ̣ܬ̣ܰܬ̣ܬ̥ܶܗ. ܘܡܽܐܘܥܕܳܐ ܘܰܐܙܳܠܳܐ، ܠܶܓ ܡܰܡܬܶܐ ܐ̱ܢܳܐ ܠܒܳܠܰܝܝܶܗ ܐܰ ܚ̈ܛܳܗܰܬ̣ܬ̣ܶܗ. ܒܰܗ̱ܝܳܐ ܕܐ̱ܡܶܪ ܠܶܗ ܐܺܝ ܚܰܬ̣ܬܳܐ، ܡܰܥܬܰܩ ܠܶܗ ܐܺܝ ܩܰܡܰܝܬܳܐ، ܘܽܐܘ ܡܶܕܶܐ ܕܥܰܬܶܩ ܘܡܰܣܽܘ ܠܶܗ، ܩܰܪܺܝܘܳܝܳܐ ܠܽܐܘ ܚܪܳܘܳܐ. ܒܰܪܶܟ̥ܡܳܪܝ܀