ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝ: ܝܗ ـ ܟܗ Hebrews 10:15-25

ܟܳܣܳܗܕܳܐ ܠܰܢ ܐܺܝ ܪܽܘܚܳܐ ܩܰܕܺܝܫܳܐ ܣܬܶܐ ܕܐܡܶܪ ܠܰܗ̱̇: «ܗܰܬ̥ܶܝܳܐ ܐܺܝ ܡܽܘܩܰܐܘܰܠܰܐ ܕܓܶܡܰܚܰܬ ܐ̱ܢܳܐ ܠܶܢ ܒܶܬ̥ܬ̥ܶܪ ܡܰܐ ܝܰܘ̈ܡܳܬ̥ܰܐܢܶܟ ܟܳܐܡܶܪ ܐܰܠܳܗܳܐ. ܓܡܰܚܰܬ ܐ̱ܢܳܐ ܐܽܘ ܩܰܢܽܘܢܰܝܕ̥ܺܝ ܒܰܦܶܟܪ̈ܰܬ̥ܬ̥ܶܗ، ܘܥܰܠ ܠܶܒܰܝܝܶܐ ܓܟܳܬ̥ܰܘܢܶܐ. ܘܺܐܝ ܚܛܺܝܬ̥ܰܬ̥ܬ̥ܶܗ ܘܐܽܘ ܦܰܣܰܕܰܬ̥ܬ̥ܶܗ ܗܰܘ ܓܬ̥ܳܟܰܪ ܐ̱ܢܳܐ ܠܶܢ ܝܳܐ» ܘܡܶܕ ܗܰܘܺܝ ܐܽܘ ܓ̥ܽܘܦܪܰܐܢ ܕܰܚܛܳܗ̈ܶܐ، ܐܺܝ ܢܰܩܩܰܝܳܐ ܩܽܘܪܒܳܢܳܐ (ܕܰܒܺܝ̣ܚܰܐ) ܡܶܚܠܰܦ ܐܰ ܚܛܳܗ̈ܐ ܗܰܘ ܓܠܳܙܶܡ. ܡܰܗ̱ܘܟ̥ܰܐ ܐܰ ܐܰܚܽܘ̈ܢܳܢܰܝܕܺܝ! ܒܺܝ ܘܰܨܺܝܛܰܐ ܕܽܐܘ ܐܰܕܡܳܐ ܕܝܶܫܽܘܥ ܡܫܺܝܚܳܐ، ܒܦ̈ܳܬ̥ܳܬ̥ܶܐ ܓܰܠ̈ܝܶܐ ܓܩܽܘܕܪܺܝܢܰܐ ܕܥܳܒܪܺܝܢܰܐ ܠܽܘ ܒܰܝܬܳܐ ܡܩܰܕܫܳܐ، ܘܠܽܘ ܕܰܪܒܳܐ ܕܰܚ̈ܚܰܝܶܐ، ܕܶܡܚܰܬ̥ܰܬ̥ ܠܶܗ ܐܽܘܥܕܳܐ ܐܶܒܰܢ، ܒܺܝ ܘܰܨܺܝܛܰܐ ܕܽܘ ܬܰܪܥܳܐ ܕܟܶܬܝܳܐ ܐܽܘ ܦܰܓܪܰܝܕܶܗ (ܒܰܣܪܰܝܕ̥ܶܗ̱). ܟܶܬܠܰܢ ܟܽܘܡܪܳܐ ܪܰܒܳܐ ܥܰܠܽܘ ܒܰܝܬܳܐ ܕܰܐܠܳܗܳܐ. ܘܡܰܗ̱ܘܟ̥ܰܐ ܡܩܰܕܡܺܝܢܰܐ ܒܠܶܒܳܐ ܫܰܪܺܝ̣ܪܳܐ، ܘܬܽܘܟ̥ܠܳܢܳܐ ܕܺܐܝ ܗܰܝܡܳܢܽܘܬܳܐ. ܘܰܐ ܠܶܒܰܘ̈ܳܬ̥ܰܝܕܰܢ ܢܰܕܺܝ̣̈ܦܶܐ ܡܺܐ ܢܺܐܝܰܐ ܚܰܪܒܳܐ. ܘܽܐܘ ܦܰܓ̥ܪܰܝܕܰܢ (ܔܰܣܰܕܰܝܕ̥ܰܢ) ܣܰܚܳܝܳܐ ܒܰܡܰܝ̈ܶܐ ܢܰܕ̥ܺܝ̈ܦܶܐ. ܘܩܳܘܺܝܢܰܐ ܒܽܐܘ ܣܰܒـܪܳܐ ܕܽܐܘ ܐܺܝܡܰܢܰܝܕܰܢ، ܘܠܳܐ ܡܰܝܠܺܝܢܰܐ. ܡܺܝܕ̥ܶܐ ܕܟܶܬܝܳܐ ܡܐܰܡܢܳܐ (ܫܰܪܺܝ̣ܪܳܐ) ܗܰܘܳܐ ܕܶܡܘܰܥܰـܕ ܠܶܗ ܠܰܢ. ܚܰܝܪܺܝܢܰܐ ܚܰܕ̱ ܒܽܐܘ ܚܰܕ، ܘܒܽܐܘ ܬܰܫܘܺܝܩ ܕܺܐܝ ܚܽܘܒܳܐ ܘܕܰܥ̈ܡܰܠܰܬ ܛܳܘ̈ܶܐ. ܟ̥ܶܕ ܗܰܘܺܝ ܥܰܕܶܐ ܠܐܢܳܫܳܐ ܐ̱ܢܳܫܳܐ، ܠܳܐ ܡܰܬܶܪܟܺܝܢܰܐ ܐܽܘ ܠܝܳܡܳܐ ܪܽܘܚܰܐܢܺܝ. ܐܶܠܳܐ ܟܪܰܙܘ ܚܰܕ ܥܰܠ ܐܽܘ ܚܰܕ̱. ܘܡܳܙܶܕܽܘ ܒܰܐܬ̥ܶܗ. ܐܰܝܟ ܕܟܳܚܳܙܶܝܬܽܘ ܐܽܘ ܝܰܘܡܰܐ ܗ̱ܘܳܐ ܡܩܰܪܰܘܠܶܗ. ܒܰܪܶܟ̥ܡܳܪܝ̱ ܀