ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܒ
ܕ: ܐ ـ ܘ 2Corinthians 4:1-6

ܒܺܝ ܘܰܐܨܺܝ̣ܛܰܐ ܕܰܪ̈ܚܡܶܐ ܕܰܐܬܶܢ ܐܰܥܠܰܢ ܡܰܐܠܳܗܳܐ܆ ܠܶܓ ܒܶܛܠܺܝ̣ܢܰܐ ܡܺܝ ܬܶܫܡܶܫܬܰܬ̣ܶܗ ܕܟܶܬܠܰܢ. ܡܰܪܚܰܩ ܠܰܢ ܡܶܐ ܪܽܘܚܰܢ܆ ܐܰ ܫܽܘ̈ܓܠܳܢܶܐ( ) ܕܟܶܬܢܶܐ ܡܟܰܣ̈ܝܶܐ ܕܺܝ ܢܶܟܦܽܘܬܳܐ. ܠܶܓ ܡܰܗ̱ܠܟ̥ܺܝ̣ܢܰܐ ܒܚܺܝ̣ܠܰܐ. ܘܒܺܝ ܡܶܠܬ̥ܳܐ( ) ܕܰܐܠܳܗܳܐ܆ ܠܶܓ ܡܰܓ̥ܺܝ̣ܫܺܝ̣ܢܰܐ ܘܠܶܓ ܡܰܛܥܺܝ̣ܢܰܐ. ܐܶܠܳܐ ܒܶܫܪܳܪܳܐ܆ ܦܬܺܝ̣ܚܳܐ ܘܓܰܠܝܳܐ ܓܡܰܚܘܺܝ̣ܢܰܐ ܪܽܘܚܰܢ، ܠܰܦܶܟܪ̈ܰܬ( ) ܕܰܐܢ̈ܢܳܫܶܐ ܟܽܠܠܶܗ ܩܶܡ ܐܰܠܳܗܳܐ. ܐܶܢ ܐܽܘ ܡܓܰܠܝܶܢܰܝܕ̥ܰܢ ܡܟܰܣܝܳܝܳܐ، ܠܰܗܰܠܺܝ̣̈ܟܶܐ ܡܟܰܣܝܳܐܝܳܐ. ܗܰܢܺܝ ܕܽܐܘ ܐܰܠܳܗܳܐ ܕܽܐܘ ܥܳܠܡܰܢܳܐ، ܡܰܣܡܶܠܶܐ ܐܽܘ ܦܶܟܪ̈ܰܬ̣ܬ̥ܶܐ ܥܰܠ ܕܠܳܐ ܟܳܡܗܰܝܡܢܺܝ، ܕܠܳܐ ܡܰܢܗܶܪ ܐܰܥܠܰܝܝܶܐ ܐܽܘ ܢܽܘܗܪܳܐ ܕܽܐܘ ܡܓܰܠܝܶܢ ܕܽܐܘ ܫܽܘܒܚܳܐ ܕܶܡܫܺܝ̣ܚܳܐ܆ ܕܟܶܬܝܳܐ ܐܺܝ ܨܽܘܪܬܳܐ ܕܰܐܠܳܗܳܐ. ܐܰܚܢܰܐ܆ ܠܳܐ ܪܽܘܚܰܢ ܟܟܽܘܪܙܺܝܢܰܐ. ܐܶܠܳܐ ܠܶܡܫܺܝ̣ܚܳܐ ܝܶܫܽܘܥ ܡܳܪܰܢ! ܘܰܐܚܢܰܐ ܪܽܘܚܰܢ܆ ܠܰܫܰܢ ܝܶܫܽܘܥ ܡܫܺܝ̣ܚܳܐ܆ ܗܰܘܺܝ̣ܢܰܐ ܓܪ̈ܶܥܶܐ ܐܰܠܟ̥ܽܘ܆ ܘܟܳܟܽܘܪܙܺܝ̣ܢܰܢܟ̥ܽܘ. ܡܺܝܕ̥ܶܐ ܕܽܐܘ ܐܰܠܳܗܰܐ ܗ̱ܘܳܐ ܕܐ̱ܡܶܪ ܠܶܗ: «ܡܺܐܝ ܥܽܘܬܡܰܐ ܢܽܘܗܪܳܐ ܓܡܰܢܗܶܪ» ܗܺܝܝܶܗ̱ ܡܰܒܗܰܪ ܠܶܗ ܒܠܶܒܰܢ، ܘܰܐܒܶܥ ܕܢܽܘܗܪܺܝܢܰܐ܆ ܒܽܐܘ ܝܽܘܠܦܳܢܳܐ( ) ܕܽܐܘ ܫܽܘܒܚܳܐ ܕܰܐܠܳܗܳܐ܆ ܕܟܺܝܬ ܒܦܳـܬ̣ܶܗ ܕܝܶܫܽܘܥ ܡܫܺܝ̣ܚܳܐ. ܒܰܪܟ̥ܡܳܪܝ ܀