ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܐ: ܚ ـ ܝܙ 1Corinthians 1:8-17

ܠܰܫܰܢ ܕܗܺܝܝܶܐ ܡܬ̣ܰܒܰܬܟ̣ܽܘ ܗܽܘܠ ܠܺܐܝ ܐ̱ܚܰܪܰܝܬܳܐ ܕܠܳܐ ܥܰܝܒܳܐ ܒܽܐܘ ܝܰܘܡܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ. ܫܰܪܺܝܪܳܝܳܐ ܐܰܠܳܗܳܐ ܕܒܺܐܝܕܶܗ ܩܪܶܝܬܽܘ ܠܺܐܝ ܫܰܪܰܟܰܐ ܕܽܐܘ ܐܰܒܪܰܝܕ̥ܶܗ ܝܶܫܽܘܥ ܡܫܺܝ̣ܚܳܐ ܡܳܪܰܢ. ܐܶܠܳܐ ܟܳܒܰܥ ܐ̱ܢܳܐ ܡܶܢܟ̣ܽܘ ܐܰܢܢܰܚܰܝ̈ܕ̥ܺܝ܆ ܒܶܫܡܶܗ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܕܳܗ̱ܘܶܐ ܚܕ̥ܳܐ ܡܶܠܬ̣ܳܐ ܠܟܽܠܟ̣ܽܘ. ܘܠܳܗ̱ܘܶܐ ܒܰܝܢܰܬ̣ܟ̣ܽܘ ܦܠܺܝܓ̣ܽܘܬ̣ܳܐ. ܐܶܠܳܐ ܗܘܰܐܘܽܘ ܓܡܺܝܪ̈ܶܐ ܒܚܰܕ̱ ܦܶܟܶܪ ܘܚܰܕ̱ ܪܰܐܝ. ܥܰܠ ܕܡܳܕܰܥܰܠܺܝ ܐܰܥܠܰܝܟ̣ܽܘ ܠܰܐܢܢܰܚܰܝ̈ܕܺܝ ܡܰܢܢܳܫ̈ܶܐ ܕܒܶܟܠܳܐܶܐ، ܕܟܺܝܬ ܒܰܝܢܰܬ̣ܟ̣ܽܘ ܥܰܟܣܺܝ̈ܰܬ. ܗܰܬ̣ܶܐ ܟܳܒܰܥ ܐ̱ܢܳܐ ܕܳܐܡܰܪܢܳܐ، ܟܺܝܬ ܡܶܢܟ̣ܽܘ ܕܟܳܐܡܶܪ: ܐܰܢܳܐ ܕܦܰܘܠܽܘܣ ܐ̱ܢܳܐ. ܘܟܺܝܬ ܕܟܳܐܡܶܪ ܐܳܢܳܐ ܕܰܐܦܳܠܽܘ ܐ̱ܢܳܐ، ܘܟܺܝܬ ܕܟܳܐܡܶܪ ܐܳܢܳܐ ܕܽܐܘ ܟܺܐܦܳܐ ܐ̱ܢܳܐ، ܘܟܺܝܬ ܕܟܳܐܡܶܪ ܐܳܢܳܐ ܕܶܡܫܺܝ̣ܚܳܐ ܐ̱ܢܳܐ. ܩܰܝ ܡܫܺܝ̣ܚܳܐ ܦܠܺܝܓ̥؟ ܐܰܘ ܩܰܝ ܦܰܘܠܽܘܣ ܨܠܺܝܘ ܡܶܚܠܳܦܰܝܟ̣ܽܘ؟ ܐܰܘ ܒܶܫܡܶܗ̱ ܕܦܰܘܠܽܘܣ ܥܰܡܺܝܕ̥ܺܝܬܽܘ؟ ܓܡܰܘܕܶܐ ܐ̱ܢܳܐ ܠܰܐܠܳܗܳܐ، ܕܶܠܐܢܳܫܳܐ ܡܶܢܟ̣ܽܘ ܠܳܐ ܡܰܥܡܰܕܠܺܝ. ܐܶܠܳܐ ܠܰܟܪܺܝܣܦܳܘܣ ܘܰܠܓܰܐܝܳܘܣ. ܕܐ̱ܢܳܫܳܐ ܠܳܐܡܶܪ ܕܒܶܫܡܺܝ ܡܰܥܡܰܕܠܺܝ. ܡܰܥܡܰܕ̥ܠܺܝ ܣܬܶܐ ܐܽܘ ܒܰܝܬܳܐ ܕܶܐܣܛܶܦܰܢܳܘܣ. ܘܠܳܐ ܟܳܕ̥ܰܥ ܐ̱ܢܳܐ ܐܺܝܕ̥ܰܐ ܠܐ̱ܢܳܫܳܐ ܐ̱ܚܪܶܢܳܐ ܡܰܥܡܰܕ̥ܠܺܝ. ܥܰܠ ܕܠܳܐ ܡܫܰܕܰܪ ܠܶܗ ܠܺܝ ܡܫܺܝ̣ܚܳܐ ܕܡܰܥܡܰܕ ܐ̱ܢܳܐ، ܐܶܠܳܐ ܕܟܳܪܰܙ ܐ̱ܢܳܐ. ܠܳܐ ܒܺܐܝ̣ ܚܶܟܡܶܐ ܕܰܡ̈ܡܶܠܶܐ. ܠܰܫܰܢ ܕܠܳܐ ܡܺܝܦܰܝܩܶܪ ܐܽܘ ܨܠܺܝܒܳܐ ܕܶܡܫܺܝ̣ܚܳܐ. ܒܰܪܶܟ̥ܡܳܪܝ܀