ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܐܶܦܶܣܳܝ̈ܶܐ
ܓ: ܝܓ ـ ܟܐ Ephesians 3:14-21

ܡܰܘܟ̣ܰܐ ܓܟܳܝܰܦ ܐ̱ܢܳܐ ܒܰܪܟܳܐ ܩܡܽܘ ܐܰܒܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ، ܗܰܘܳܐ ܕܡܺܢܶܗ ܓܡܶܩܪܳܝܳܐ ܟܽܠ ܐܰܒܳܗܽܘܬ̣ܳܐ ܕܒܺܐܝ ܫܡܰܝܳܐ ܘܒܺܐܝ ܐܰܪܥܳܐ. ܠܰܫܰܢ ܕܳܐܒܰܠܟ̣ܽܘ ܟ̣ܕܽܘ ܡܰܐܠ ܕܽܐܘ ܫܽܘܒܚܰܝܕܶܗ، ܘܬ̣ܶܒܬܺܝܬܽܘ ܒܽܐܘ ܚܰܝܠܳܐ، ܘܒܺܐܝ ܪܽܘܚܰܝܕ̥ܶܗ، ܘܒܽܐܘ ܒܰܪܢܳܫܰܬ̣ܟ̣ܽܘ ܕܠܰܘܓ̥ܶܠ، ܠܰܫܰܢ ܕܥܳܡܶܪ ܡܫܺܝܚܳܐ ܒܺܐܝ ܗܰܝܡܳܢܽܘܬ̣ܳܐ ܒܰܠܶܒܰܘ̈ܳܬ̣ܰܬ̣ܟ̣ܽܘ. ܘܗܳܘܶܐ ܫܰܪܺܝܪܳܐ ܐܽܘ ܥܶܩܳܪܰܬ̣ܟ̣ܽܘ (ܘܰܪܺܝܕ̥ܰܬ̥ܟ̥ܽܘ) ܘܺܐܝ ܫܶܬܶܐܣܬܰܬ̣ܟ̣ܽܘ ܒܺܐܝ ܚܽܘܒܳܐ. ܚܰܬܬܰܐ ܕܩܳܕܪܺܝܬܽܘ ܕܶܪܟܺܝܬܽܘ (ܦܶܗܡܽܘܬܽܘ) ܥܰܡ ܟܽܠܠܶܗ̱ ܐܰ ܩܰܕܺܝ̣̈ܫܶܐ: ܡܶܢܝܳܐ ܐܽܘ ܥܽܘܠܝܳܐ ܘܽܐܘ ܥܽܘܡܩܳܐ ܘܽܐܘ ܝܶܪܟ̣ܳܐ ܘܽܐܘ ܦܶܬ̣ܘܳܐ؟ ܘܕܶܐܕ̥ܥܺܝܬܽܘ ܐܺܝ ܪܰܒܽܘܬ̣ܳܐ ܕܺܐܝ ܚܽܘܒܳܐ ܕܶܡܫܺܝ̣ܚܳܐ܆ ܘܕܡܶܡܠܶܝܬܽܘ ܒܟܽܠܰܗ̱̇ ܐܺܝ ܓܡܺܝܪܽܘܬ̣ܳܐ ܕܰܐܠܳܗܳܐ. ܘܗܺܝܝܶܗ، ܟ̥ܕܽܘ ܚܰܝܠܰܝܕ̥ܶܗ ܓܩܳܕܶܪ ܕܣܳܝܶܡ ܐܶܒܰܢ، ܙܶܬ ܡܶܐܟܽܠ ܡܶܕܶܐ ܕܛܶܠܒܺܝܢܰܐ ܘܚܳܫܘܺܝܢܰܐ. ܐܶܠܶܗ ܫܽܘܒܚܳܐ ܒܺܐܝ ܥܺܕ̱ܬܰܝܕ̥ܶܗ ܒܝܶܫܽܘܥ ܡܫܺܝ̣ܚܳܐ ܒܟܽܠܠܶܗ ܐܰ ܕܪ̈ܶܐ ܠܥܳܠܰܡ ܥܳܠܡܺܝܢ ܐܰܡܺܝܢ܀