ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܬܶܣܰܠܽܘܢܺܝ̈ܩܳܝܶܐ ܐ
ܕ: ܐ ـ ܝܒ 1Thessalonians 4:1-12

ܟܳܒܥܺܝܢܰܐ ܡܶܢܟ̣ܽܘ ܘܟܳܟܳܪܙܺܝܢܰܐ ܐܰܥܠܰܝܟ̣ܽܘ ܒܡܳܪܰܢ ܝܶܫܽܘܥ، ܟ̣ܶܕ ܡܰܩܒܰܠܟ̣ܽܘ ܡܶܢܰܢ ܐܰܝܕܰܪܒܳܐ ܫܰܦܺܝܪܳܐ ܝܳܐ ܕܶܡܗܰܠܟ̣ܺܝܬܽܘ ܘܫܳܦܪܺܝܬܽܘ ܠܰܐܠܳܗܳܐ ܕܡܶܙܕܺܝܬܽܘ ܙܶܬ. ܥܰܠ ܕܟܳܕ̥ܥܺܝܬܽܘ ܐܰܝܢܰܐ ܦܽܘܩ̈ܕܳܢܶܐ ܗܽܘܠܰܢ ܐܰܠܟ̣ܽܘ ܒܡܳܪܰܢ ܝܶܫܽܘܥ. ܗܰܢܳܝܳܐ ܐܽܘ ܨܶܒܝܳܢܳܐ ܕܰܐܠܳܗܳܐ: ܕܗܳܘܽܘܬܽܘ ܩܰܕ̈ܺܝܫܶܐ، ܕܪܳܚܩܺܝܬܽܘ ܡܺܐܝ ܙܳܢܝܽܘܬ̣ܳܐ، ܘܕܳܐܕ̥ܶܥ ܟܽܠ ܚܰܕ ܡܶܢܟ̣ܽܘ، ܘܕܢܳܛܶܪ ܐܽܘ ܓܽܘܫܡܰܝܕ̥ܶܗ ܒܩܰܕܺܝܫܽܘܬ̣ܳܐ ܘܒܺܐܝܩܳܪܳܐ. ܠܳܐ ܒܰܒܽܘ̈ܣܳܡܶܐ ܕܰܪ̈ܰܝܰܐܓܰܬ، ܟ̣ܕܰܐܥܰܡ̈ܶܐ ܕܠܳܐ ܟܳܕ̥ܥܺܝ ܠܰܐܠܳܗܳܐ. ܘܠܳܐܗ̱ܘܶܝܬܽܘ ܕ̥ܳܠܽܘ̈ܡܶܐ ܘܣܰܝܡܺܝ̣ܬܽܘ ܬܰܥܰܕܕܰܐ ܚܰܕ̱ ܥܰܠܽܘ ܐܰܚܽܘܢܰܝܕ̥ܶܗ ܒܺܐܝ ܡܰܣܰܠܰܐܬ̣ܶܐ. ܡܺܝܕ̥ܶܐ ܕܡܳܪܰܢ ܓܡܶܬܢܰܩܶܡ (ܓܶܡܔܰܐܙܶܐ) ܥܰܠܰܐܢܺܝ ܟܽܠܠܶܗ. ܟ̣ܶܕ ܐ̱ܡܶܪ ܠܰܢ ܐܰܠܟ̣ܽܘ ܡܶܐܡܶܩܶܡ ܘܣܗܶܕ ܠܰܢ. ܡܺܝܕ̥ܶܐ ܕܰܐܠܳܗܳܐ ܠܳܐ ܩܪܶܠܰܠܟ̣ܽܘ ܠܺܐܝ ܢܰܔܰܐܣܰܐ܆ ܐܶܠܳܐ ܠܺܐܝ ܩܰܕܺܝܫܽܘܬ̣ܳܐ. ܡܰܘܟ̥ܰܐ ܗܰܘܳܐ ܕܟܳܬܳܘܶܪ، ܠܳܐ ܠܒܰܪܢܳܫܳܐ ܓܬܳܘܶܪ، ܐܶܠܳܐ ܠܰܐܠܳܗܳܐ ܕܗܽܘܠܰܠܽܟ̣ܘ ܐܽܘ ܪܽܘܚܰܝܕ̥ܶܗ ܐܽܘ ܩܰܕܺܝܫܳܐ. ܘܥܰܠܺܝ ܚܽܘܒܳܐ ܕܰܐܢ̈ܢܰܚܶܐ، ܠܰܝܬ ܣܢܺܝܩܽܘܬ̣ܳܐ ܕܟܳܬ̣ܰܘ ܐ̱ܢܳܐ ܠܟ̥ܽܘ. ܡܺܝܕ̥ܶܐ ܕܗܰܐܬܽܘ، ܝܰܠܺܝ̣̈ܦܶܐ ܗܰܐܬܽܘ ܡܰܐܠܳܗܳܐ، ܕܪܳܚܡܺܝܬܽܘ ܚܰܕ̱ ܠܽܐܘ ܚܰܕ̱. ܗܰܘܟ̣ܰܐ ܣܬܶܐ ܣܶܡܟ̥ܽܘ، ܠܟܽܠܠܶܗ ܐܰܢ̈ܢܰܚܶܐ ܕܶܒܡܰܩܶܕܽܘܢܝܰܐ ܟܽܠܰܗ̱̇. ܟܳܒܰܥ ܐ̱ܢܳܐ ܡܶܢܟ̣ܽܘ ܝܰܐ ܐܰܚ̈ܶܐ، ܕܡܶܙܕܺܝܬܽܘ ܙܶܬ. ܘܕܶܡܔܰܗܕܺܝܬܽܘ ܕܗܳܘܶܝܬܽܘ ܟܰܠܝ̈ܶܐ ܘܡܰܫܓ̣ܽܘܠ ܒܰܐܫܽܘ̈ܓ̥ܠܳܢܰܬ̣ܟ̣ܽܘ. ܫܽܘܓ̣ܠܺܝܬܽܘ ܒܺܐܝ̈ܕ̥ܰܝܟ̣ܽܘ ܟ̣ܶܕ ܐ̱ܡܶܪ ܠܰܢ ܐܰܠܟ̥ܽܘ. ܘܕܶܡܗܰܠܟ̥ܺܝܬܽܘ ܗܰܠܟ̥ܳܐ ܫܰܦܺܝܪܳܐ، ܣܰܐܢܺܝ ܕܠܰܪܘܰܠ ܘܠܐ̱ܢܳܫܳܐ ܠܳܐ ܡܶܣܢܳܩܺܝܬܽܘ. ܒܰܪܶܟ̥ܡܳܪܝ܀