ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܐܶܦܶܣܳܝ̈ܶܐ
ܕ: ܝܙ ـ ܟܕ Ephesians 4:17-24

ܗܰܬ̣ܶܐ ܟܳܐܡܰܪ ܐ̱ܢܳܐ ܘܟܳܣܳܗܰܕܐ̱ܢܳܐ ܒܰܐܠܳܗܳܐ. ܡܽܐܘܥܕܳܐ ܘܰܐܙܳܠܳܐ ܠܳܐ ܡܗܰܠܟ̣ܺܝܬܽܘ ܟ̣ܶܕ ܟܽܠܠܶܗ ܐܰ ܥܰܡ̈ܶܐ ܕܟܳܡܗܰܠܟ̣ܺܝ ܒܦܶܟܶܪ ܒܰܛܺܝ̣ܠܳܐ. ܡܺܝܕ̥ܶܐ ܕܰܐܦܶܟܪ̈ܰܬ̣ܬ̣ܶܗ ܥܰܬܽܘ̈ܡܶܐܢܶܐ، ܘܢܽܘܟ̥ܪܳܝܶܐܢܶܐ ܡܰܐ ܚܰܝ̈ܶܐ ܕܰܐܠܳܗܳܐ. ܘܥܰܠ ܕܟܶܬܝܳܐ ܠܶܒܰܝܝܶܗ ܩܰܫܝܳܐ، ܘܠܰܝܬ ܐܰܒܒܶܗ ܡܰܕܥܳܐ. ܗܰܢܺܝ ܕܶܩܛܶܥܥܶܐ ܐܽܘ ܣܰܒܪܰܬ̣ܬ̣ܶܗ. ܘܗܽܘܘܶܐ ܪܽܘܚܰܝܝܶܗ ܠܺܐܝ ܦܰܚܫܺܝܶܐ. ܠܰܫܰܢ ܕܣܰܝܡܺܝ ܟܽܠ ܢܰܔܰܐܣܰܐ ܒܛܰܡܰܥܺܝܶܐ. ܐܶܠܳܐ ܗܰܐܬܽܘ، ܠܳܐ ܗܰܘܟ̣ܰܐ ܝܰܠܺܝܝܦܽܘܬܽܘ ܠܶܡܫܺܝ̣ܚܳܐ. ܐܺܝܕ̥ܰܐ ܒܰܫܪܳܪܳܐ ܫܰܡܺܝܥܺܝܬܽܘܠܶܗ، ܘܶܐܒܶܗ̱ ܝܰܠܺܝܦܺܝܬܽܘ ܟ̣ܶܕ ܕܟܶܬܝܳܐ ܐܽܘ ܫܪܳܪܳܐ ܒܝܶܫܽܘܥ، ܡܚܰܠܶܩܽܘ ܡܶܢܟ̣ܽܘ ܐܰ ܚܰܪ̈ܰܟܰܬ ܩܰܡܳܝܶܐ ܕܽܐܘ ܒܰܪܢܳܫܳܐ ܥܰܬܺܝ̣ܩܳܐ، ܕܚܰܐܪܽܘ ܒܰܪ̈ܰܝܰܐܓܰܬ ܕܺܐܝ ܛܳܥܝܽܘܬ̥ܳܐ. ܘܡܺܝܚܰܬ̥ܶܬ̥ܽܘ ܒܺܐܝ ܪܽܘܚܳܐ ܕܰܦܶܟܪ̈ܰܬ̥ܟ̣ܽܘ، ܘܠܘܰܫܽܘ ܐܽܘ ܒܰܪܢܳܫܳܐ ܚܰܕ̱ܬ̣ܳܐ ܕܶܟ̣ܠܺܝܩ ܒܰܐܠܳܗܳܐ܆ ܒܺܐܝ ܙܰܕܺܝ̣ܩܽܘܬ̣ܳܐ ܘܒܺܐܝ ܩܰܕܺܝܫܽܘܬ̥ܳܐ ܕܽܐܘ ܫܪܳܪܳܐ. ܒܰܪܶܟܡܳܪܝ܀