ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܐܶܦܶܣܳܝ̈ܶܐ
ܕ: ܟܗ ـ ܠܒ Ephesians 4:25-32

ܡܰܗ̱ܘܟ̣ܰܐ ܡܚܰܠܶܩܽܘ ܡܶܢܟ̣ܽܘ ܐܺܝ ܕܽܘܓܠܳܐ، ܘܡܶܔܓܶܠܽܘ ܐܽܘ ܫܪܳܪܳܐ ܟܽܠ ܚܰܕ̱ ܥܰܡܽܘ ܩܰܪ̈ܺܝܘܰܝܕ̥ܶܗ. ܡܺܝܕ̥ܶܐ ܕܗܰܕܳܡ̈ܶܐ ܕܶܚܕ̥ܳܕ̥ܶܐܢܰܐ. ܡܶܪܓܶܙܽܘ ܘܠܳܐ ܚܳܛܶܝܬܽܘ. ܘܺܐܝ ܫܶܡܫܳܐ ܥܰܠܽܘ ܪܽܘܓ̣ܙܰܬ̣ܟ̣ܽܘ، ܛܪܳܐ ܠܳܐ ܓܳܢܝܳܐ. ܘܠܳܐܒܶܝܬܽܘ ܕܽܘܟܬ̣ܳܐ ܠܽܐܘ ܫܺܐܕܳܐ. ܡܽܐܘܥܕܳܐ ܘܰܐܙܳܠܳܐ، ܐܽܘ ܓܰܢܳܘܳܐ ܛܪܳܐ ܠܳܐ ܓܳܢܽܘ. ܐܶܠܳܐ ܛܪܳܐ ܫܳܓ̥ܶܠ ܒܺܐܝܕ̥ܶܗ، ܘܣܳܝܶܡ ܛܰܘ̈ܘܳܬ̣ܳܐ. ܠܰܫܰܢ ܕܗܳܘܶܐ ܠܶܗ̱ ܕܳܐܒܶܐ ܠܰܢܕܟܶܬܠܶܗ ܣܢܺܝܩܽܘܬ̣ܳܐ. ܡܶܠܬ̣ܳܐ ܒܺܝܫܬܳܐ ܡܶܐ ܦܶܡܰܝܟ̣ܽܘ ܛܪܳܐ ܠܳܐ ܢܳܦܶܩ. ܐܶܠܳܐ ܗܰܝܳܐ ܕܟܶܬܝܳܐ ܫܰܦܺܝܪܬܳܐ ܘܓܡܰܠܺܝܩܳܐ ܠܺܐܝ ܥܡܰܪܰܐ، ܘܕܳܐܒܳܐ ܛܰܝܒܽܘܬ̣ܳܐ ܠܰܗ̱ܢܺܝ ܕܟܳܫܶܡܥܺܝ ܠܰܗ̱̇. ܠܳܐ ܡܰܥܺܝܩܺܝܬܽܘ ܠܐܺܝ ܪܽܘܚܳܐ ܩܰܕܺܝܫܳܐ ܕܰܐܠܳܗܳܐ، ܗܰܐܝܳܐ ܕܶܚܬ̣ܺܝܡܺܝܬܽܘ (ܕܶܡܗܺܝܪܽܘܬܽܘ) ܐܶܒܰܗ̱̇ ܠܽܐܘ ܝܰܘܡܳܐ ܕܽܐܘ ܟ̣ܰܠܰܨ. ܐܺܝ ܡܰܐܝܺܪܽܘܬ̣ܳܐ، ܘܟܽܠܶܗ ܐܽܘ ܩܰܚܰܪ، ܘܽܐܘ ܪܽܘܓ̣ܙܳܐ، ܘܽܐܘ ܬܶܥܺܝܩܳܐ، ܘܽܐܘ ܓܶܕܳܦܳܐ، ܘܺܐܝ ܒܺܝܫܽܘܬ̣ܳܐ ܟܽܠܰܗ̇، ܛܪܳܐ ܡܶܬܠܶܢ ܡܶܐ ܒܰܝܢܰܬ̣ܟ̣ܽܘ. ܗܘܰܐܘܽܘ̣ ܪ̈ܰܟܺܝ̣ܟ̣ܶܐ ܚܰܕ̱ ܓܰܢ̱ܒܽܘ ܚܰܕ̱، ܡܪ̈ܰܚܡܳܢܶܐ ܘܡܣܰܡ̈ܚܳܢܶܐ، ܟ̣ܶܕ ܡܣܰܡܰܚܠܰܠܟ̣ܽܘ ܠܐܰܠܳܗܳܐ ܒܶܡܫܺܝܚܳܐ. ܒܰܪܶܟ̥ܡܳܪܝ܀