ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝ: ܐ ـ ܝܕ Hebrews 10:1-14

ܥܰܠ ܕܽܐܘ ܢܳܡܽܘܣܳܐ ܟܶܬܗ̱ܘܰܐ ܐܶܒܶܗ ܐܽܘ ܛܶܠܠܳܐܳ ܕܰܛܰܘ̈ܳܬ̣ܳܐ ܕܓܶܕܐܳܬ̣ܶܢ، ܘܠܳܐ ܐܺܝ ܨܶܪܬܳܐ ܕܥܰܝܢܺܝ ܡܶܕܴ̈ܢܶܐ، ܡܰܗ̱ܘܟ̥ܰܐ ܒܟܽܠ ܫܰܢ̱ܬܳܐ ܥܰܝܢܺܝ ܕܶܒ̈ܚܶܐ ܡܺܝܩܰܕܡܺܝ ܗ̱ܘܰܐ. ܘܩܰܛܥܺܐܝܰܢ ܠܳܐ ܩܰܕܺܝܪܺܝ ܕܣܰܝܡܺܝ ܓܡܺܝܪ̈ܶܐ (ܕܠܳܐ ܢܶܩܨܰܐܢܺܝܶܐ) ܠܰܡܩܰܕ̈ܡܳܢܰܬ̣ܬ̣ܶܐ. ܐܺܝܕ̥ܰܐ ܕܣܰܝܡܺܝ ܗ̱ܘܰܐ ܓܡܺܝܪ̈ܶܐ (ܟܰܐܡܺܝ̈ܠܶܐ) ܠܰܡܩܰܕ̈ܡܳܢܰܬ̥ܬ̥ܶܐ، ܓܶܡܒܰܛܠܺܝ ܗ̱ܘܰܐ ܐܽܘ ܩܶܕܳܡܰܬ̣ܬ̣ܶܐ ܣܬܶܐ. ܐܺܝܕ̥ܰܐ ܕܰܡܩܰܕ̈ܡܳܢܶܐ ܡܛܰܗܪܺܝ ܗ̱ܘܰܐ ܚܕܳܐ ܢܰܩܩܰܐ܆ ܠܳܐ ܟܳܗ̱ܘܶܐܘܰܠܠܶܗ ܢܺܝܰܐ ܒܰܚܛܳܗ̈ܐ. ܐܶܠܳܐ ܒܥܰܝܢܺܝ ܕܶܒ̈ܚܶܐ ܡܰܬ̣ܟܪܺܝ ܗ̱ܘܰܐ ܐܰ ܚܛܳܗ̈ܰܬ̣ܬ̣ܶܗ ܒܟܽܠ ܫܰܢ̱ܬܳܐ. ܡܝܕ̥ܶܐ ܕܽܐܘ ܐܰܕܡܳܐ ܕܰܬܬܰܘܪ̈ܶܐ ܘܕܰܬܬܰܝ̈ܣܶܐ، ܠܳܐ ܩܳܕܰܪ ܗ̱ܘܳܐ ܕܡܰܢܕ̥ܶܦ ܐܰ ܚܛܳܗ̈ܶܐ. ܥܰܠܠܰܐܬ̣ܶܐ ܐܺܝ ܢܰܩܩܰܐ ܕܥܰܒܶܪ ܠܽܐܘ ܥܳܠܡܳܐ ܐ̱ܡܶܪܠܶܗ: «ܠܰܐܒܺܝܥܰܬ ܕܶܒܚ̈ܶܐ ܘܩܽܘܪ̈ܒܳܢܶܐ. ܐܶܠܳܐ ܔܰܣܰܕ ܡܰܠܘܰܫܠܽܘܟ̣ ܠܺܝ. ܘܠܳܐ ܦܨܺܝܚܰܬ ܒܰܕܶܒ̈ܚܶܐ ܝܰܩܺܝ̈ܕ̥ܶܐ، ܘܒܰܕ̈ܶܒܚܶܐ ܕܡܶܚܠܰܦ ܐܰ ܚܛܳܗ̈ܶܐ». ܐܺܝ ܢܰܩܩܰܝܳܐ ܐ̱ܡܶܪܠܺܝ: «ܟܰܠܶܐ ܓܕܳܐܬ̣ܶܢܳܐ، ܘܒܪܺܝܫܳܐ ܕܰܟܬܳܘ̈ܶܐ ܟܬ̣ܺܝܘܳܝܳܐ ܐܰܥܠܺܝ ܕܣܳܝܰܡ ܐ̱ܢܳܐ ܐܽܘ ܨܶܒܝܳܢܰܝܕ̥ܳܟ ܝܰܐ ܐܠܰܗܐ». ܘܡܶܩܶܡ ܡܰܗ̱ܬ̣ܶܐ ܐ̱ܡܶܪ ܠܶܗ̱: «ܠܰܐܒܺܝܥܰܬ ܕܶܒܚ̈ܶܐ ܘܩܽܘܪ̈ܒܳܢܶܐ ܘܕܶܒ̈ܚܶܐ ܝܰܩܺܝ̈ܕ̥ܶܐ ܡܶܚܠܰܦ ܐܰ ܚܛܳܗ̈ܶܐ. ܘܠܳܐ ܦܨܺܝܚܰܬ ܐܰܒܒܶܗ̱». ܘܗܰܢܺܝ ܗ̱ܘܰܝܢܶܐ ܕܡܺܝܩܰܕܡܺܝ ܗ̱ܘܰܐ ܒܽܐܘ ܢܳܡܽܘܣܳܐ. ܘܒܶܬ̥ܬ̥ܶܪ ܡܰܗ̱ܬ̣ܶܐ ܐ̱ܡܶܪܠܶܗ: ܟܰܠܐܶ ܓܕܳܬ̣ܶܐܢܳܐ ܕܣܳܝܰܡ ܐ̱ܢܳܐ ܐܽܘ ܨܶܒܝܳܢܰܝܕ̥ܳܟ ܝܰܐ ܐܰܠܳܗܳܐ. ܡܒܰܛܶܠܶܗ ܐܺܝ ܩܰܡܰܝܬܳܐ، ܠܰܫܰܢ ܕܶܡܬ̣ܰܐܒܶܬ ܠܰܢܕܰܬܰܪܬܶܐ. ܘܒܽܐܘ ܨܶܒܝܳܢܰܢܳܐ ܐܰܚܢܰܐ ܡܩܰܕ̈ܫܶܢܰܐ ܒܽܐܘ ܩܶܕܳܡܳܐ ܕܽܐܘ ܔܰܣܰܕ ܕܝܶܫܽܘܥ ܡܫܺܝ̣ܚܳܐ ܚܕܳܐ ܢܰܩܩܰܐ. ܘܟܽܠ ܪܰܒܳܐ ܕܰܟܽܘܡܪ̈ܶܐ ܕܩܳܝܰܡ ܗ̱ܘܳܐ، ܟ̣ܳܕܰܡ ܗ̱ܘܳܐ ܟܽܠ ܝܰܘܡܳܐ. ܘܥܰܝܢܺܝ ܕܶܒ̈ܚܶܐ ܡܩܰܕܰܡ ܗ̱ܘܳܐ. ܘܩܰܛܥܺܐܝܰܢ ܠܳܐ ܩܰܕܺܝܪܺܝ ܕܶܡܢܰܕ̥ܦܺܝ ܐܰ ܚܛܳܗ̈ܶܐ. ܐܶܠܳܐ ܗܰܢܳܐ ܡܩܰܕܰܡ ܠܶܗ̱ ܚܰܕ̱ ܕܶܒܚܳܐ ܡܶܚܠܰܦ ܐܰ ܚܛܳܗ̈ܶܐ. ܘܒܶܬ̥ܬ̥ܶܪ ܝܰܐܬܽܘ ܥܰܠܽܘ ܝܰܡܺܝܢܳܐ ܕܰܐܠܳܗܳܐ ܠܥܳܠܰܡ. ܘܓܦܳܝܶܫ ܗܽܘܠ ܕܡܺܝܬܰܚܬܺܝ ܐܰ ܡܥܰܢܬܳܢܰܝ̈ܕܶܗ ܬܰܚܬܶܐ ܪܰܓ̥ܠܶܗ. ܥܰܠ ܕܶܒܚܰܕ̱ ܩܽܘܪܒܳܢܳܐ ܣܶܡܠܶܗ ܓܡܺܝܪ̈ܶܐ ܠܰܐܗ̱ܢܺܝ ܕܟܳܡܺܝܩܰܕܫܺܝ ܐܶܒܶܗ ܠܥܳܠܰܡ܀