ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܛ: ܐ ـ ܝܒ 1Corinthians 9:1-12

ܩܰܝ ܠܰܬܢܳܐ ܫܠܺܝ̣ܚܳܐ؟ ܩܰܝ ܠܰܬܢܳܐ ܚܶܪ؟ ܐܰܘ ܠܝܶܫܽܘܥ ܡܳܪܰܢ ܠܳܐ ܚܙܶܐ ܠܺܝ؟ ܩܰܝ ܠܰܬܬܰܐܬܽܘ ܐܽܘ ܥܰܡܰܠܰܝܕ̥ܺܝ ܒܰܐܠܳܗܳܐ؟ ܐܶܢ ܠܰܐܚܪ̈ܶܢܶܐ ܠܰܬܢܳܐ ܫܠܺܝ̣ܚܳܐ، ܐܶܠܳܐ ܐܰܠܟ̣ܽܘ ܫܠܺܝ̣ܚܳܐܢܳܐ. ܡܺܝܕ̥ܶܐ ܕܗܰܬܽܘܬܽܘ ܐܽܘ ܡܽܘܗܶܪ ܕܺܐܝ ܫܠܺܝ̣ܚܽܘܬ̣ܰܝܕܺܝ ܓܰܢ̱ܒܽܘ ܡܳܪܝܳܐ. ܘܗܰܬ̣ܶܝܳܐ ܐܺܝ ܡܕܰܦܰܥܰܝܕܺܝ ܓܰܢ̱ܒܰܢܺܝ ܕܟܳܕܰܝܢܺܝܠܺܝ. ܩܰܝ ܠܰܬܠܰܢ ܫܽܘܠܛܳܢܳܐ ܕܳܐܟ̣ܠܺܝܢܰܐ ܘܫܳܬܶܝܢܰܐ؟ ܩܰܝ ܠܰܬܠܰܢ ܫܽܘܠܛܳܢܳܐ، ܟ̣ܰܐ ܐܰܚ̈ܶܐ ܕܡܳܪܰܢ، ܘܟ̣ܽܐܘ ܟܺܐܦܳܐ، ܘܟ̥ܰܐ ܫܠܺܝ̣̈ܚܶܐ ܟܽܠܠܶܗ، ܕܡܰܟܶܪܟ̥ܺܝܢܰܐ ܚܳܬ̣ܳܐ ܐܰܢ̱ܬ̣ܬܳܐ ܐܰܥܡܰܢ؟ ܐܰܘ ܐܳܢܳܐ ܘܒܰܪܢܰܒܰܐ ܒܶܠܚܽܘܕܶܐ ܠܰܬܠܰܢ ܫܽܘܠܛܳܢܳܐ ܕܠܳܐ ܫܽܘܓ̥ܠܺܝܢܰܐ؟ ܡܰܢ ܟ̣ܕܶܡܠܶܗ ܥܰܣܟܰܪܺܝܶܐ ܒܽܐܘ ܡܰܨܪܰܦ ܕܪܽܘܚܶܗ؟ ܐܰܘ ܡܰܢܝܳܐ ܕܟܳܡܰܚܶܬ ܟܰܪܡܳܐ، ܘܡܰܐ ܦܺܐܪ̈ܰܝܕ̥ܶܗ ܠܳܐ ܟܳܟ̣ܶܐܠ؟ ܐܰܘ ܡܰܢܝܳܐ ܕܟܳܡܰܪܥܶܐ ܩܰܛܥܳܐ، ܘܡܽܐܘ ܚܰܠܘܳܐ ܕܽܐܘ ܩܰܛܥܰܝܕ̥ܶܗ ܠܳܐ ܟܳܐܟ̣ܶܠ؟ ܥܰܔܰܒܰܐ ܗܰܢܺܝ ܟ̣ܶܐ ܐ̱ܢܳܫܳܐ ܟܳܐܡܰܪ̱ܢܰܢ ܢܶܐ؟ ܩܰܝ ܐܽܘ ܢܳܡܽܘܣܳܐ ܣܬܶܐ ܠܳܐ ܗܰܘܟ̣ܰܐ ܟܳܐܡܶܪ؟ ܟܰܠܶܐ ܟܬ̣ܺܝܘܳܐ ܒܽܐܘ ܢܳܡܽܘܣܳܐ ܕܡܽܘܫܶܐ: «ܠܳܐ ܣܳܟ̣ܪܰܬ ܦܶܡܶܗ ܕܽܐܘ ܬܰܘܪܳܐ ܕܶܡܢܰܥܶܡ ܐܺܝ ܕܪܳܟ̣ܬܳܐ». ܩܰܝ ܐܽܘ ܡܰܐܡܪܳܐ ܕܰܐܠܳܗܳܐ ܥܠܰܐ ܬܰܘܪ̈ܶܐܝܳܐ؟ ܐܶܠܳܐ ܝܺܕܶܥܬܳܝܳܐ ܕܠܰܫܰܢܰܢ ܐ̱ܡܶܪܠܶܗ، ܘܠܰܫܰܢܰܢ ܟܬ̣ܺܝܘܳܐ. ܡܺܝܕ̥ܶܐ ܕܟܳܡܰܘܔܶܒ ܠܽܐܘ ܕܰܘܳܪܳܐ ܕܥܰܠ ܣܰܒܪܳܐ ܕܕܳܘܶܪ، ܘܠܰܢ ܕܟܳܡܢܰܐܥܶܡ ܐܺܝ̣ ܕܪܳܟ̣ܬܳܐ ܥܰܠ ܣܰܒܪܳܐ ܕܗܳܘܶܐ ܫܳܪܺܝ̣ܟܳܐ. ܐܺܝܕ̥ܰܐ ܐܰܚܢܰܐ ܙܪܶܥ ܠܰܢ ܐܰܒܟ̣ܽܘ ܐܰ ܪ̈ܽܘܚܳܢܝܳܬ̣ܳܐ، ܓ̥ܰܠܰܒܶܝܳܐ ܕܚܳܨܕܺܝܢܰܐ ܡܶܢܟ̣ܽܘ ܐܰ ܔܶܣ̈ܕܰܐܢܺܝ؟ ܐܺܝܕ̥ܰܐ ܐܰ ܐ̱ܚܪ̈ܶܢܶܐ ܟܶܬܬܶܐ ܫܽܘܠܛܳܢܳܐ ܐܰܥܠܰܝܟ̣ܽܘ܆ ܩܰܝ ܐܶܠܰܢ ܠܳܐ ܙܶܬ ܓܡܰܘܔܶܒ؟ ܐܶܠܳܐ ܒܽܐܘ ܫܽܘܠܛܳܢܰܐܢܳܐ ܠܳܐ ܡܶܣܬܰܥܡܶܠܰܢ. ܐܶܠܳܐ ܟܽܠ ܡܶܕܶܐ ܟܳܡܣܰܝܒܪܺܝܢܰܐ ܠܰܫܰܢ ܕܶܒܡܶܕܶܐ ܠܳܐ ܡܥܰܘܩܺܝܢܰܐ ܐܺܝ ܣܒܰܪܬ̣ܳܐ ܕܶܡܫܺܝ̣ܚܳܐ. ܒܰܪܶܟ̥ܡܳܪܝ܀