ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܙ: ܟܗ ـ ܠܕ 1Corinthians 7:25-34

ܥܰܠܺܝ ܒܬ̣ܽܘܠܽܘܬ̣ܳܐ ܡܰܐܠܳܗܳܐ ܦܽܘܩܕܳܢܳܐ ܠܰܬܠܺܝ. ܐܶܠܳܐ ܫܺܝܪܰܐ ܟܳܐܒܶܐ ܐ̱ܢܳܐ. ܟ̣ܶܕ ܚܰܕ̱ ܕܡܺܝܬܰܪܚܶܡ ܐܰܥܠܶܗ ܡܰܐܠܳܗܳܐ ܕܗܳܘܶܐ ܡܗܰܝܡܢܳܐ. ܟܚܳܫܰܘ ܐ̱ܢܳܐ ܕܗܰܬ̣ܶܐ ܫܰܦܺܝܪܬܳܝܳܐ. ܠܰܫܰܢ ܐܺܝ ܥܺܝܩܽܘܬ̣ܳܐ ܕܽܐܘ ܙܰܒܢܳܐ، ܛܰܘܝܳܐ ܠܽܐܘ ܒܰܪܢܳܫܳܐ ܕܗܳܘܶܐ ܗܰܘܟ̣ܰܐ. ܡܰܐܨܺܝܪܳܐ ܗܰܬ ܒܰܐܢ̱ܬ̣ܬܳܐ، ܠܶܐܒܥܰܬ ܫܪܳܝܳܐ. ܫܰܪܝܳܐ ܗܰܬ ܡܺܐܝ ܐܰܢ̱ܬ̣ܬܳܐ، ܠܶܐܒܥܰܬ ܐܰܢ̱ܬ̣ܬܳܐ. ܘܶܐܢ ܕܡܰܝܕܰܬ ܐܰܢ̱ܬ̣ܬܳܐ ܠܳܐ ܟܚܳܛܰܬ. ܘܶܐܢ ܐܺܝ ܒܬ̣ܽܘܠܬܳܐ ܕܗܽܘܝܳܐ ܠܓܰܘܪܳܐ ܠܳܐ ܓܚܳܛܝܳܐ. ܐܶܠܳܐ ܠܰܗ̱ܰܢܺܝ ܕܗܰܘܟ̥ܰܐܢܶܐ ܟܳܗ̱ܘܶܐ ܥܺܝܩܽܘܬ̣ܳܐ ܒܽܐܘ ܔܰܣܰܕ. ܐܶܠܳܐ ܐܳܢܳܐ ܟܳܡܰܪܚܰܡ ܐ̱ܢܳܐ ܐܰܥܠܰܝܟ̣ܽܘ. ܟܳܐܡܰܪ ܐ̱ܢܳܐ ܗܰܬ̣ܶܐ ܐܰܢܢܰܚܰܝ̈ܕ̥ܺܝ. ܐܽܘ ܙܰܒܢܳܐ ܟܰܪܝܳܐܝܳܐ ܐܽܘܥܕܳܐ. ܐܰܝܢܰܐ ܕܟܶܬܬܶܐ ܢܺܫ̈ܶܐ ܛܪܳܗ̱ܘܶܢ ܟ̣ܶܕ ܠܰܬܬܶܐ. ܘܰܐܝܢܰܐ ܕܟܳܐܒܳܟ̣ܶܢ ܟ̣ܶܕ ܠܳܐ ܓܒܳܟ̣ܶܢ. ܘܰܐܝܢܰܐ ܕܟܳܡܶܦܨܳܚܺܝ ܟ̣ܶܕ ܠܳܐ ܓܡܶܦܨܳܚܺܝ. ܘܰܐܝܢܰܐ ܕܟܳܙܰܘܢܺܝ ܟ̣ܶܕ ܠܰܬܝܳܐ ܕܶܬ̥ܬ̥ܶܐ. ܘܰܐܝܢܰܐ ܕܟܳܡܶܣܬܰܥܡܠܺܝ ܐܽܘ ܡܶܕܶܐ ܕܽܘ ܥܳܠܡܰܐܢܳܐ، ܟ̣ܶܕ ܠܳܐ ܓܡܶܣܬܰܥܡܠܺܝ ܠܶܗ. ܡܺܝܕ̥ܶܐ ܕܽܘ ܫܶܟܶܠ ܕܽܐܘ ܥܳܠܡܰܐܢܳܐ ܓܥܳܒܶܪ. ܠܳܐ ܟܳܒܰܥ ܐ̱ܢܳܐ ܕܗܳܘܰܠܟ̣ܽܘ ܦܶܟܶܪ ܕܓ̥ܰܡܳܐ. ܗܰܘܳܐ ܕܠܰܬܠܶܐ ܐܰܢ̱ܬ̣ܬܳܐ ܓܡܶܦܬܰܟܶܪ ܒܰܢܕܽܘܡܳܪܰܝܕ̥ܶܗ ܐܰܝܕܰܪܒܳܐ ܟܫܳܦܶܪ ܠܰܐܠܳܗܳܐ. ܘܰܐܝܢܰܐ ܕܟܶܬܠܶܗ ܐܰܢ̱ܬ̣ܬܳܐ، ܟܳܡܔܰܐܗܶܕ ܠܰܢܕܽܘ ܥܳܠܡܳܐ ܐܰܝܕܰܪܒܳܐ ܟܫܳܦܶܪ ܠܐܺܝ ܐܰܢ̱ܬ̣ܬܰܝܕܶܗ. ܟܺܝܬ ܦܰܪܩ ܒܰܝܢܶܐ ܠܺܐܝ ܐܰܢ̱ܬ̣ܬܳܐ ܘܠܺܐܝ ܒܬ̣ܽܘܠܬܳܐ. ܗܰܝܳܐ ܕܠܰܬܝܳܐ ܓܰܘܶܪܬܳܐ ܓܡܶܦܬܰܟܪܳܐ ܒܰܢܕܽܘ ܡܳܪܰܝܕܰܗ̱̇. ܠܰܫܰܢ ܕܗܽܘܝܳܐ ܩܰܕܺܝܫܬܳܐ ܒܽܐܘ ܔܰܣܰܕܰܝܕܰܗ̱̇ ܘܒܺܐܝ ܪܽܘܚܰܝܕܰܗ̱̇. ܘܺܐܝ ܓܰܘܶܪܬܳܐ ܓܡܶܦܬܰܟܪܳܐ ܒܰܢܕܽܐܘ ܥܳܠܡܳܐ، ܐܰܝܕܰܪܒܳܐ ܟܫܳܦܪܳܐ ܠܽܐܘ ܓܰܘܪܰܝܕ̥ܰܗ̱̇. ܒܰܪܶܟ̥ܡܳܪܝ܀