ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܓܰ‍ܠܰܛܳܝ̈ܶܐ
ܕ: ܝܛ ـ ܠܐ Galatians 4:19-31

ܝܰܐ ܐܰܢܢܰܒ̈ܢܰܝܕܺܝ ܐܰܝܢܰܐ ܕܶܒܛܶܢܢܳܐ ܐܰܒܟ̣ܽܘ ܡܽܘ ܪܺܝܫܳܐ ܗܽܘܠ ܕܡܺܝܨܰܐܘܶܪ ܐܰܒܟ̣ܽܘ ܡܫܺܝ̣ܚܳܐ. ܪܳܚܰܡ ܗ̱ܘܰܝܢܳܐ ܕܗܳܘܶܐ ܐ̱ܢܳܐ ܐܽܘܥܕܳܐ ܣܶܬܟܽܘ، ܘܡܚܰܠܰܦܢܳܐ ܐܽܘ ܩܳܠܰܝܕܺܝ، ܥܰܠ ܕܶܡܕܰܘܡܰܪܢܳܐ ܐܰܒܟ̣ܽܘ. ܐ̱ܡܰܪܽܘܠܺܝ ܗܰܬܽܘ ܐܰܝܢܰܐ ܕܟܶܒܥܶܝܬܽܘ ܕܗܳܘܶܝܬܽܘ ܬܰܚܬܽܘ ܢܳܡܽܘܣܳܐ ܩܰܝ ܠܳܐ ܟܫܶܡܥܽܘܬܽܘ ܠܽܐܘ ܡܶܕܶܐ ܕܟܺܝܬ ܒܽܐܘ ܢܳܡܽܘܣܳܐ؟ ܥܰܠ ܕܶܟܬ̣ܺܝܘܳܐܝܳܐ: ܕܠܰܐܒܪܳܗܳܡ ܬܪܶܐ ܐܰܒ̈ܢܶܐ ܟܶܬܗ̱ܘܳܐ ܠܶܗ. ܚܰܕ̱ ܡܺܐܝ ܓܪܰܥܬܳܐ، ܘܚܰܕ ܡܺܐܝ ܚܶܪ. ܐܶܠܳܐ ܗܰܘܳܐ ܕܡܺܐܝ ܓܪܰܥܬܳܐ، ܟ̣ܕܽܘ ܔܰܣܰܕ ܡܰܘܠܶܕ. ܘܗܰܘܳܐ ܕܡܺܐܝ ܚܶܪ، ܒܽܐܘ ܘܰܥܕ ܗܰܘܺܝ. ܗܰܢܺܝ ܪܶܡܙܳܘܰܝܢܶܐ ܕܰܬܬܰܪܬܶܐ ܡܽܘ̈ܩܰܘܰܠܰܬ. ܚܕܳܐ ܡܽܐܘ ܛܽܘܪܳܐ ܕܣܺܝܢܰܝ ܓܡܰܘܠܕܳܐ ܠܺܐܝ ܓܪܰܥܝܽܘܬ̣ܳܐ ܕܟܶܬܝܳܐ ܗܳܓܳܪ. ܥܰܠ ܕܗܳܓܳܪ ܐܽܘ ܛܽܘܪܳܐ ܕܒܺܐܝ ܥܰܪܰܒܺܝܶܗ̱ܝܳܐ܆ ܘܟ̣ܶܐ ܐܽܘܪܫܠܶܡ ܕܽܐܘܥܕܳܐ، ܬܰܚܬܺܝ ܥܶܒܽܘܕܺܝܶܗ ܝܳܐ ܗܺܝ̣ܝܰܗ̱̇ ܘܰܐܢܢܰܒܢܰܝ̈ܕܰܗ̇. ܐܶܠܳܐ ܐܽܘܪܫܠܶܡ ܐܺܝ ܥܶܠܰܝܬܳܐ ܕܟܶܬܝܳܐ ܐܶܡܰܢ، ܚܶܪܝܳܐ. ܥܰܠ ܕܶܟܬ̣ܺܝ̣ܘܳܝܳܐ܆ ܡܶܦܨܰܚ ܥܰܐܓܶܪ ܕܠܳܐ ܓܡܰܘܠܕܳܐ. ܡܰܙܥܰܩ ܘܡܗܰܠܗܰܠ ܗܰܝܳܐ ܕܠܳܐ ܓܡܶܒܛܳܢܳܐ. ܡܺܝܕ̥ܶܐ ܕܙܰܐܺܝܕܺܝ ܐܰܢܢܰܒ̈ܢܶܐ ܕܺܐܝ ܡܰܪܦܰܝܬܳܐ، ܙܶܕ ܡܰܢܢܰܒ̈ܢܶܐ ܕܺܐܝ ܓܰܘܶܪܬܳܐ. ܐܶܠܳܐ ܐܰܚܢܰܐ ܐܰܢܢܰܚܽܘ̈ܢܳܢܰܝܕܺܝ، ܟ̣ܶܐ ܐܺܝܣܚܳܩ ܐܰܢܢܰܒ̈ܢܶܐ ܕܽܐܘ ܘܰܥܕܢܰܐ. ܟ̣ܶܕ ܐܺܝ ܢܰܩܩܰܐܝܳܐ ܗܰܘܳܐ ܕܡܰܘܠܶܕ ܟ̣ܕܽܘ ܔܰܣܰܕ ܛܳܪܰܕ ܗ̱ܘܳܐ ܠܰܗ̱ܘܳܐ ܕܡܰܘܠܶܕ ܒܺܝܪܽܘܚܳܐ ܗܰܘܟ̣ܰܐ ܣܬܶܐ ܐܽܘܥܕܳܐ. ܐܶܠܳܐ ܡܶܢ ܐ̱ܡܶܪ ܠܶܗ̱ ܠܽܐܘ ܟܬ̣ܳܘܳܐ: ܡܳܦܰܩ ܠܺܐܝ ܓܪܰܥܬܳܐ ܘܠܽܐܘ ܐܰܒܪܰܝܕܰܗ̱̇، ܡܺܝܕ̥ܶܐ ܕܽܐܘ ܐܰܒܪܳܐ ܕܺܐܝ ܓܪܰܥܬܳܐ، ܠܳܐ ܟܳܗ̱ܘܶܐ ܕܝܳܪܶܬ̥ ܥܰܡܽܘ ܐܰܒܪܳܐ ܕܺܐܝ ܚܶܪ. ܡܰܘܟ̥ܰܐ ܝܰܐ ܐܰܚܽܘ̈ܢܳܢܶܐ، ܐܰܚܢܰـܐ ܠܰܬܢܰܐ ܐܰܢܢܰܒ̈ܢܶܐ ܕܺܐܝ ܓܪܰܥـܬܳܐ، ܐܶܠܳܐ ܐܰܢܢܰܒ̈ܢܶܐ ܕܺܐܝ ܚܶܪܢܰܐ܀