ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܓܰ‍ܠܰܛܳܝ̈ܶܐ
ܓ: ܟܓ ـ ܟܛ Galatians 3:23-29

ܡܶܐܩܶܡ ܡܶܕ ܐܶܬ̣ܝܳܐ ܐܺܝ ܗܰܝܡܳܢܽܘܬ̣ܳܐ، ܢܳܛܰܪ ܗ̱ܘܳܐ ܠܰܢ ܐܽܘ ܢܳܡܽܘܣܳܐ (ܩܰܐܢܽܘܢ)، ܘܺܐܝ ܢܰܩܩܰܐ ܕܨܺܝܕܺܝܢܰܐ ܠܺܝ ܗܰܝܡܳܢܽܘܬ̣ܳܐ ܕܓܶܡܶܓܠܳܝܳܐ ܗ̱ܘܰܐ، ܐܽܘ ܢܳܡܽܘܣܳܐ ܡܗܰܕܝܳܢܳܐ ܗܰܘܺܝ ܠܰܢ ܣܶܐ ܡܫܺܝ̣ܚܳܐ، ܠܰܫܰܢ ܕܡܺܝܙܰܕܩܺܝܢܰܐ (ܕܡܺܝܒܰܪܺܝ̣ܢܰܐ) ܒܺܐܝ ܗܰܝܡܳܢܽܘܬ̣ܳܐ. ܐܶܠܳܐ ܒܶܬ̣ܶܪ ܡܶܕ ܐܰܬ̣ܝܳܐ ܐܺܝ ܗܰܝܡܳܢܽܘܬ̣ܳܐ، ܠܳܐ ܦܰܐܺܝ̣ܫܺܝܢܰܐ ܬܰܚܬܽܘ ܡܐܰܕܒܳܢܳܐ. ܥܰܠ ܕܟܽܠܟ̣ܽܘ، ܐܰܒ̈ܢܶܐ ܕܰܐܠܳܗܳܐ ܗܰܬܽܘ ܒܺܐܝ ܗܰܝܡܳܢܽܘܬ̣ܳܐ ܕܶܒܝܶܫܽܘܥ ܡܫܺܝ̣ܚܳܐ. ܡܺܝܕ̥ܶܐ ܕܟܽܠܟ̣ܽܘ ܥܰܡܺܝܕܺܝܬܽܘ ܒܶܡܫܺܝ̣ܚܳܐ، ܘܠܘܶܫܟ̣ܽܘ ܠܶܡܫܺܝ̣ܚܳܐ. ܠܰܝܬ ܝܽܘܕܳܝܳܐ ܘܠܳܐ ܝܰܘܢܳܝܳܐ. ܠܳܐ ܓܪܶܥܳܐ ܘܠܳܐ ܚܶܪ. ܠܰܝܬ ܓܰܘܪܳܐ ܘܰܐܢ̱ܬܬ̣ܳܐ. ܥܰܠ ܕܟܽܠܟ̣ܽܘ ܚܰܕ̄ ܗܰܬܽܘ ܒܝܶܫܽܘܥ ܡܫܺܝ̣ܚܳܐ. ܐܶܢ ܕܶܡܫܺܝ̣ܚܳܐ ܗܰܬܽܘ܆ ܐܺܝ̣ ܢܰܩܩܰܝܳܐ ܐܽܘ ܙܰܪܥܳܐ ܕܰܐܒܪܳܗܳܡ ܗܰܬܽܘ، ܘܝܰܪ̈ܳܬܶܐ (ܘܶܐܪ̈ܶܣ) ܒܽܘ ܡܽܘܠܟܳܢܳܐ ܒܰܪܶܟ̥ܡܳܪܝ̱܀