ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܓܰ‍ܠܰܛܳܝ̈ܶܐ
ܓ: ܝܗ ـ ܟܒ Galatians 3:15-22

ܐܰܚܰܝ̈܆ ܡܺܝ ܢܰܐܚܺܝܶܐ ܕܰܐܢ̈ܢܳܫܶܐ ܟܳܡܶܔܓ̥ܰܠ ܐ̱ܢܳܐ: ܐܺܝ ܘܰܨܺܝܶܐ ܘܰܠܰܘ ܡܶܐ ܐ̱ܢܳܫܳܐ ܕܡܺܝܬܰܚܬܳܐ ܣܬܺܝ، ܐܶܠܳܐ ܚܰܕ̱ ܠܰܝܒܶܐ ܠܳܐ ܡܒܰܛܶܠܰܗ̱̇، ܘܠܳܐ ܟܺܝ̣ܒܶܐ ܕܡܳܙܶܕ ܐܰܥܠܰܗ̇ ܡܶܕܶܐ. ܐܰ ܘܰܥ̈ܕܰܬ ܠܰܐܒܪܳܗܳܡ ܘܠܽܘ ܙܰܪܥܰܝܕܶܗ ܐ̱ܡܺܝܪܺܝ. ܠܳܐ ܐ̱ܡܶܪ̱ ܠܶܗ ܠܰܙܰܪ̈ܥܰܝܕܳܟ ܟ̣ܶܕ ܠܓ̣ܰܠܰܒܶܐ. ܐܶܠܳܐ ܠܽܘ ܙܰܪܥܰܝܕܳܟ ܟ̣ܶܕ ܠܚܰܕ̱. ܗܰܘܳܐ ܕܟܶܬܝܳܐ ܡܫܺܝ̣ܚܳܐ. ܗܰܬ̣ܶܐ ܟܳܐܡܰܪ ܐ̱ܢܳܐ: ܐܽܘ ܘܰܥܕ ܕܡܶܐ ܡܶܐܩܶܡ ܡܬ̣ܰܒܶܬ ܡܰܐܠܳܗܳܐ ܒܶܡܫܺܝ̣ܚܳܐ، ܐܽܘ ܢܳܡܽܘܣܳܐ ܕܗܰܘܺܝ ܒܶܬ̣ܶܪ ܡܶܐ ܐܰܪܒܰܥܡܳܐܐ ܘܬܠܶܬ̣ܺܝ ܐܶܫ̈ܢܶܐ، ܠܳܐ ܓܩܳܕܶܪ ܕܫܳܪܶܐ ܠܶܗ ܘܡܒܰܛܶܠ ܐܽܘ ܘܰܥܕ. ܡܺܝܕ̥ܶܐ ܕܶܐܢ ܕܗܽܘܝܳܐ ܐܺܝ ܘܰܪܰܬ̣ܰܐ ܡܽܐܘ ܢܳܡܽܘܣܳܐ، ܐܺܝ ܢܰܩܩܰܝܳܐ ܠܰܬܝܳܐ ܡܽܐܘ ܘܰܥܕ. ܐܶܠܳܐ ܐܰܠܳܗܳܐ ܗܺܝ̣ܘܳܐ ܠܶܗ ܠܰܐܒܪܳܗܳܡ ܒܽܐܘ ܘܰܥܕ. ܐܺܝ ܢܰܩܩܰܝܳܐ ܐܽܘ ܢܳܡܽܘܣܳܐ ܠܡܶܢܝܳܐ؟ ܡܰܘܙܶ ܐܽܘ ܡܶܕܰܐܢܳܐ، ܠܰܫܰܢ ܡܰܚܘܶܐ ܒܶܐ ܡܶܢܝܳܐ ܐܽܘ ܬܘܳܪܳܐ ܕܰܦܽܘܩ̈ܕܳܢܶܐ. ܐܽܘ ܢܳܡܽܘܣܳܐ ܗܺܝܘ ܥܰܠ ܐܺܝܕܶܗ ܕܰܡܡ̈ܰܠܰܐܟ̥ܶܐ ܒܺܐܝ̣ܕܶܗ ܕܽܐܘ ܡܶܨܥܳܝܳܐ. ܘܽܐܘ ܡܶܨܥܳܝܳܐ ܠܰܬܝܳܐ ܕܚܰܕ. ܐܶܠܐܳ ܐܰܠܳܗܳܐ ܚܰܕ̄ܝܳܐ. ܩܰܝ ܐܽܘ ܢܳܡܽܘܣܳܐ ܡܩܰܒܶܠ ܕܽܐܘ ܘܰܥܕ ܕܰܐܠܴܗܳܝܳܐ؟ ܚܰܐܫܰܐ. ܡܺܐܝܕ̥ܶܐ ܕܶܐܢ ܕܡܺܝܬܰܗܘܶܐ ܗ̱ܘܰܐ ܢܳܡܽܘܣܳܐ ܕܩܳܕܶܪ ܕܳܐܒܶܗ ܚܰ̈ܝܶܐ ܒܰܫܪܳܪܳܐ، ܡܽܐܘ ܢܳܡܽܘܣܳܐ ܓܬܽܘܝܳܐ ܗ̱ܘܰܐ ܐܺܝ ܙܰܕܺܝܩܽܘܬܳܐ. ܐܶܠܳܐ ܚܒܶܫ ܠܶܗ ܠܽܐܘ ܟܬ̣ܳܘܳܐ ܟܽܠ ܡܶܕܶܐ ܬܰܚܬܺܝ ܚܛܺܝܬ̣ܳܐ، ܠܰܫܰܢ ܕܳܐܒܶܐ ܠܰܡܗܰܝ̈ܡܢܶܐ ܐܽܘ ܘܰܥܕ ܡܺܐܝ ܗܰܝܡܳܢܽܘܬܳܐ ܕܝܶܫܽܘܥ ܡܫܝ̣ܚܳܐ. ܒܰܪܶܟ̥ܡܳܪܝ̱ ܀