ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܓ: ܐ ـ ܝܗ 1Corinthians 3:1-15

ܐܳܢܳܐ ܠܳܐ ܩܰܕܶܪ ܐ̱ܢܳܐ ܕܡܶܔܓ̥ܰܠ ܐ̱ܢܳܐ ܐܰܥܡܰܝܟ̣ܽܘ ܟ̣ܶܕ ܥܰܡܰܐ ܪ̈ܽܘܚܰܢܺܝ. ܐܶܠܳܐ ܟ̣ܶܕ ܥܰܡܰܐ ܔܶܣ̈ܕܰܐܢܺܝ. ܟ̣ܕܰܐ ܢܰܥܺܝ̣̈ܡܶܐ ܕܒܶܡܫܺܝ̣ܚܳܐ، ܚܰܠܘܳܐ ܡܰܫܬܶܠܺܝ ܠܟ̣ܽܘ. ܠܽܐܗ̱ܘܠܺܝ ܠܟ̣ܽܘ ܡܽܘܟܠܳܐ، ܥܰܠ ܕܠܳܐ ܩܳܕܪܽܘܬܽܘ ܗ̱ܘܰܐ ܗܶܫ. ܐܶܠܐ ܘܠܳܐ ܐܽܘܥܕܳܐ ܣܬܶܐ ܓܩܳܕܪܺܝܬܽܘ. ܡܺܝܕ̥ܶܐ ܕܗܶܫ ܔܶܣ̈ܕܰܐܢܺܝ ܗܰܬܽܘ. ܒܶܬ̣ܶܪ ܡܶܕ ܟܺܝܬ ܐܰܒܟ̣ܽܘ ܚܣܳܡܳܐ، ܘܥܰܟܣܺܝܶܐ، ܘܦܠܺܝܓܽܘܬ̣ܳܐ، ܩܰܝ ܠܳܐ ܟܰܠܐܶ ܔܶܣ̈ܕܰܐܢܺܝ ܗܰܬܽܘ؟ ܘܟ̣ܕܽܘ ܔܰܣܰܕ ܟܳܡܗܰܠܟ̣ܺܝܬܽܘ. ܐܺܝ ܢܰܩܩܰܐ ܕܐܢܳܫܳܐ ܡܶܢܟܽܘ ܕܳܐܡܶܪ: ܐܳܢܳܐ ܕܦܰܘܠܽܘܣ ܐ̱ܢܳܐ. ܘܽܐܘ ܐ̱ܚܪܶܢܳܐ ܕܳܐܡܶܪ: ܐܳܢܳܐ ܕܰܐܦܳܠܽܘ ܐ̱ܢܳܐ. ܩܰܝ ܠܳܐ ܟܰܠܶܐ ܔܶܣ̈ܕܰܐܢܺܝ ܗܰܬܽܘ؟ ܡܰܢܝܳܐ ܦܰܘܠܽܘܣ؟ ܐܰܘ ܡܰܢܝܳܐ ܐܰܦܳܠܽܘ؟ ܐܶܠܳܐ ܡܫܰܡ̈ܫܳܢܶܐ ܕܥܰܠ ܐܺܝܕܰܝ̈ܝܶܗ ܡܗܰܝܡܰܢܟ̣ܽܘ. ܟܽܠ ܚܰܕ̱ ܟ̣ܶܕ ܗܽܘܠܶܗ ܠܶܗ ܐܰܠܳܗܳܐ. ܐܳܢܳܐ ܙܪܶܥ ܠܺܝ ܘܰܐܦܳܠܽܘ ܡܰܫܬܶܠܶܐ. ܐܶܠܳܐ ܐܰܠܳܗܳܐ ܡܪܰܒܶܐ ܠܶܗ. ܗܰܬ̥ܶܐ ܓܡܰܚܽܘܝܳܐ، ܠܰܬܝܳܐ ܠܳܐ ܗܰܘܳܐ ܕܟܳܙܳܪܶܥ ܡܶܕܶܐ. ܘܠܳܐ ܗܰܘܳܐ ܕܟܳܡܰܫܬܶܐ. ܐܶܠܳܐ ܐܰܠܳܗܳܐ ܕܟܳܡܪܰܒܶܐ. ܐܽܘ ܙܰܪܳܥܳܐ ܘܽܐܘ ܡܰܫܬܝܳܢܳܐ ܚܰܕ̱ܢܶܐ. ܟܽܠ ܚܰܕ̱ ܟ̣ܕܽܘ ܬܰܥܒܰܝܕܶܗ ܓܡܳܝܶܕ ܐܽܘ ܐܰܓ̥ܪܰܝܕ̥ܶܗ. ܡܺܝܕ̥ܶܐ ܕܥܰܡ ܐܰܠܳܗܳܐ ܓܫܳܓ̥ܠܺܝܢܰܐ. ܐܽܘ ܫܽܘܓ̣ܠܳܐ ܕܰܐܠܳܗܳܐ ܘܺܐܝ ܥܡܰܪܰܐ ܕܰܐܠܳܗܳܐ ܗܰܬܽܘܬܽܘ. ܟ̣ܺܐܝ ܛܰܝܒܽܘܬ̣ܳܐ ܕܰܐܠܳܗܳܐ ܕܗܺܝܘܳܐ ܐܶܠܺܝ، ܡܰܚܰܬܠܺܝ ܫܶܬܶܐܣܬܳܐ ܟ̣ܶܐ ܡܰܥܡܪܳܢܳܐ ܚܰܟܺܝ̣ܡܳܐ، ܘܐ̱ܚܪܶܢܳܐ ܓܡܰܥܡܶܪ ܐܰܥܠܰܗ. ܐܶܠܳܐ ܛܪܳܐ ܚܳܝܶܪ ܟܽܠ ܚܰܕ̱ ܐܰܝܕܰܪܒܳܐ ܓܡܰܥܡܶܪ ܐܰܥܠܰܗ̱̇. ܡܺܝܕ̥ܶܐ ܕܠܳܐ ܓܩܳܕܶܪ ܐ̱ܢܳܫܳܐ ܕܡܰܚܶܬ ܐܰܣܰܐܣ ܐ̱ܚܪܶܢܳܐ ܓ̣ܰܝܪ ܡܰܐܗ̱ܘܳܐ ܕܟܶܬܝܳܐ ܡܰܚܬܳܐ. ܘܕܟܶܬܝܳܐ ܝܶܫܽܘܥ ܡܫܺܝ̣ܚܳܐ. ܘܺܐܝܕ̥ܰܐ ܐ̱ܢܳܫܳܐ ܕܡܰܥܡܶܪ ܥܰܠܽܘ ܐܰܣܰܐܣܰܐܢܳܐ܆ ܕܰܗܘܳܐ ܐܰܘ ܣܶܐܡܳܐ܆ ܐܰܘ ܟܺܐܦܷ̈ܐ ܡܝܰܩܪ̈ܶܐ܆ ܐܰܘ ܩܰܝ̈ܣܶܐ܆ ܐܰܘ ܓܶܠܳܐ܆ ܐܰܘ ܓܶܠܳܐ ܢܰܫܺܝ̣ܦܳܐ܆ ܐܽܘ ܥܰܡܰܠ ܕܟܽܠ ܐ̱ܢܳܫܳܐ ܓܡܶܓܠܶܐ. ܥܰܠ ܕܽܐܘ ܝܰܘܡܰܐ ܗ̱ܘܳܐ ܓܓܳܠܶܐ ܠܶܗ. ܡܺܝܕ̥ܶܐ ܕܒܺܐܝ ܢܽܘܪܳܐ ܓܡܶܓܠܶܐ. ܘܡܶܢܝܳܐ ܐܽܘ ܥܰܡܰܠ ܕܟܽܠ ܐ̱ܢܳܫܳܐ، ܐܺܝ ܢܽܘܪܳܐ ܓܦܶܪܫܳܐ (ܓܓܳܠܝܳܐ) ܠܶܗ. ܐܶܢ ܦܰܐܝܶܫ ܐܽܘ ܥܰܡܰܠ ܬܰܗ̱ܘܳܐ ܕܡܰܥܡܰܪ ܠܶܗ ܐܰܥܠܰܗ̱̇ ܓܫܳܩܶܠ ܐܽܘ ܐܰܓ̥ܪܰܝܕ̥ܶܗ. ܘܶܐܢ ܝܰܩܶـܕ̥ ܐܽܘ ܥܰܡܰܠ ܕܚܰܕ̱ ܓܟ̣ܳܨܶܪ، ܐܶܠܳܐ ܗܽܘܘܶܐ ܓܟ̣ܳܠܶܨ. ܐܶܠܳܐ ܟ̣ܶܕ ܒܐܺܝ ܢܽܘܪܳܐ. ܒܰܪܶܟ̥ܡܳܪܝ܀