ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܓ: ܝܘ ـ ܟܓ܇ ܕ:ܐ ـ ܗ 1Corinthians 3:16-23, 4:1-5

ܩܰܝ ܠܳܐ ܟܳܕ̥ܥܺܝܬܽܘ ܐܽܘ ܗܰܝܟܠܳܐ ܕܰܐܠܳܗܳܐ ܗܰܐܬܽܘ؟ ܘܺܐܝ ܪܽܘܚܳܐ ܕܰܐܠܳܗܳܐ ܓܥܳܡܪܳܐ ܐܰܒܟ̣ܽܘ؟ ܐܶܢ ܐ̱ܢܳܫܳܐ ܕܡܰܚܪܽܘ ܐܽܘ ܗܰܝܟܠܳܐ ܕܰܐܠܳܗܳܐ܆ ܓܡܰܚܪܰܘ ܠܶܗ ܐܰܠܳܗܳܐ. ܡܺܝܕ̥ܶܐ ܕܽܐܘ ܗܰܝܟܠܳܐ ܕܰܐܠܳܗܳܐ ܩܰܕܺܝܫܳܝܳܐ. ܗܰܘܳܐ ܕܟܶܬܗܰܐܬܽܘ ܗܰܐܬܽܘ. ܐ̱ܢܳܫܳܐ ܠܳܐ ܡܰܛܥܶܐ ܪܽܘܚܶܗ. ܐܺܝܕ̥ܰܐ ܐ̱ܢܳܫܳܐ ܐܰܒܟ̣ܽܘ ܓܚܳܫܽܘ ܕܟܶܬܝܳܐ ܚܰܟܺܝܡܳܐ، ܛܪܳܐ ܒܽܐܘ ܥܳܠܡܰܢܳܐ ܗܳܘܶܐ ܣܰܟ̥ܠܳܐ، ܠܰܫܰܢ ܕܗܳܘܶܐ ܚܰܟܺܝ̣ܡܳܐ. ܡܺܝܕ̥ܶܐ ܕܺܐܝ ܚܶܟܡܶܐ ܕܽܐܘ ܥܳܠܡܰܐܢܳܐ، ܔܰܗܰܠܰܐܝܳܐ ܓܰܢ̱ܒ ܐܰܠܳܗܳܐ. ܡܺܝܕ̥ܶܐ ܕܶܟܬ̣ܺܝܘܳܝܳܐ: ܕܓܶܨܳܝܶܕ ܐܰ ܚܰܟܺܝ̣̈ܡܶܐ ܒܺܐܝ ܚܺܝܠܰܬ̥ܬ̥ܶܗ، ܘܟܳܐܕ̥ܶܥ ܣܬܶܐ ܐܰܠܳܗܳܐ ܕܰܦܶܟܪ̈ܰܬ ܕܰܚܰܟܺܝ̣̈ܡܶܐ ܕܟܶܬܢܶܐ ܒܰܐܛܶܠ. ܡܰܘܟ̥ܰܐ ܛܪܳܐ ܒܰܝܢܰܐ ܐ̱ܢܳܫ̈ܶܐ، ܚܰܕ̱ ܠܳܐ ܡܺܝܫܰܒܗܶܪ. ܟܽܠ ܡܶܕܶܐ ܐܠܰܟ̣ܽܘܝܳܐ. ܐܺܝܕܰܐ ܦܰܘܠܽܘܣ، ܘܺܐܝܕ̥ܰܐ ܐܰܦܳܠܽܘ، ܘܺܐܝܕ̥ܰܐ ܐܽܘ ܟܺܐܦܳܐ، ܘܺܐܝܕ̥ܰܐ ܐܽܘ ܥܳܠܡܳܐ، ܘܺܐܝܕ̥ܰܐ ܐܰ ܚܰܝ̈ܶܐ، ܘܺܐܝܕ̥ܰܐ ܐܽܘ ܡܰܘܬܳܐ، ܘܺܐܝܕ̥ܰܐ ܕܽܐܘܥܕܳܐ، ܘܺܐܝܕ̥ܰܐ ܕܓܶܕܐܳܬ̣ܶܢ، ܟܽܠ ܡܶܕܶܐ ܕܶܬ̥ܟ̥ܽܘܝܳܐ. ܘܗܰܬܽܘ ܕܶܡܫܺܝ̣ܚܳܐ ܗܰܬܽܘ. ܘܡܫܺܝ̣ܚܳܐ ܣܬܶܐ ܕܰܐܠܳܗܳܐ. ܘܗܰܘܟ̥ܰܐ ܣܬܶܐ ܛܪܳܗ̱ܘܺܝܢܰܐ ܚܫܺܝܘ̈ܶܐ ܐܰܠܟ̥ܽܘ. ܟ̥ܕܰܐ ܡܫܰܡ̈ܫܳܢܶܐ (ܟ̥ܰܕ̈ܳܡܶܐ) ܕܶܡܫܺܝ̣ܚܳܐ، ܘܟ̥ܕܰܐ ܘܰܟܺܝ̈ܠܶܐ ܕܰܪ̈ܳܐܙܶܐ ܕܰܐܠܳܗܳܐ. ܗܰܘܳܐ ܕܡܳܝܶܕ ܘܰܟܰܠܐܰ ܒܽܘ ܒܰܝܬܳܐ ܕܰܐܠܳܗܳܐ، ܓܠܳܙܶܡ ܕܗܳܘܶܐ ܐܶܒܶܗ ܩܢܰܥܰܐ. ܐܶܠܺܝ ܢܶܩܣܰܐܢܺܝܶܐܝܳܐ ܕܳܐܢܳܐ ܕܡܶܚܟܰܡ ܐ̱ܢܳܐ ܡܶܢܟ̥ܽܘ، ܐܰܘ ܡܶܐ ܡܰܚܟܰܐܡܰܐ ܐܶܢܣܰܐܢܺܝ. ܘܠܳܐ ܐܳܢܳܐ ܣܬܶܐ ܓܚܳܟܰܡ ܐ̱ܢܳܐ ܪܽܘܚܺܝ. ܐܶܠܳܐ ܗܰܬ̥ܶܐ ܠܰܬܝܳܐ ܐܺܝ ܡܰܥܢܰܝܕܰܐ ܕܳܐܢܳܐ ܡܒܰܪܝܳܐ ܐ̱ܢܳܐ. ܐܽܘ ܕܰܝܳܢܰܝܕ̥ܺܝ ܐܰܠܳܗܳܝܳܐ. ܥܰܠܠܰܗ̱ܬ̥ܶܐ ܡܶܩܶܡ ܡܽܐܘ ܙܰܒܢܳܐ ܗܰܬܽܘ ܣܬܶܐ ܠܳܐ ܕܰܝܢܽܘܬܽܘ، ܗܽܘܠ ܕܳܐܬ̥ܶܐ ܐܽܘ ܡܳܪܝܳܐ. ܗܰܘܳܐ ܕܓܶܡܰܢܗܶܪ ܐܰ ܟܰܣܝ̈ܳܬܳܐ ܕܺܐܝ ܥܶܬܡܰܐ، ܘܓܶܕܓܳܠܶܐ ܐܰ ܦܬܰܟܰܪ̈ܰܬ ܕܰܠܶܒܰܘ̈ܳܬ̥ܳܐ. ܐܺܝ ܢܰܩܩܰܝܳܐ ܓܡܳܝܶܕ ܟܽܠ ܚܰܕ̱ ܐܽܘ ܘܰܨܶܦ ܕܟܳܚܳܝܰܩ ܠܶܗ ܡܽܐܘ ܡܳܪܝܳܐ. ܒܰܪܶܟ̥ܡܳܪܝ܀