ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܚ: ܟܚ ـ ܠܛ 1Corinthians 16: 15-24

ܟܳܒܰܥ ܐ̱ܢܳܐ ܡܶܢܟ̣ܽܘ ܐܰܢܢܰܚܰܝ̈ܕܺܝ، ܟܳܕܥܺܝ̣ܬܽܘ ܐܽܘ ܒܰܝܬܳܐ ܕܶܐܣܛܶܦܰܢܶܐ ܐܽܘ ܒܶܟܶܪ ܕܰܐܟ̣ܰܐܺܝܰܢܶܐ. ܗܽܘܘܶܐ ܪܽܘܚܰܝܝܶܐ ܠܺܐܝ ܬܶܫܡܶܫܬܳܐ ܕܰܐ ܩܰܕܺܝ̈ܫܶܐ. ܠܰܫܰܢ ܕܗܰܬܽܘ ܣܬܶܐ ܕܫܶܡܥܺܝܬܽܘ ܠܰܗ̱ܢܺܝ ܕܗܰܘܟ̣ܰܢܶܐ. ܘܠܟܽܠ ܐ̱ܢܳܫܳܐ ܕܟܳܫܳܓ̥ܶܠ ܐܰܥܡܰܢ ܘܟܳܡܥܰܐܘܶܢ. ܘܟܡܶܦܨܰܚ ܐ̱ܢܳܐ ܒܺܐܝ ܡܶܐܬ̣ܰܝܬܳܐ ܕܶܐܣܛܶܦܰܢܶܐ ܘܰܕܦܰܪܛܽܘܢܰܛܳܘܣ ܘܕܰܐܟ̣ܰܐܝܺܩܳܘܣ، ܥܰܠ ܕܽܐܘ ܡܶܕܶܐ ܕܡܰܢܩܰܨܟ̣ܽܘ، ܗܶܢܢܶܐ ܡܟܰܡܰܠ ܠܶܗ̱. ܘܡܰܬ̣ܢܰܚܚܶܐ ܪܽܘܚܺܝ̣ ܘܕܶܬ̥ܟ̥ܽܘ. ܝܺܕܰܥܽܘ ܠܰܢ ܕܗܰܘܟ̣ܰܢܶܐ. ܟܳܡܫܰܝܠܺܝ ܒܽܐܘ ܫܠܳܡܰܬ̣ܟ̣ܽܘ ܟܽܠܠܶܗ ܐܰ ܥܺـ̈ܕܳܬܳܐ ܕܒܰܐܣܝܰܐ. ܘܟܳܡܫܰܝܠܺܝ ܒܽܐܘ ܫܠܳܡܰܬ̣ܟ̣ܽܘ ܓ̥ܰܠܰܒܶܐ ܒܡܳܪܰܢ ܐܰܩܶܠܳܘܣ ܘܰܦܪܺܝܣܩܶܠܐܰ ܥܰܡܺܐܝ ܥܺܕ̱ܬܳܐ ܕܒܽܐܘ ܒܰܝܬܰܬ̣ܬ̣ܶܐ. ܟܳܡܫܰܝܠܺܝ ܒܽܐܘ ܫܠܳܡܰܬ̣ܟ̣ܽܘ ܐܰܢܢܰܚܰܝ̈ܕܰܢ ܟܽܠܠܶܗ. ܡܫܰܝܶܐܠܽܘ ܒܽܐܘ ܫܠܳܡܳܐ ܚܰܕ̱ ܕܽܐܘ ܚܰܕ̱ ܒܶܢܫܰܩܬܳܐ ܩܰܕܺܝܫܬܳܐ. ܫܠܳܡܳܐ ܒܺܐܝ ܟܬ̣ܰܘܬܳܐ ܕܺܝܕܺܝ ܐܳܢܳܐ ܦܰܘܠܽܘܣ. ܡܰܢ ܕܠܳܐ ܪܳܚܶܡ ܠܡܳܪܰܢ ܝܶܫܽܘܥ ܡܫܺܝܚܳܐ ܗܳܘܶܐ ܡܰܚܪܡܳܐ. ܡܳܪܰܢ ܐܰܬ̣ܺܝ. ܐܺܝ ܛܰܝܒܽܘܬ̣ܳܐ ܕܡܳܪܰܢ ܝܶܫܽܘܥ ܡܫܺܝ̣ܚܳܐ ܐܰܥܡܰܝܟ̣ܽܘ. ܘܺܐܝ ܚܽܘܒܰܝܕܺܝ ܥܰܡ ܟܽܠܟ̣ܽܘ ܒܶܡܫܺܝ̣ܚܳܐ ܝܶܫܽܘܥ ܐܰܡܺܝܢ܀