ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܘ: ܝܒ ـ ܟ Hebrews 6:12-20

ܐܺܝ ܢܰܩܩܰܐ ܕܶܡܘܰܥܰܕ ܠܶܗ ܐܰܠܳܗܳܐ ܠܰܐܒܪܳܗܳܡ. ܥܰܠ ܕܠܰܬ ܗ̱ܘܰܝܠܶܗ ܪܰܒ ܡܶܢܶܗ̱ ܕܝܳܡܶܐ ܐܶܒܶܗ̱، ܝܺܡܶܐ ܠܶܗ ܒܪܽܘܚܶܗ ܘܐ̱ܡܶܪ ܠܶܗ: «ܒܶܪܳܟ̥ܳܐ ܓܶܡܒܰܪܰܟ̣ܢܳܟ، ܘܬܶܘܙܺܝܕܳܐ ܓܡܳܙܰܕܢܳܟ». ܘܗܰܘܟ̣ܰܐ ܡܣܰܝܒܰܪ ܠܶܗ ܘܡܶܕܠܶܗ ܐܽܘ ܘܰܥܕ. ܐ̱ܰܢܢܳܫ̈ܶܐ ܕܰܐܝܶܡܢ، ܟܳܐܝܳܡܶܢ ܒܽܘ ܫܰܩܨ ܕܟܶܬܝܳܐ ܪܰܒ ܡܶܢܢܶܗ̱. ܘܺܐܝ ܐ̱ܚܰܪܰܝܬܳܐ ܫܰܪܺܝܪܬܳܐ، ܒܽܐܘ ܝܡܳܝܳܐ ܓܬ̣ܶܒܬܳܐ، ܘܥܰܠܰܗ̱ܬܶܐ ܐܰܒܶܥ ܐܰܠܳܗܳܐ ܙܶܬ ܕܡܰܚܘܶܐ ܠܰܐ ܝܰـܪ̈ܳܬ̣ܶܐ ܕܽܐܘ ܘܰܥܕ، ܕܺܐܝ ܡܶܠܬ̣ܰܝܕܶܗ ܠܳܐ ܓܡܺܝܚܰܠܦܳܐ، ܡܰܨܪܳܠܶܗ ܒܽܐܘ ܝܡܳܝܳܐ. ܕܒܶܬܪܶܐ ܡܶܕ̈ܳܢܶܐ ܕܠܳܐ ܓܡܺܝ̣ܚܰܠܦܺܝ̣. ܠܳܐ ܓܩܳܕܶܪ ܐܰܠܳܗܳܐ ܕܶܡܕܰܓܶܠ ܐܰܒܒܶܗ، ܣܰܗܰܐܠܰܐ ܪܰܒܬ̣ܳܐ ܗܳܘܶܐ ܠܰܢ ܐܰܚܢܰܐ ܕܰܐܥܠܶܗ ܝܳܐ ܐܽܘ ܣܰܒܪܰܝܕܰܢ. ܘܨܰܝܕܺܝܢܰܐ ܐܽܘ ܣܰܒܪܳܐ ܕܡܰܚܬܳܝܳܐ ܩܽܘܡܰܢ. ܗܰܘܳܐ ܕܟܶܬܝܳܐ ܟ̣ܶܐ ܣܰܢܕܶܐ ܠܺܝ ܢܰܦܫܰܝܕ̥ܰܢ ܕܠܳܐ ܡܺܝܙܰܥܙܥܳܐ. ܘܟܥܳܒܶܪ ܠܽܐܘ ܓܰܒܳܐ ܕܠܰܘܓ̥ܶܠ ܕܽܐܘ ܨܰܬܪܳܐ. ܐܺܝ̣ ܕܽܘܟܬ̣ܳܐ ܕܡܶܩܶܡ ܥܰܒܶܪ ܡܶܚܠܳܦܰـܢ ܝܶܫܽـܘܥ، ܗܰܘܺܝ ܟܽܘܡـܪܳܐ ܠܥܳܠܰـܡ ܒܽـܐܘ ܕܽܘܡܝܳـܐ ܕܡܰܠܟܺܝـܙܕܶܩ. ܒܰܪܶܟ̥ܡܳܪܝ܀