ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܪ̈ܽܗܘܡܳܝܶܐ
ܝ: ܗ ـ ܟܐ Romans 10:5-21

ܥܰܠܺܝ ܥܰـܕܰܠܰܐ ܕܒܽܐܘ ܢܳܡܽܘܣܳܐ، ܗܰܘܟ̥ܰܐ ܟܬ̥ܽܘܠܶܗ ܠܡܽܘܫܶܐ: ܗܰܘܳܐ ܕܣܳܝܰܡ ܠܰܗ̇ ܟܚܳܝܶܐ (ܓܥܳܝܶܫ). ܐܶܠܳܐ ܐܺܝ ܥܰܕܰܐܠܰܐ ܕܒܺܐܝ ܗܰܝܡܳܢܽܘܬ̣ܳܐ ܗܰܘܟ̣ܰܐ ܟܳܐܡܡܳܐ:.«ܠܶܐܡܡܰܬ ܒܠܶܒܳܟ ܡܰܢ ܣܰܠܶܩ ܠܺܐܝ ܫܡܰܝܳܐ، ܡܰܢܚܰܬ ܠܶܗ̱ ܠܶܡܫܺܝ̣ܚܳܐ. ܘܡܰܢ ܢܰܚܶܬ ܠܽܐܘ ܥܽܘܡܩܳܐ ܕܶܫܝܽܘܠ، ܘܡܳܣܰܩ ܠܶܗ ܠܶܡܫܺܝ̣ܚܳܐ ܡܶܐ ܒܰܝܢܰܐ ܡܺܝܬ̥ܶܐ؟» ܐܶܠܳܐ ܡܶܢ ܟܳܐܡܶܪ: «ܩܰܪܽܘܬܳܝܳܐ ܐܺܝ ܡܶܠܬ̣ܳܐ ܠܦܶܡܳܟ̥ ܘܠܠܶܒܳܟ». ܝܰܐܢܺܝ ܐܺܝ ܡܶܠܬ̣ܳܐ ܕܺܐܝ ܗܰܝܡܳܢܽܘܬ̣ܳܐ ܕܟܳܟܽܘܪܙܺܝܢܰܐ. ܐܺܝܕ̥ܰܐ ܕܡܰܘܕܰܬ ܒܦܶܡܳܟ ܒܡܳܪܰܢ ܝܶܫܽܘܥ، ܘܡܗܰܝܡܢܰܬ ܒܠܶܒܳܟ ܕܰܐܠܳܗܳܐ ܡܰܩܶܡ ܠܶܗ̱ ܡܶܐ ܒܰܝܢܰܐ ܡܺܝ̣̈ܬ̣ܶܐ، ܟܟ̣ܳܠܨܰܬ. ܡܺܝܕ̥ܶܐ ܕܐܽܘ ܠܶܒܳܐ ܕܶܡܗܰܝܡܶܢ ܐܶܒܶܗ ܓܡܺܝܒܰܪܶܐ، ܘܽܐܘ ܦܶܡܳܐ ܕܡܰܘܕܶܐ ܐܶܒܶܗ ܟܚܳܝܶܐ. ܘܗܰܘܟ̥ܰܐ ܟܳܐܡܶܪ ܐܽܘ ܟܬ̥ܳܘܳܐ: «ܡܰܢ ܕܶܡܗܰܝܡܶܢ ܐܶܒܶܗ ܠܳܐ ܓܡܺܝܢܰܟܶܦ». ܘܒܰܗ̱ܬ̣ܶܐ ܠܳܐ ܦܪܶܫ ܠܶܗ ܠܳܐ ܠܰܝܽܘ̈ܕܳܝܶܐ ܘܠܳܐ ܠܰܝܰܘ̈ܢܳܝܶܐ. ܡܺܝܕ̥ܶܐ ܕܚܰܕ̱ܝܳܐ ܐܽܘ ܐܰܠܳܗܳܐ ܕܟܽܠܠܶܗ. ܘܥܰܬܺܝܪܳܝܳܐ ܠܟܽܠ ܕܩܳܪܶܐ ܠܶܗ. ܘܕܟܽܠ ܕܩܳܪܶܐ ܐܶܫܡܶܗ ܕܰܐܠܳܗܳܐ ܟܚܳܝܶܐ. ܐܶܠܳܐ ܐܰܝܕܰܪܒܳܐ ܓܩܳܪܶܢ ܠܰܗ̱ܘܳܐ ܕܠܳܐ ܡܗܰܝܡܰܢܢܶܐ ܐܶܒܶܗ؟ ܘܰܐܝܕܰܪܒܳܐ ܓܶܡܗܰܝܡܢܺܝ ܠܰܗ̱ܘܳܐ ܕܠܳܐ ܫܰܡܺܝܥܺܝ ܐܰܥܠܶܗ؟ ܘܺܐܝܕܰܐ ܠܰܝܬ ܟܰܪܳܙܳܐ، ܐܰܝܕܰܪܒܳܐ ܓܫܶܡܥܺܝ ܠܶܗ؟ ܘܺܐܝܕܰܐ ܕܠܳܐ ܡܺܝܫܰܕܪܺܝ، ܐܰܝܕܰܪܒܳܐ ܓܟܳܪܙܺܝ ܠܶܗ؟ ܟ̣ܶܕ ܟܬ̣ܺܝܘ: «ܡܶܩܩܰܐ ܫܰܦܺܝܪ̈ܶܢܶܐ ܐܰ ܪ̈ܰܓ̥ܠܳܬ̣ܳܐ ܕܰܡܒܰܫܪ̈ܳܢܶܐ ܕܽܐܘ ܫܠܳܡܳܐ، ܘܕܰܡܒܰܫܪ̈ܳܢܶܐ ܕܰܛܳـ̈ܘܳܬ̣ܳܐ». ܐܶܠܳܐ ܠܳܐ ܟܽܠܠܶܗ ܫܰܡܺܝܥܺܝ ܠܽܐܘ ܡܓܰܠܝܶܢ. ܡܺܝܕ̥ܶܐ ܕܶܐܫܰܥܝܳܐ ܐ̱ܡܶܪ ܠܶܗ: «ܡܳܪܝ̱! ܡܰܢ ܡܗܰܝܡܰܢ ܠܶܗ ܠܺܝ ܡܶܠܬ̣ܰܝܕ̥ܰܢ؟» ܗܰܬ̥ܶܐ ܓܡܰܚܽܘܝܳܐ ܐܺܝ ܗܰܝܡܳܢܽܘܬ̣ܳܐ ܡܽܐܘ ܫܡܳܥܳܐܝܳܐ، ܘܽܐܘ ܫܡܳܥܐܳ ܡܺܐܝ ܡܶܠܬ̣ܳܐ ܕܰܐܠܗܳܐ ܟܳܗ̱ܘܶܐ. ܐܶܠܳܐ ܟܳܐܡܰܪ ܐ̱ܢܳܐ ܩܰܝ ܠܳܐ ܫܰܡܺܝܥܺܝ؟ ܒܶܠܶܗ. ܠܺܐܝ ܐܰܪܥܳܐ ܟܽܠܰܗ̇ ܢܰܦܶܩ ܩܳܠܰܝܝܶܗ̱ ܘܗܽܘܠ ܠܺܐܝ ܚܰܪܰܝܬܳܐ ܕܶܒܪܺܝܬ̣ܳܐ ܐܰ ܡܰܡܪ̈ܰܬ̣ܬ̣ܶܐ. ܐܶܠܳܐ ܟܳܐܡܰܪ ܐ̱ܢܳܐ: ܩܰܝ ܠܐܰܕ̥ܶܥ ܝ̣ܺܣܪܳܐܶܝܠ ܗܰܬ̥ܶܐ؟ ܒܺܐܝ ܩܰܡܰܝܬܳܐ ܡܽܘܫܶܐ ܐ̱ܡܶܪܠܶܗ: «ܓܣܰܡ ܐ̱ܢܳܐ ܠܟ̣ܽܘ ܛܰܢܳܢ̈ܶܐ (ܓ̥ܺܝܪܰܐܢܺܝ) ܒܥܰܡܳܐ ܕܠܰܬܝܳܐ ܥܰܡܳܐ. ܘܒܽܐܘ ܥܰܡܳܐ ܕܠܶܓ ܡܰܐܛܶܥ، ܓܡܰܪܓ̥ܰܙ ܐ̱ܢܳܐ ܠܟ̣ܽܘ». ܒܶܬ̣ܬ̣ܶܪ ܐܶܫܰܥܝܳܐ ܣܶܡܠܶܗ ܔܰܨܰܐܪܰܐ ܘܐ̱ܡܶܪܠܶܗ: «ܚܙܶܐ ܐ̱ܢܳܐ ܠܐܰܝܢܰܐ ܕܰܐܥܠܺܝ ܠܳܐ ܡܫܰܝܰܠ ܠܶܗ. ܘܓܠܶܐ ܐ̱ܢܳܐ ܠܐܰܝܢܰܐ ܕܠܐܰܒܺܝܥܺܝ ܠܺܝ». ܘܥܰܠ ܐܺܝ̣ܣܪܳܐܶܝܠ ܐ̱ܡܶܪܠܶܗ: «ܡܳܪܰܟ̣ܠܺܝ ܐܺܝܕ̥ܺܝ ܓܰܢ̱ܒܽܘ ܥܰܡܳܐ ܥܰܨܝܳܐ ܘܠܳܐ ܫܰܡܳܥܳܐ، ܐܽܘ ܝܰܘܡܳܐ ܟܽܠܶܗ». ܒܰܪܶܟ̥ܡܳܪܝ܀