ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܛܺܝܡܳܬܶܐܳܘܣ ܐ
ܘ: ܝܓ ـ ܟܒ 1Timothy 6:13-22

ܟܳܡܳܨܶܢܳܟ̣ ܩܶܡ ܐܰܠܳܗܳܐ ܐܽܘ ܡܰܟ̣ܠܨܳܢܳܐ ܕܟܽܠ ܝܶܫܽܘܥ ܡܫܺܝ̣ܚܳܐ܆ ܗܰܘܳܐ ܕܶܣܗܶܕ ܠܶܗ ܩܶܡ ܦܶܢܛܺܝܳܘܣ ܦܺܝܠܰܛܽܘܣ ܣܳܗܕܽܘܬ̣ܳܐ ܫܰܦܺܝܪܬܳܐ. ܕܢܶܛܪܰܬ ܐܺܝ ܘܰܨܺܝܶܐ ܕܠܳܐ ܥܰܝܒܳܐ ܘܕܠܳܐ ܠܰܘܡ، ܗܽܘܠ ܕܡܶܓܠܶܐ ܡܳܪܰܢ ܝܶܫܽܘܥ ܡܫܺܝ̣ܚܳܐ. ܗܰܘܳܐ ܕܒܽܐܘ ܙܰܒܢܰܝܕܶܗ ܓܡܰܚܘܶܐ ܠܶܗ ܐܰܠܳܗܳܐ ܐܽܘ ܡܒܰܪܟ̣ܳܐ ܘܐܽܘ ܚܰܝܶܠܬ̣ܳܢܳܐ ܒܶܠܚܽܘܕܶܗ ܐܽܘ ܡܰܠܟܳܐ ܕܰܡܡܰܠ̈ܟܶܐ، ܘܽܐܘ ܡܳܪܳܐ ܕܰܡܳܪ̈ܰܘܳܬ̣ܳܐ. ܗܰܘܳܐ ܕܗܽܘܘܶܐ ܒܶܠܚܽܘܕ̥ܶܗ ܠܳܐ ܓܡܳܝܶܬ̣. ܘ̱ܓܥܳܡܶܪ ܒܽܐܘ ܢܽܘܗܪܳܐ ܕܐ̱ܢܳܫܳܐ ܠܳܐ ܓܩܳܕܶܪ ܡܩܰܕܰܡ ܠܶܗ. ܘܐ̱ܢܳܫܳܐ ܡܰܢ ܐ̱ܢܳܫ̈ܶܐ ܠܳܐ ܚܙܶܐ ܠܶܗ. ܘܠܳܐ ܩܳܕܶܪ ܕܚܳܙܶܐ ܠܶܗ. ܗܰܘܳܐ ܕܕܺܝܕܶܝܳܐ ܐܽܘ ܐܺܝ̣ܩܳܪܳܐ ܘܽܐܘ ܫܽܘܠܛܳܢܳܐ ܕܠܥܳܠܰܡ ܥܳܠܡܺܝܢ ܐܰܡܺܝܢ. ܡܳܐܨܺܝ ܐܰ ܥܰܬܺܝܪ̈ܶܐ ܕܽܐܘ ܥܳܠܡܰܐܢܳܐ، ܕܠܳܐ ܥܳܐܠܶܢ ܒܰܦܶܟܪ̈ܰܬ̣ܬ̣ܶܐ. ܘܠܳܐ ܡܶܬܘܰܟܠܺܝ ܥܰܠܽܘ ܡܰܐܠ ܕܠܰܝܬ ܐܰܥܠܶܗ ܬܽܘܟ̣ܠܳܢܳܐ. ܐܶܠܳܐ ܥܰܠ ܐܰܠܳܗܳܐ ܐܽܘ ܚܰܝܳܐ، ܗܰܘܳܐ ܕܟܳܒܶܐܠܰܢ ܟܽܠ ܡܶܕܶܐ ܒܥܰܬܺܝܪܽܘܬ̣ܳܐ ܠܺܐܝ ܪܰܐܚܰܝܕܰܢ. ܠܰܫܰܢ ܕܣܰܝܡܺܝ ܥܡ̈ܰܠܰܬ ܛܳـ̈ܘܶܐ، ܘܗܳܘܶܢ ܥܰܬܺܝܪ̈ܶܐ ܒܰܥ̈ܡܰܠܰܬ ܫܰܦܺܝܪ̈ܶܐ. ܘܗܳܘܶܢ ܡܰܪܕ ܒܽܐܘ ܬܶܗܘܺܝܳܐ، ܘܚܰܕ̥ܺܝܪ̈ܶܐ ܠܽܐܘ ܦܶܠܳܓ̣ܳܐ. ܘܡܰܚܬܺܝ ܠܪܽܘܚܰܝܝܶܐ ܫܶܬܶܐܣܬܳܐ ܛܳܘܬܳܐ ܠܰܫܰܢ ܐܽܘ ܙܰܒܢܳܐ ܕܳܐܬ̣ܶܐ، ܘܠܰܫܰܢ ܐܰ ܚܰܝ̈ܶܐ ܕܟܶܬ̈ܢܶܐ ܫܰܪܺܝܪ̈ܶܐ. ܝܰܐ ܛܺܝܡܳܬ̣ܶܐܘܳܣ! ܢܛܰܪ ܐܽܘ ܡܶܕܶܐ ܕܡܰܣܠܶܡ ܐܶܠܳܟ. ܘܥܪܰܩ ܡܰܐ ܟ̥ܰܒܪ̈ܶܐ ܕܟܶܬܢܶܐ ܒܰܐܛܶܠ. ܘܡܰܐ ܥܬܺܪ̈ܰܐܕܰܬ ܕܽܐܘ ܡܰܕ̥ܥܳܐ ܡܕܰܓܠܳܢܳܐ. ܗܰܐܢܺܝ ܕܡܰܩܒܰܠܠܶܗ ܕܡܺܝܘܰܨܦܺܝ ܒܰܐܬ̥ܶܐ܆ ܛܰܥܶܢ ܡܺܐܝ ܗܰܝܡܳܢܽܘܬ̣ܳܐ. ܘܛܰܝܒܽܘܬ̣ܳܐ ܐܰܥܡܳܟ ܐܰܡܺܝܢ ܀