ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝܐ: ܟܒ ـ ܡ Hebrews 11:32-40

ܡܶܢ ܐ̱ܚܪܶܢܳܐ ܐܳܡܰܪ ܐ̱ܢܳܐ؟ ܡܺܝܕ̥ܶܐ ܕܶܐܫܡܳܝܳܐ ܐܽܘ ܙܰܒܢܳܐ، ܕܡܰܚܟܶܐ ܐ̱ܢܳܐ ܥܰܠ ܓܶܕܥܽܘܢ، ܘܥܰܠ ܒܳܪܳܩ، ܘܥܰܠ ܫܶܡܫܽܘܢ، ܘܥܰܠ ܢܰܦܬܰܚ، ܘܥܰܠ ܕܰܘܺܝܕ، ܘܥܰܠ ܫܡܽܘܐܶܝܠ، ܘܥܰܠ ܟܽܠܠܶܗ ܐܰܢܒܺܝ̈ܶܐ، ܗܰܢܺܝ ܕܒܺܐܝ ܗܰܝܡܳܢܽܘܬ̣ܳܐ ܓ̥ܠܶܒܒܶܐ ܠܰܡܡܰܠܶܟܘ̈ܳܬ̣ܳܐ (ܕܰܘ̈ܰܠ) ܘܣܶܡܡܶܐ ܙܰܕܺܝܩܽܘܬ̣ܳܐ. ܘܡܶܕܕܶܐ ܐܰ ܘܰܥـ̈ܕܰܬ، ܘܣܟ̣ܶܪܪܶܐ ܦܶܡܶܐ ܕܰܐܰܪ̈ܝܰܘܳܬ̣ܳܐ (ܣܰܒ̈ܥܶܐ). ܘܡܰܛܦܰܠܠܶܗ̱ ܐܽܘ ܚܰܝܠܳܐ ܕܺܐܝ ܢܽܘܪܳܐ، ܘܟ̣ܰܠܺܝܨܺܝ ܡܶܐ ܦܶܡܶܗ̱ ܕܽܐܘ ܣܰܝܦܳܐ. ܩܰܘܶܢ ܡܰܐܟܶܐܘ̈ܶܐ. ܘܗܰܘܶܢ ܚܰܝ̈ܶܠܬ̣ܳܢܶܐ (ܩܰܘ̈ܝܶܐ) ܒܽܐܘ ܚܰܪܒ، ܘܦܰܠܺܝܬܺܝ ܒܶܬ̣ܪܰܐ ܚܰܝ̈ܠܰܘܳܬ̣ܳܐ (ܩܽܘ̈ܘܰܬ) ܕܰܢܢܽܘܟ̣ܪ̈ܳܝܶܐ. ܘܗܽܘܘܶܐ ܠܰܢ̈ܢܶܫܶܐ ܐܰܢܢܰܒ̈ܢܰܬ̣ܬ̣ܶܐ ܡܺܝ ܩܝܰܡܬܳܐ ܕܰܡܡܺܝ̈ܬ̥ܶܐ. ܘܐ̱ܚܪ̈ܶܢܶܐ ܡܥܰܕ̥ܒܺܝ܆ ܘܠܳܐ ܢܛܶܪܪܶܐ ܕܟ̥ܳܠܨܺܝ ܠܰܫܰܢ ܕܡܰܝܕܺܝ ܩܝܰܡܬܳܐ ܛܰܘܬܳܐ. ܐ̱ܚܪ̈ܶܢܶܐ ܥܰܒܺܝܪܺܝ ܠܽܐܘ ܓܰܚܟ̣ܳܐ ܕܰܥܠܰܝܝܶܗ ܘܠܽܘ ܡܚܳܝܳܐ، ܘܐ̱ܚܪ̈ܶܢܶܐ ܠܰܐ ܐܰܣܽܘܪ̈ܶܐ (ܩܰܝ̈ܕܶܐ) ܘܠܰܚܒ̈ܽܘܫܝܶܐ ܡܰܣܠܡܺܝ. ܘܰܐܚܪ̈ܶܢܶܐ ܢܫܺܝܪܺܝ. ܘܐ̱ܚܪ̈ܶܢܶܐ ܒܦܶܡܶܗ ܕܽܐܘ ܣܰܝܦܳܐ ܡܰܐܺܝܬ̥ܺܝ. ܘܐ̱ܚܪ̈ܶܢܶܐ ܟܰܪܺܝܟ̣ܺܝ ܠܘܺܝ̣̈ܫܶܐ ܓܰܠܕ̈ܶܐ ܕܰܦܦܰܐܪ̈ܶܐ ܘܕܰܥܥܶܐܙ̈ܶܐ، ܣܢܺܝ̣̈ܩܶܐ ܘܡܰܥܺܝ̣̈ܩܶܐ ܘܡܥܰܕ̥̈ܒܶܐ. ܐ̱ܢܳܫ̈ܳܐ ܕܠܳܐ ܫܳܘܶܐ ܗ̱ܘܳܐ ܠܶܢ ܐܽܘ ܥܳܠܡܳܐ، ܘܗܶܢܢܶܗ̱ ܬܰܐܺܝܗܺܝ ܒܰܡܰܕܶܒܪ̈ܶܐ (ܔܽܘ̈ܠܰܬ) ܘܒܰܛܛܽܘܪ̈ܶܐ ܘܒܰܡܥܰܪ̈ܶܐ ܘܒܰܨܰܠܚ̈ܶܐ ܕܺܐܝ ܐܰܪܥܳܐ. ܗܰܢܺܝ ܟܽܠܠܶܗ ܗܰܘܶܠܠܶܗ̱ ܣܳܗܕܽܘܬ̣ܳܐ ܒܺܐܝ ܗܰܝܡܳܢܽܘܬ̣ܳܐ܆ ܘܠܳܐ ܡܶܕܕܶܐ ܐܽܘ ܘܰܥܕ. ܥܰܠ ܕܰܐܠܳܗܳܐ ܡܶܐܩܶܡ ܚܙܶܐ ܠܶܗ ܐܶܠܰܢ ܡܶܕܶܐ ܛܰܘ، ܠܰܫܰܢ ܕܠܳܐ ܟܳܡܠܺܝ ܕܠܳܐ ܡܶܢܰܢ. ܒܰܪܶܟ̥ܡܳܪܝ܀