ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܛ: ܓ ـ ܝܒ Hebrews 9:3-12

ܒܶܬ̣ܪܽܘ ܨܰܬܪܳܐ ܕܰܬܪܶܐ ܕܽܐܘ ܡܰܫܟܢܳܐ، ܡܶܩܪܶܐ ܗ̱ܘܰܐ ܩܕܽܘܫ ܩܽܘܕ̈ܫܶܐ. ܟܶܬܗ̱ܘܰܐ ܐܶܒܶܗ̱ ܒܶܝܬ ܒܶܣ̈ܡܶܐ ܡܽܐܘ ܕܰܗܘܳܐ ܘܽܐܝ ܩܺܒܽܘܬ̣ܳܐ (ܣܰܢܕܽܘܩܳܐ) ܕܽܐܘ ܥ̱ܰܗܕ ܡܰܠܘܰܫܬܳܐ ܟܽܠܰܗ ܒܽܐܘ ܕܰܗܘܳܐ. ܟܶܬܗ̱ܘܳܐ ܐܶܒܰܗ̱̇ ܩܶܣܛܳܐ (ܣܶܦܳܩܳܐ) ܕܽܐܘ ܕܰܗܘܳܐ، ܘܺܐܝ ܚܰܛܪܳܐ ܕܰܐܗܪܽܘܢ ܕܡܳܪܰܩܠܰܗ̱̇، ܘܰܠܠܽܘ̈ܚܶܐ ܕܽܐܘ ܥܰܗܕ. ܘܠܰܠܥܶܠ ܡܺܝܢܰܗ̱̇، ܐܰ ܟܪ̈ܽܘܒܶܐ ܕܽܐܘ ܫܽܘܒܚܳܐ ܣܰܝܡܺܝ ܗ̱ܘܰܐ ܛܶܠܳܠܐܳ ܥܰܠܽܘ ܚܽܘܣܳܝܳܐ. ܠܰܬܝܳܐ ܐܽܘ ܙܰܒܢܳܐ ܕܶܐܡܡܺܝܢܰܐ ܥܰܠ ܚܰܕ̱ ܚܰܕ̱ ܡܰܐܡܶܕܳܢ̈ܰܢܺܝ ܒܶܦܪܺܝܫܽܘܬ̣ܳܐ. ܠܽܐܘ ܡܰܫܟܢܳܐ ܩܰܡܳܝܳܐ، ܒܟܽܠ ܙܰܒܢܳܐ ܥܳܒܪܺܝ ܗ̱ܘܰܐ ܐܰܟܽܘܡܪ̈ܶܐ، ܘܣܰܝܡܺܝ ܗ̱ܘܰܐ ܐܺܝ̣ ܬܶܫܡܶܫܬܰܬ̣ܬ̣ܶܗ (ܟ̥ܶܕܡܰܬ̥ܬ̥ܶܗ). ܐܠܳܐ ܠܽܐܘ ܡܰܫܟܢܳܐ ܕܰܬܪܶܐ، ܚܕܳܐ ܢܰܩܩܰܐ ܒܶܠܚܽܘܕ̥ܶܗ̱ ܒܺܐܝ ܫܰܢ̱ܬܳܐ، ܥܳܒܰܪ ܗ̱ܘܰܐ ܐܽܘ ܪܰܒܳܐ ܕܰܟܽܘܡܪ̈ܶܐ. ܘܒܽܐܘ ܐܰܕܡܳܐ ܕܶܡܩܰܕܰܡ ܗ̱ܘܳܐ ܡܶܚܠܰܦ ܪܽܘܚܶܗ، ܘܡܶܚܠܰܦ ܐܰ ܚܛܳܗ̈ܶܐ ܕܽܐܘ ܥܰܡܳܐ ܡܟܰܡܰܠ ܗ̱ܘܰܐ ܐܺܝ ܬܶܫܡܶܫܬܰܝܕ̥ܶܗ. ܒܰܗ̱ܬ̣ܶܐ ܡܳܐܕ̥ܰܥ ܗ̱ܘܰܐ ܐܽܘ ܪܽܘܚܳܐ ܩܰܕܺܝܫܳܐ، ܕܠܳܐ ܓܠܶܐ ܗܶܫ ܐܽܘ ܕܰܪܒܳܐ ܕܰܩܰܕܺܝ̣̈ܫܶܐ. ܗܽܘܠ ܕܟܶܬܝܳܐ ܐܽܘ ܡܰܫܟܢܳܐ ܩܰܡܳܝܳܐ ܦܰܐܺܝܫܳܐ. ܗܰܘܳܐ ܕܟܶܬܘܰܐ ܪܶܡܙܳܐ ܠܽܐܘ ܙܰܒܢܳܐ ܕܶܐܒܶܗ̱ ܡܺܝܩܰܕܡܺܝ ܗ̱ܘܰܐ ܐܰ ܩܽܘܪ̈ܒܳܢܶܐ ܘܰܐܕܶܒ̈ܚܶܐ. ܗܰܢܺܝ ܕܠܳܐ ܩܽܘܕܪܺܝ ܗ̱ܘܰܐ ܕܶܡܟܰܡܠܺܝ ܐܺܝ ܢܺܝܰܐ ܕܰܗ̱ܘܳܐ ܕܟܳܡܩܰܕܰܡ ܠܶܢ. ܕܟܶܬܗ̱ܘܰܝܢܶܐ ܡܽܘܟܠܳܐ ܘܫܬܳܝܳܐ ܘܬܶܫܺܝ̣ܓ̣ܳܐ ܕܫܶܟ̈ܠܰܬ ܫܶܟ̈ܠܰܬ، ܘܦܽܘܩ̈ܕܳܢܶܐ ܕܰܐ̱ܢܳܢܶܫ̈ܶܐ ܒܶܠܚܽܘܕܶܗ ܕܡܰܚܬܺܝ ܗ̱ܘܳܐ ܗܽܘܠ ܠܽܐܘ ܙܰܒܢܳܐ ܕܽܐܘ ܥܶܕܳܠܳܐ. ܐܶܠܐܳ ܡܫܺܝ̣ܚܳܐ ܐܰܬ̣ܺܝ ܪܺܝ̣ܫܳܐ ܕܰܟܽܘܡܪ̈ܶܐ ܠܰܐܛܰܘ̈ܳܬ̣ܳܐ ܕܓܶܕܐܳܬ̣ܶܢ. ܒܡܰܫܟܢܳܐ ܕܟܶܬܝܳܐ ܪܰܒ ܘܟܰܡܶܠ. ܗܰܘܳܐ ܕܠܳܐ ܣܺܝܡ ܒܰܢܢܺܝ̈ܕ̥ܳܬ̥ܳܐ. ܝܰܐܢܺܝ ܗܰܘܳܐ ܕܠܰܬܝܳܐ ܡܰܟ̣ܰܠܰܝܶܩܰܐܢܺܝ. ܘܠܳܐ ܒܽܐܘ ܐܰܕܡܳܐ ܕܰܬܰܝ̈ܣܶܐ ܘܕܰܐܰܪ̈ܘܳܢܶܐ܆ ܐܶܠܳܐ ܒܽܐܘ ܐܰܕܡܳܐ ܕܪܽܘܚܶܗ، ܥܰܒܶܪ ܚܕܳܐ ܢܰܩܩܰܐ ܠܽܐܘ ܒܰܝܬܳܐ ܡܩܰܕܫܳܐ، ܘܡܶܕܠܶܗ̱ ܐܽܘ ܟ̣ܰܠܰܨ ܕܶܠܥܳܠܰܡ. ܒܰܪܶܟ̥ܡܳܪܝ̱܀