ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝܐ: ܟܓ ـ ܠܐ Hebrews 11:23-31

ܒܺܝ ܗܰܝܡܳܢܽܘܬ̣ܳܐ ܐܰ ܒܰܐܒ̈ܳܢܶܐ ܕܡܽܘܫܶܐ ܬܠܶܐ ܠܶܢ ܬܠܳܬܳܐ ܝܰܪ̈ܚܶܐ ܐܺܝ ܢܰܩܩܰܐ ܕܡܰܘܠܶܕ. ܥܰܠ ܕܶܚܙܶܐܠܶܢ ܐܽܘ ܛܰܠܝܳܐ ܫܰܦܺܝܪܳܝܳܐ. ܘܠܳܐ ܙܰܐܝ̣ܺܥܺܝ ܡܽܐܘ ܐܰܡܪܳܐ ܕܽܐܘ ܡܰܠܟܳܐ. ܒܺܐܝ ܗܰܝܡܳܢܽܘܬܳܐ ܐܺܝ ܢܰܩܩܰܐ ܕܡܽܘܫܶܐ ܗܰܘܺܝ ܓܰܘܪܳܐ، ܠܳܐ ܡܰܩܒܶܠܶܐ ܕܡܶܩܪܶܐ ܐܰܒܪܳܐ ܠܺܐܝ ܒܰܪܬ̣ܳܐ ܕܦܶܪܥܽܘܢ. ܐܶܠܳܐ ܡܢܰܩܶܠܐܶ ܠܶܗ ܕܒܺܐܝ ܥܺܝܩܽܘܬ̣ܳܐ، ܕܦܳܝܶܫ ܥܰܡܽܐܘ ܥܰܡܳܐ ܕܰܐܠܳܗܳܐ. ܘܠܳܐ ܡܺܝܒܰܣܶܡ ܙܰܒܢܳܐ ܟܰܪܝܳܐ ܒܺܐܝ ܚܛܺܝܬ̣ܳܐ. ܚܫܽܘܠܶܐ ܐܺܝ ܥܰܬܺܝܪܽܘܬ̥ܳܐ (ܙܰܢܓܰܢܰܐ) ܕܽܐܘ ܥܰܝܒܳܐ ܕܶܡܫܺܝܚܳܐ، ܪܰܒ ܡܰܟ̣ܰܙܰܐܝܶـ̈ܢ ܕܡܶܨܶܪ. ܥܰܠ ܕܢܳܛܰܪ ܗ̱ܘܳܐ ܠܽܐܘ ܫܩܳܠܳܐ ܕܽܐܘ ܐܰܓ̥ܪܳܐ (ܚܰܐܩ). ܒܺܐܝ ܗܰܝܡܳܢܽܘܬܳܐ ܛܪܶܠܶܗ ܠܡܶܨܶܪ ܘܠܳܐ ܙܰܐܝܶܥ ܡܽܐܘ ܪܽܘܓ̥ܙܳܐ ܕܽܐܘ ܡܰܠܟܳܐ. ܘܡܣܰܝܒܰܪ ܠܶܗ ܟ̣ܶܕܗܰܘܳܐ ܕܟܳܚܳܙܶܐ ܠܰܐܠܳܗܳܐ ܕܠܳܐ ܓܡܶܚܙܶܐ. ܒܺܐܝ ܗܰܝܡܳܢܽܘܬ̣ܳܐ ܣܶܡܠܶܐ ܦܶܨܚܳܐ ܘܬܶܪܺܝܣܳܐ ܕܽܐܘ ܐܰܕܡܳܐ، ܠܰܫܰܢ ܕܠܳܐ ܡܩܰܕܶܡ ܐܰܠܠܶܗ ܗܰܘܳܐ ܕܩܳܛܰܠ ܗ̱ܘܰܐ ܐܰ ܒܽܘܟ̥ܪ̈ܶܐ. ܒܺܐܝ ܗܰܝܡܳܢܽܘܬ̣ܳܐ ܥܰܒܺܝܪܺܝ ܐܽܘ ܒܰܐܚܰܪ ܣܶܡܳܩܳܐ ܟ̣ܶܕ ܒܺܐܝ ܐܰܪܥܳܐ ܢܰܫܶܦܬܳܐ. ܘܺܐܝ ܢܰܩܩܰܐ ܕܰܐ ܡܶܨܪ̈ܳܝܶܐ ܕܰܐܒܺܝܥܺܝ ܕܥܶܒܪܺܝ ܚܢܺܝܩܺܝ. ܘܒܺܐܝ ܗܰܝܡܳܢܽܘܬ̣ܳܐ ܐܰ ܫܽܘܪ̈ܶܐ ܕܺܝܪܺܝܚܽܘ ܢܰܦܺܝܠܺܝ، ܐܺܝ ܢܰܩܩܰܐ ܕܟܰܐܪܺܝܟ̣ܺܝ ܚܶܕܳܪܰܗ̇ ܫܰܘܥܳܐ ܝܰܘ̈ܡܶܐ. ܒܺܐܝ ܗܰܝܡܳܢܽܘܬ̣ܳܐ ܪܳܚܳܒ ܐܺܝ ܙܳܢܺܝܬ̣ܳܐ ܠܳܐ ܗܰܠܺܝܟܳܐ ܥܰܡ ܗܰܐܢܶܟ ܕܠܳܐ ܫܰܡܺܝ̣ܥܺܝ̣، ܡܺܝܕ̥ܶܐ ܕܡܰܩܒܶܠܰܗ̱̇ ܐܰ ܓܳܫܽܘ̈ܫܶܐ ܒܶܫܠܳܡܳܐ. ܒܰܪܶܟ̥ܡܳܪܝ̱܀