ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܪ̈ܽܗܘܡܳܝܶܐ
ܐ: ܐ ـ ܝܒ Romans 1:1-12

ܦܰܘܠܳܘܣ ܐܽܘ ܓܪܶܥܳܐ ܕܝܶܫܽܘܥ ܡܫܺܝ̣ܚܳܐ، ܕܶܦܪܺܝ̣ܫ ܠܽܐܘ ܡܓܰܠܝܶܢ ܕܰܐܠܳܗܳܐ. ܕܡܶܐ ܡܶܩܶܡ ܡܘܰܥܰܕ ܠܶܗ ܒܰܢ̈ܒܺܝܰܝܕܶܗ̱ ܒܰܟ̈ܬ̣ܳܘܶܐ ܩܰܕܝ̣̈ܫܶܐ. ܥܰܠܽܘ ܐܰܒܪܰܝܕܶܗ ܕܡܰܘܠܶܕ ܒܽܐܘ ܔܰܣܰܕ ܡܽܐܘ ܙܰܪܥܳܐ ܕܒܶܗ ܕܰܘܺܝܕ، ܘܺܝ̣ܕܺܝܥ ܐܽܘ ܐܰܒܪܳܐ ܕܰܐܠܳܗܳܐ، ܒܽܐܘ ܚܰܝܠܳܐ ܘܒܽܐܘ ܪܽܘܚܳܐ ܩܰܕܝ̣ܫܳܐ، ܘܒܺܐܝ ܩܝܰܡܬܳܐ ܕܡܶܗ ܒܰܝܢܰܐ ܡܺܝ̈ܬܶܐ ܝܶܫܽܘܥ ܡܫܺܝ̣ܚܳܐ ܡܳܪܰܢ. ܕܶܐܒܶܗ ܡܶܕܠܰܢ ܛܰܝܒܽܘܬ̣ܳܐ ܘܫܠܺܝ̣ܚܽܘܬ̣ܳܐ ܒܟܽܠܠܐܶ ܐܰ ܥܰܡܶـ̈ܐ ܕܫܶܡܥܺܝ ܠܺܐܝ ܗܰܝܡܳܢܽܘܬ̣ܳܐ ܕܽܐܘ ܐܶܫܡܰܝܕܶܗ. ܗܰܬܽܘ ܣܬܶܐ ܡܶܢܢܶܗ ܗܰܬܽܘ ܩܰܪ̈ܝܶܐ ܒܝܶܫܽܘܥ ܡܫܺܝܚܳܐ. ܠܟܽܠܠܶܗ ܕܟܶܬܢܶܐ ܒܪܽܘܡܺܝ ܐܰ ܚܰܒܺܝ̣̈ܒܶܐ ܕܰܐܠܳܗܳܐ، ܩܰܪ̈ܝܶܐ ܘܩܰܕܺܝ̣̈ܫܶܐ ܛܰܝܒܽܘܬ̣ܳܐ ܐܠܰܟ̣ܽܘ ܘܫܠܳܡܳܐ ܡܰܐܠܳܗܳܐ ܐܽܘ ܐܰܒܰܝܕ̥ܰܢ ܘܡܶܐ ܡܳܪܰܢ ܝܶܫܽܘܥ ܡܫܺܝ̣ܚܳܐ. ܒܺܐܝ ܩܰܡܰܝܬܳܐ ܓܡܰܘܕܶܐ ܐ̱ܢܳܐ ܠܽܐܘ ܐܰܠܳܗܰܝܕܺܝ ܒܝܶܫܽܘܥ ܡܫܺܝܚܳܐ ܥܰܠ ܟܽܠܟ̣ܽܘ. ܕܺܐܝ ܗܰܝܡܳܢܽܘܬ̣ܰܬ̣ܟ̣ܽܘ ܓܡܶܟܪܳܙܳܐ ܒܽܐܘ ܥܳܠܡܳܐ ܟܽܠܶܗ. ܟܣܳܗܰܕ ܠܺܝ ܐܰܠܳܗܳܐ ܕܶܐܠܶܗ ܓܥܳܒܰܕ ܐ̱ܢܳܐ ܒܺܐܝ ܪܽܘܚܰܝܕܺܝ ܒܽܐܘ ܡܓܰܠܝܶܢ ܕܽܐܘ ܐܰܒܪܰܝܕܶܗ، ܕܠܳܐ ܩܛܳܥܳܐ ܒܟܽܠ ܙܰܒܢܳܐ ܓܬ̣ܳܟܰܢ ܐ̱ܢܳܐ ܠܟ̣ܽܘ ܒܰܨ̈ܠܰܘܳܬ̣ܰܝܕܺܝ. ܓܡܶܬܪܰܔܶܐ ܐ̱ܢܳܐ ܕܰܐܝܶܡ ܒܰܨ̈ܠܰܘܳܬ̣ܰܝܕܺܝ ܒܰܠܟܺܝ ܢܰܩܩܰܐ ܡܶܦܬܰܚ ܠܺܝ ܕܰܪܒܳܐ، ܘܒܽܐܘ ܨܶܒܝܳܢܳܐ ܕܰܐܠܳܗܳܐ ܕܳܐܬ̣ܶܐ ܐ̱ܢܳܐ ܣܶܬܟ̣ܽܘ. ܡܺܝܕ̥ܶܐ ܕܓ̥ܰܠܰܒܶܐ ܓܪܳܚܰܡ ܐ̱ܢܳܐ ܕܚܳܙܶܐ ܐ̱ܢܳܐ ܠܟ̣ܽܘ، ܘܳܐܒܶܐ ܐ̱ܢܳܐ ܐܰܠܟ̣ܽܘ ܐܺܝ ܡܰܘܗܰܒܬܳܐ ܕܺܐܝ ܪܽܘܚܳܐ ܕܶܐܒܰܗ̱̇ ܬ̣ܶܒܬܽܘܬܽܘ܆ ܘܥܰܡ ܚܕ̈ܳܕܶܐ ܡܺܝܣܰܐܠܶܝܢܰܐ ܒܺܐܝ ܗܰܝܡܳܢܽܘܬ̣ܰܬ̣ܟ̣ܽܘ ܘܕܺܝܕ̥ܺܝ. ܒܰܪܶܟ̥ܡܳܪܝ̱܀