ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܒ
ܐ: ܐ ـ ܝܙ 2Corinthians 1:1-7

ܦܰܘܠܳܘܣ ܐܽܘ ܫܠܺܝܚܳܐ ܕܝܶܫܽܘܥ ܡܫܺܝ̣ܚܳܐ ܒܽܐܘ ܨܶܒܝܳܢܳܐ ܕܰܐܠܳܗܳܐ ܘܛܺܝܡܳܬ̣ܶܐܘܳܣ ܐܽܘ ܐܰܚܳܐ، ܠܺܐܝ ܥܺܕܬܳܐ ܕܰܐܠܳܗܳܐ ܕܟܺܝܬ ܒܩܽܘܪܺܝܢܬܳܘܣ ܥܰܡ ܟܽܠܠܶܗ̱ ܐܰ ܩܰܕܺܝ̣̈ܫܶܐ ܕܟܺܝܬ ܒܰܐܟܰܐܺܝܰܐ ܟܽܠܰܗ̇، ܛܰܝܒܽܘܬ̣ܳܐ ܐܰܥܡܰܝܟ̣ܽܘ، ܘ̱ܫܠܳܡܳܐ ܡܶܐ ܐܰܠܳܗܳܐ ܐܽܘ ܐܰܒܰܝܕܰܢ، ܘܡܶܐ ܡܳܪܰܢ ܝܶܫܽܘܥ ܡܫܺܝ̣ܚܳܐ. ܡܒܰܪܟ̣ܳܝܳܐ ܐܰܠܳܗܳܐ ܐܽܘ ܐܰܒܳܐ ܕܡܳܪܢ ܝܶܫܽܘܥ ܡܫܺܝ̣ܚܳܐ، ܐܽܘ ܐܰܒܳܐ ܕܰܪ̈ܰܚܡܶܐ، ܘܽܐܘ ܐܰܠܳܗܳܐ ܕܟܽܠ ܬܰܣܠܺܝܰܐ، ܗܰܘܳܐ ܕܟܳܡܣܰܠܶܗ̱ ܠܰܢ ܒܟܽܠܠܶܗ ܐܰ ܥܳܩܳܬ̣ܰܝ̈ܕܰܢ. ܠܰܫܰܢ ܕܰܐܚܢܰܐ ܣܬܶܐ ܩܽܘܕܪܺܝܢܰܐ ܡܣܰܠܶܝܢܰܐ ܠܰܗ̱ܢܺܝ ܕܟܶܬܢܶܐ ܒܟܽܠ ܥܺܝܩܽܘܬ̣ܳܐ، ܒܺܐܝ ܬܰܣܠܺܝܰܐ ܕܰܐܚܢܰܐ ܓܡܺܝܣܰܠܶܝܢܰܐ ܡܶܐ ܐܰܠܳܗܳܐ. ܥܰܠ ܕܟ̣ܶܕ ܐܰܝܕܰܪܒܳܐ ܕܟܳܙܰܝܕܺܝ ܐܶܒܰܢ ܐܰ ܚܰܫ̈ܶܐ ܕܶܡܫܺܝ̣ܚܳܐ، ܗܰܘܟ̣ܰܐ ܣܬܶܐ ܒܶܡܫܺܝ̣ܚܳܐ ܓܙܰܝܕܳܐ ܐܺܝ ܬܰܣܠܺܝܰܝܕܰܢ. ܘܰܠܰܘ ܟܡܺܝܬܰܥܺܝܩܺܝܢܰܐ ܥܰܠ ܦܳܬܰܗ̱̇ ܕܺܐܝ ܬܰܣܠܺܝܰܬ̣ܟ̣ܽܘ، ܘܥܰܠ ܦܳܬܶܐ ܕܽܐܘ ܟ̣ܠܰܨܰܬ̣ܟ̣ܽܘ ܓܡܺܝܬܰܥܺܝܩܝ̣ܢܰܐ. ܘܶܐܢ ܓܡܺܝܣܰܠܶܝܢܰܐ ܠܰܫܰܢ ܕܗܰܐܬܽܘ ܡܺܝܣܰܠܶܝܬܽܘ، ܘܗܳܘܶܐ ܐܰܒܟ̣ܽܘ ܔܰܗܕܺܝܶܗ ܕܶܡܣܰܝܒܪܺܝܬܽܘ ܐܰ ܚܰܫ̈ܶܐ، ܗܰܐܢܺܝ ܕܰܐܚܢܰܐ ܣܬܶܐ، ܓܡܺܝܓ̣ܰܡܡܺܝܢܰܐ ܠܶܢ. ܘܽܐܘ ܣܰܒܪܰܝܕܰܢ ܕܰܥܠܰܝܟ̣ܽܘ ܫܰܪܺܝܪܳܝܳܐ. ܡܺܝܕ̥ܶܐ ܕܟܽܘܕܥܺܝܢܰܐ ܟ̣ܶܕ ܕܟܶܬܗܰܬܽܘ ܫܳܪ̈ܺܝ̣ܟܶܐ ܒܰܚܰܫ̈ܰܝܕ̥ܰܒ، ܫܳܪ̈ܺܝ̣ܟܶܐ ܗܰܐܬܽܘ ܒܺܐܝ ܬܰܣܠܺܝܰܝܕ̥ܰܢ ܣܬܶܐ. ܒܰܪܶܟܡܳܪܝ܀