ܕܰܬܪܶܝܢ ܒܫܰܒܳܐ

ܕܰܬܫܰܥܫܳܥܺܝ̈ܢ

ܩܳܠܳܐ ܒܩ̄: ܣܳܗ̈ܕܶܐ ܐܰܦܺܝܣܽܘܢܳܝܗ̱ܝ
ܡܶܢ ܗܳܢ ܥܳܠܡܳܐ ܥܳܒܽܘܪܳܐ (ܓܽܘܫܡܳܐ)

ܐܰܠܳܗܳܐ ܕܚܳܣ ܥܰܠ ܢܺܝܢܘܶܐ܆ ܘܶܐܬܪܰܚܰܡ ܥܰܠ ܥܳܡܽܘܪ̈ܶܝܗ̇܆ ܘܦܰܢܺܝ ܗ̱ܘܳܐ ܠܗܽܘܢ ܫܶܐܠܳــ̈ـܬܗܽܘܢ܆ ܘܰܫܡܰܥ ܒܳܥܽܘܬܗܽܘܢ܆ ܫܡܰܥ ܩܳܠܰܢ ܐܰܝܟ ܕܰܡܥܳܕ ܐܰܢ̱ܬ܆ ܡܳܪܳܐ ܛܳܒܳܐ ܘܒܰܣܺܝܡܳܐ܆ ܘܗܰܒ ܠܰܢ ܫܰܝܢܳܐ ܘܰܫܠܳܡܳܐ. ܕܢܰܘܕܶܐ ܠܛܰܝܒܽܘܬܳܟ܀

ܫܽܘܒܚܳܐ

ܩܰܒܶܠ ܡܳܪܰܢ ܒܳܥܽܘܬܰܢ܆ ܘܰܦܬܰܚ ܬܰܪܥܳܟ ܠܰܨܠܽܘܬܰܢ܆ ܕܰܐܝܟ ܢܺܝܢ̈ܘܳܝܶܐ ܒܰܚܢܰܓܬܳܐ܆ ܗܳܐ ܩܳܪܶܝܢܰܢ ܠܳܟ܆ ܐܶܬܪܰܥܳܐ ܠܰܢ ܐܰܟܘܳܬܗܽܘܢ܆ ܘܰܫܒܽܘܩ ܚܰܘ̈ܒܰܝܢ ܘܰܚ̈ܛܳܗܰܝܢ܆ ܘܰܐܥܒܰܪ ܡܶܢܰܢ ܢܶܟ̈ܝܳܢܶܐ. ܘܟܰܦ̈ܢܶܐ ܘܡܰܘ̈ܬܳܢܶܐ܀

ܒܳܥܽܘܬܳܐ ܕܡܳܪܝ ܒܰܠܰܝ
ܝܶܫܽܘܥ ܒܪܶܗ ܕܰܐܒܳܐ ܗܘܺܝ ܠܰܢ

ܚܳܐܶܢ ܠܚܰܛܳܝ̈ܶܐ ܚܽܘܢ ܠܰܢ ܒܝܽܘܡ ܕܺܝܢܳܟ܆

ܘܰܫܒܽܘܩ ܠܰܢ ܚܰܘ̈ܒܰܝܢ ܒܣܽܘܓܳܐܐ ܕܛܰܝܒܽܘܬܳܟ܀

ܩܳܡ ܡܰܠܟܳܐ ܘܰܫܩܰܠ ܬܳܓܳܐ ܡܶܢ ܪܺܝܫܶܗ܆ ܘܶܐܬܥܰܛܰܦ ܣܰܩܳܐ ܘܺܝܬܶܒ ܥܰܠ ܐܰܪܥܳܐ܆ ܩܳܡ ܚܰܬܢܳܐ ܘܰܫܕܳܐ ܠܰܟܠܺܝܠ ܚܰܬܢܽܘܬܶܗ܆ ܘܟܰܠܬܳܐ ܘܰܩܦܺܝܠܳܐ ܨܶܒܬܳܐ ܕܰܚܠܽܘܠܳܗ̇܀

ܚܶܕܝܰܬ ܬܝܳܒܽܘܬܳܐ ܕܰܫܪܳܬ ܛܰܝܒܽܘܬܳܐ܆ ܘܪܰܥܝܰܬ ܟܺܐܢܽܘܬܳܐ ܦܰܪܩܰܬ ܠܰܡܕܺܝܢ̱ܬܳܐ܆ ܛܳܒܳܐ ܕܶܐܬܪܰܥܺܝ ܒܩܳܠܳܐ ܕܒܳܥܽܘܬܳܗ̇܆ ܐܶܬܪܰܥܳܐ ܠܥܰܒ̈ܕܰܝܟ ܒܣܽܘܓܳܐܐ ܕܛܰܝܒܽܘܬܳܟ܀

ܡܳܪܳܐ ܕܥܶܠܳܝ̈ܶܐ ܘܣܰܒܪܳܐ ܕܬܰܚ̈ܬܳܝܶܐ܆

ܩܰܒܶܠ ܬܶܫܡܶܫܬܰܢ ܘܶܐܬܪܰܚܰܡܥܠܰܝܢ܀

ܫܠܶܡ ܛܶܟܣܳܐ ܕܝܽܘܡ ܬܪܶܝܢ ܒܫܰܒܳܐ ܕܨܰܘܡܳܐ ܕܢܺܝܢܘܶܐ