ܕܰܬܠܳܬܳܐ ܒܫܰܒܳܐ

ܕܰܬܫܰܥܫܳܥܺܝ̈ܢ

ܩܳܠܳܐ ܒܩ̄: ܬܪ̈ܰܝܗܽܘܢ ܥܳܠ̈ܡܶܐ
ܩܺܝܢܬܳܐ ܕܓܽܘܫܡܳܐ

ܦܐܶܐ ܘܰܪܓܺܝܓ ܨܰܘܡܳܐ ܕܨܳܡܘ ܗ̱ܘܰܘ܆ ܢܺܝܢ̈ܘܳܝܶܐ ܘܒܶܗ ܐܶܬܦܰܨܺܝܘ܆ ܘܰܚܢܰܢ ܢܨܽܘܡ ܕܢܶܬܦܰܨܶܐ܆ ܡܶܢ ܒܺܝܫܳܐ ܘܚܰܝ̈ܠܰܘܳܬܶܗ܀

ܫܽܘܒܚܳܐ

ܝܰܘܢܳܢ ܐܰܟܪܶܙ ܗ̱ܘܳܐ ܒܢܺܝܢܘܶܐ܆ ܕܠܰܐܪܒܥܺܝܢ ܝܰܘ̈ܡܺܝܢ ܡܶܬܗܰܦܟܳܐ܆ ܘܰܒܟܰܘ ܟܽܠܗܽܘܢ ܘܶܐܬܟܰܫܰܦܘ܆ ܘܚܳܢܰܬ ܐܶܢܽܘܢ ܛܰܝܒܽܘܬܳܐ܀

ܒܳܥܽܘܬܳܐ ܕܡܳܪܝ ܒܰܠܰܝ
ܝܶܫܽܘܥ ܒܪܶܗ ܕܰܐܒܳܐ ܗܘܺܝ ܠܰܢ

ܚܳܐܶܢ ܠܚܰܛܳܝ̈ܶܐ ܚܽܘܢ ܠܰܢ ܒܝܽܘܡ ܕܺܝܢܳܟ܆

ܘܰܫܒܽܘܩ ܠܰܢ ܚܰܘ̈ܒܰܝܢ ܒܣܽܘܓܳܐܐ ܕܛܰܝܒܽܘܬܳܟ܀

ܩܪܰܐܽܘܟ ܢܺܝܢ̈ܘܳܝܶܐ ܒܕܶܡ̈ܥܶܐ ܘܒܳܥܽܘܬܳܐ܆ ܘܰܛܦܰܣܘ ܒܰܨܠܽܘܬܳܐ ܒܟܶܢ̈ܦܶܐ ܕܛܰܝܒܽܘܬܳܟ܆ ܘܡܶܢ ܪܽܘܓܙܳܐ ܕܠܺܝ̣ܚܳܐ ܟܽܠܗܽܘܢ ܐܶܫܬܰܘܙܰܒܘ܀

ܒܚܰܫܳܐ ܘܰܓܥܳܬܳܐ ܘܒܶܟܝܳܐ ܘܬܶܢ̈ܚܳܬܳܐ܆ ܐܰܪ̈ܕܺܝ ܥܰܝ̈ܢܳܬܳܐ ܕܶܡ̈ܥܶܐ ܫܰܦ̈ܝܳܬܳܐ܆ ܥܰܠܝ̈ ܗ̱ܘܰܝ̈ ܨܠܰܘ̈ܳܬܳܐ ܘܰܐܦܶܩ̈ܝ ܫܶܐܠܳــ̈ـܬܳܐ܀

ܡܳܪܳܐ ܕܥܶܠܳܝ̈ܶܐ ܘܣܰܒܪܳܐ ܕܬܰܚ̈ܬܳܝܶܐ܆

ܩܰܒܶܠ ܬܶܫܡܶܫܬܰܢ ܘܶܐܬܪܰܚܰܡܥܠܰܝܢ܀

ܫܠܶܡ ܛܶܟܣܳܐ ܕܝܽܘܡ ܬܠܳܬܳܐ ܒܫܰܒܳܐ ܕܨܰܘܡܳܐ ܕܢܺܝܢܘܶܐ