ܒܝܽܘܡ 15 ܕܟܳܢܽܘܢ ܐ̱ܚܪܳܝ

ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܳܐ ܠܕܺܝܢܳܐ ܘܠܳܐ ܠܰܬܒܰܥܬܳܐ
ܒܬܽܘܠܬܳܐ ܣܶܦܩܰܬ ܘܰܛܥܶܢܬܶܗ ܠܚܰܝܠܳܐ ܟܰܣܝܳܐ (ܣܳܠܶܩ: ܒܡܰܪܝܰܡ ܝܳܠܕܰܬ ܐܰ‍ܠܳܗܳܐ)

ܒܪܺܝܟܽ ܗ̱ܘ ܕܰܓܒܳܟܝ ܒܰܪ̱ܬ ܕܰܘܺܝܕ ܘܰܫܪܳܐ ܒܟܰܪܣܶܟܝ܆ ܘܰܦܪܰܩ ܠܳܐܕܳܡ ܘܰܠܝܰܠ̈ܕܰܘܗ̱ܝ܆ ܝܰܩܰܪ ܝܰܘܡܳܐ ܕܕܽܘܟܪܳܢܶܟܝ ܒܥܺܕܰܬ ܩܽܘܕܫܳܐ܆ ܡܶܢ ܣܰܘ̈ܦܶܐ ܠܣܰܘ̈ܦܶܝܗ̇ ܕܰܐܪܥܳܐ܆ ܗ̄ ܨܠܽܘܬܶܟܝ ܥܰܡܰܢ܀

ܫܽܘܒܚܳܐ

ܛܽܘܒܰܝܟܝ ܝܳܠܕܰܬ ܐܰܠܳܗܳܐ ܕܝܰܘܡܳܐ ܕܥܺܐܕܶܟܝ܆ ܗܳܐ ܢܳܨܰܚ ܒܰܐܪܒܰܥ ܦܶܢ̈ܝܳܢ܆ ܗܳܪܟܳܐ ܘܰܠܥܶܠ ܒܰܫܡܰܝܳܐ ܘܒܰܝܢܳܬ ܥܺܝܪ̈ܶܐ܆ ܒܪܺܝܟܽ ܗ̱ܘ ܕܰܐܘܪܶܒ ܕܽܘܟܪܳܢܶܟܝ ܗ̄܆ ܒܪܰܘܡܳܐ ܘܰܒܥܽܘܡܩܳܐ܀

ܒܳܥܽܘܬܳܐ ܕܡܳܪܝ ܒܰܠܰܝ
ܡܰܢܽܘ ܚܙܳܐ ܢܶܩܝܳܐ ܟܰܕ ܡܰܝܢܩܳܐ ܠܰܐܪܝܳܐ

ܕܽܘܟܪܳܢܳܐ ܕܡܰܪܝܰܡ ܢܶܗܘܶܐ ܠܒܽܘܪ̈ܟܳܬܰܢ܆

ܘܰܨܠܽܘܬܳܗ̇ ܬܶܗܘܶܐ ܫܽܘܪܳܐ ܠܢܰܦ̈ܫܳܬܰܢ܀

ܐܰܘ

ܒܰܨܠܽܘܬ ܝܳܠܶܕܬܳܟ: ܒܬܽܘܠܬܳܐ ܩܰܕܺܝܫܬܳܐ܆

ܚܰܣܳܐ ܠܰܢ ܡܳܪܰܢ ܘܚܰܣܳܐ ܠܥܰܢܺܝ̈ܕܰܝܢ܀

ܚܳܕ̈ܝܳܢ ܒܶܪ̈ܝܳܬܳܐ ܒܥܰܕܥܺܐܕܶܟܝ ܫܒܺܝܚܳܐ܆ ܐܶܡܳܐ ܕܒܰܒܬܽܘ̈ܠܶܝܗ̇ ܠܰܐܠܳܗܳܐ ܝܶܠܕܰܬ܆ ܘܡܰܠܰܐܟ̈ܶܐ ܘܐ̱ܢܳܫ̈ܳܐ ܛܽܘܒܳܐ ܝܳܗܒܺܝܢ ܠܳܗ̇܆ ܐܰܝܟܰܢ ܕܶܐܡܰܪ ܠܳܗ̇ ܡܰܠܰܐܟܳܐ ܕܣܰܒܪܳܗ̇܀

ܟܣܶܐ ܒܥܽܘܒܳܗ̇ ܕܰܐܒܽܘܗ̱ܝ ܟܰܕ ܗܽܘ ܒܡܰܪܝܰܡ ܫܪܶܐ܆ ܟܪ̈ܽܘܒܶܐ ܕܠܳܐ ܡܶܢܝܳܢ ܟܕܺܝܢܺܝܢ ܒܡܰܪܟܰܒܬܶܗ܆ ܘܰܕܪ̈ܳܥܶܝܗ̇ ܕܡܰܪܝܰܡ ܛܰܥܢܽܘܗ̱ܝ ܕܰܫܦܰܪ ܠܶܗ܆ ܐܶܠܳܐ ܒܝܰܕ ܟܽܠܗܶܝܢ ܚܰܘܺܝ ܕܰܐܠܳܗܰܐ ܗ̱ܘ܀

ܡܳܪܳܐ ܕܥܶܠܳܝ̈ܶܐ ܘܣܰܒܪܳܐ ܕܬܰܚ̈ܬܳܝܶܐ܆

ܩܰܒܶܠ ܬܶܫܡܶܫܬܰܢ ܘܶܐܬܪܰܚܰܡܥܠܰܝܢ܀

ܐܰܘ

ܒܰܨܠܽܘܬ ܝܳܠܶܕܬܳܟ: ܒܬܽܘܠܬܳܐ ܩܰܕܺܝܫܬܳܐ܆

ܚܰܣܳܐ ܠܰܢ ܡܳܪܰܢ ܘܚܰܣܳܐ ܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܥܺܐܕܳܐ ܕܝܳܠܕܰܬ ܐܰܠܳܗܳܐ ܕܥܰܠ ܙܰܪ̈ܥܶܐ