ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܗܰܒܠܳܗ̇ ܠܥܺܕܬܳܟ
ܢܒܺܝ̈ܶܐ ܩܰܕܺܝ̈ܫܶܐ ܘܰܫܠܺܝ̈ܚܶܐ ܒܢܰܝ̈

ܕܶܚܠܳܐ ܘܰܪܬܺܝܬܳܐ܆ ܐܶܬܥܰܛܰܦ ܟܳܗܢܳܐ ܙܟܰܪܝܳܐ ܒܓܰܘ ܒܶܝܬ ܩܽܘܕܫܳܐ܆ ܟܰܕ ܣܰܒܪܶܗ ܥܺܝܪܳܐ܆ ܡܶܛܽܠ ܡܰܘܠܳܕܶܗ܆ ܕܟܳܪܽܘܙܳܐ ܕܗܰܝܡܳܢܽܘܬܳܐ ܕܫܰܕܪܶܗ ܚܰܬܢܳܐ܆ ܕܢܶܡܟܽܘܪ ܠܶܗ ܥܺܕܬܳܐ܀

ܫܽܘܒܚܳܐ

ܥܰܠ ܕܠܳܐ ܗܰܝܡܶܢ ܗ̱ܘܳܐ܆ ܙܟܰܪܝܳܐ ܟܳܗܢܳܐ ܘܠܳܐ ܐܰܫܰܪ ܠܡܶܠܰܬ ܥܺܝܪܳܐ܆ ܕܣܰܒܪܶܗ ܥܰܠ ܒܰܛܢܳܐ܆ ܥܢܳܐ ܘܶܐܡܰܪ ܗ̱ܘܳܐ ܠܶܗ܆ ܬܶܗܘܶܐ ܫܰܬܺܝܩ ܘܠܳܐ ܬܡܰܠܶܠ܆ ܥܕܰܡܳܐ ܠܝܰܘܡܳܐ ܕܰܒܪܳܟ ܫܳܪܶܐ ܠܳܟ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܡܫܺܝܚܳܐ ܕܰܐܣܗܶܕܘ ܥܰܠ ܩܶܛܠܶܗ

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܶܗ ܕܟܳܗܢܳܐ ܙܟܰܪܝܳܐ܆

ܒܰܨܠܽܘܬܶܗ ܘܰܒܒܳܥܽܘܬܶܗ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܡܶܢ ܣܶܕܪ̈ܶܐ ܕܰܫܡܰܝܳܢ̈ܶܐ܆ ܙܳܚ ܘܰܢܚܶܬ ܪܺܝܫ ܡܰܠܰܐܟ̈ܶܐ܆ ܘܰܫܠܳܡܳܐ ܛܥܶܢ ܗ̱ܘܳܐ ܘܰܐܝܬܺܝ܆ ܠܰܙܟܰܪܝܳܐ ܒܗܰܝܟܰܠ ܩܽܘܕܫܳܐ. ܕܡܶܢ ܐܶܠܺܝܫܒܰܥ ܡܶܬܺܝܠܶܕ. ܟܳܪܽܘܙ ܩܽܘܫܬܳܐ ܝܽܘܚܰܢܳܢ܀

ܐܳܡܰܪ ܥܺܝܪܳܐ ܠܰܙܟܰܪܝܳܐ܆ ܥܰܠ ܕܶܐܬܦܰܠܰܓܬ ܥܰܠ ܡܶܠܰܝ̈܆ ܡܶܟܺܝܠ ܬܶܗܘܶܐ ܫܰܬܺܝܩ ܐܰܢ̱ܬ܆ ܘܠܳܐ ܬܶܫܟܰܚ ܠܳܟ ܕܰܬܡܰܠܶܠ܆ ܥܕܰܡܳܐ ܠܙܰܒܢܳܐ ܕܢܶܬܺܝܠܶܕ܆ ܝܽܘܚܰܢܳܢ ܘܗܽܘ ܫܳܪܶܐ ܠܳܟ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܶܗ ܕܟܳܗܢܳܐ ܙܟܰܪܝܳܐ܆

ܒܰܨܠܽܘܬܶܗ ܘܰܒܒܳܥܽܘܬܶܗ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܕܣܽܘܒܳܪܶܗ ܕܰܙܟܰܪܝܳܐ