ܕܰܬܠܳܬܳܐ ܒܫܰܒܳܐ

ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܡܫܰܠܶܡ ܢܽܘܗܪܶܗ ܕܺܐܝܡܳܡܳܐ
(ܣܳܠܶܩ: ܒܶܐܢܳܐ ܐ̱ܢܳܐ ܢܽܘܗܪܳܐ ܫܰܪܺܝܪܳܐ)

ܒܨܰܘܡܳܐ ܐܶܬܦܰܪܩܰܬ ܢܺܝܢܘܶܐ܆ ܡܕܺܝܢ̱ܬܳܐ ܪܰܒܬܳܐ ܕܓܰܢ̱ܒܳܪ̈ܶܐ܆ ܘܰܒܒܳܥܽܘܬܳܐ ܘܬܰܟܫܶܦܬܳܐ܆ ܥܶܒܪܰܬ ܡܶܢܗܽܘܢ ܟܰܪܝܽܘܬܳܐ܆ ܘܰܚܢܰܢ ܢܶܓܥܶܐ ܠܘܳܬ ܡܳܪܰܢ܆ ܕܢܰܥܒܰܪ ܡܶܢܰܢ ܫܰܒ̈ܛܶܐ ܘܡܰܚ̈ܘܳܬܳܐ܀

ܫܽܘܒܚܳܐ

ܒܨܰܘܡܳܐ ܕܰܟܝܳܐ ܐܶܬܢܰܨܰܚܘ܆ ܢܺܝܢ̈ܘܳܝܶܐ ܒܰܙܒܰܢ ܪܽܘܓܙܳܐ܆ ܒܕܽܘܒܳܪ̈ܰܝܗܽܘܢ ܪ̈ܽܘܚܳܢܶܐ܆ ܐܶܫܬܰܘܙܰܒܘ ܡܶܢ ܡܰܪܕܽܘܬܳܐ܆ ܘܥܰܠܘ ܘܶܐܬܒܰܣܰܡܘ ܒܗܰܘ ܛܽܘܒܳܐ܆ ܕܥܰܝܢܳܐ ܠܳܐ ܚܙܳܬ ܘܶܐܕܢܳܐ ܠܳܐ ܫܶܡܥܰܬ܀

ܒܳܥܽܘܬܳܐ ܕܡܳܪܝ ܝܰܥܩܽܘܒ
ܩܺܝܢܬܳܐ ܕܺܝܠܳܢܳܝܬܳܐ

ܦܬܰܚ ܠܰܢ ܡܳܪܰܢ ܬܰܪܥܳܟ ܪܰܒܳܐ ܕܰܡܠܶܐ ܖ̈ܰܚܡܶܐ܆

ܫܡܰܥ ܒܳܥܽܘܬܰܢ ܘܰܥܒܶܕ ܖ̈ܰܚܡܶܐ ܥܰܠ ܢܰܦ̈ܫܳܬܰܢ܀

ܐܰܘ

ܩܳܪܶܝܢܰܢ ܠܳܟ ܡܳܪܝܳܐ ܡܳܪܰܢ ܬܳܐ ܠܥܽܘܕܪܳܢܰܢ܆

ܫܡܰܥ ܒܳܥܽܘܬܰܢ ܘܰܥܒܶܕ ܖ̈ܰܚܡܶܐ ܥܰܠ ܢܰܦ̈ܫܳܬܰܢ܀

ܡܰܢܽܘ ܗܳܢܳܐ ܕܫܳܛܶܗ ܠܬܳܓܳܟ ܘܰܡܒܰܣܰܪ ܒܶܗ܆ ܘܡܰܩܠܶܐ ܪܶܒܰܬ ܕܟܽܠܳܗ̇ ܡܕܺܝܢ̱ܬܳܐ ܒܪܽܘܓܙܳܐ ܬܶܗܦܽܘܟ. ܚܙܺܝ ܡܳܐ ܛܶܒܶܗ ܕܗܳܟܰܢ ܫܳܛܳܟ ܡܰܠܟܳܐ ܪܰܒܳܐ܆ ܒܨܺܝ ܣܽܘܥܪܳܢܶܗ ܒܰܐܝܢܳܐ ܚܰܝܠܳܐ ܡܶܬܠܰܚܰܡ ܠܳܟ܀

ܫܽܘܒܚܳܐ ܠܰܐܒܳܐ ܕܥܰܒܕܳܗ̇ ܣܰܒܪܳܐ ܠܰܕܠܳܐ ܣܰܒܪܳܐ܆ ܘܣܶܓܕܬܳܐ ܠܰܒܪܳܐ ܕܩܰܒܶܠ ܡܶܢܗܽܘܢ ܠܰܬܝܳܒܽܘܬܗܽܘܢ܆ ܬܰܘܕܺܝ ܠܪܽܘܚܳܐ ܕܬܰܪܥܳܐ ܕܪ̈ܰܚܡܶܐ ܦܬܰܚ ܒܰܐܦܰܝ̈ܗܽܘܢ܆ ܚܰܕܽ ܗ̱ܘ ܟܝܳܢܳܐ ܕܰܬܠܳܬܰܝ̈ܗܽܘܢ ܠܶܗ ܬܶܫܒܽܘܚܬܳܐ܀

ܫܳܡܰܥ ܟܽܠܳܐ ܘܰܡܩܰܒܠܳܢܳܐ ܕܰܨ̈ܠܰܘܳܬܳܐ܆

ܫܡܰܥ ܒܳܥܽܘܬܰܢ ܘܰܥܒܶܕ ܖ̈ܰܚܡܶܐ ܥܰܠ ܢܰܦ̈ܫܳܬܰܢ܀

ܐܰܘ

ܡܫܺܝܚܳܐ ܕܩܰܒܶܠ ܨܰܘܡܳܐ ܕܡܽܘܫܶܐ ܘܡܰܟܺܝܟܽܘܬܶܗ܆

ܘܰܐܦܢܳܐ ܠܶܒܗܽܘܢ ܕܰܒܢܰܝ̈ܢܳܫܳܐ ܠܰܬܝܳܒܽܘܬܳܐ܀