ܩܝܢܬܐ ܙ

ܦܬܓܡܐ:

ܗܳܝܕܶܝܢ ܡܡܰܠܶܠ ܒܚܶܙ̈ܘܳܢܶܐ ܥܰܡ ܙܰܕܺܝܩܰܘ̈ܗܝ: ܘܳܐܡܰܪ ܕܣܳܡܶܬ ܥܽܘܗܕܳܢܳܐ ܠܓܰܒܪܳܐ ܗ̄܀

ܬܒܪܬ‌ܐ:

ܨܠܽܘܬܳܟ ܥܰܡܰܢ ܝܰܘܣܶܦ ܟܺܐܢܳܐ ܨܠܽܘܬܳܟ ܥܰܡܰܢ: ܠܰܨܠܰܘ̈ܬܳܟ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܰܨܠܰܘ̈ܬܳܟ ܡܳܪܝܳܐ ܢܒܰܛܶܠ ܫܰܒ̈ܛܳܐ ܕܪܽܘܓܙܳܐ: ܡܶܢ ܟܽܠ ܐܰܝܢܳܐ ܕܡܶܬܓܰܘܰܣ ܒܳܟ ܒܗܰܝܡܳܢܽܘܬܳܐ܀

ܒܬܪ ܐܘܢܓܠܝܘܢ ܒܩ̄: ܐܶܢܳܐ ܐܢܳܐ ܢܽܘܗܪܳܐ - H

ܟܰܕ ܕܰܡܺܝܟ ܝܰܘܣܶܦ ܒܓܰܘ ܥܰܪܣܶܗ. ܘܰܦܠܺܝ̣ܓ ܥܰܠ ܒܰܛܢܳܐ ܕܡܰܪܝܰܡ. ܬܟܶܒܘ̱ ܚܽܘ̈ܫܳܒܶܐ ܠܡܰܪܢܺܝܬܶܗ. ܕܰܐܝܟܰܢܳܐ ܒܟܶܣܝܳܐ ܢܶܫܪܶܝܗ̇. ܗܳܐ ܓܶܠܝܳܢܳܐ ܡܶܢ ܐܰܒܳܐ. ܕܳܐܡܰܪ ܟܺܐܢܳܐ ܒܰܪ ܕܰܘܝܺܕ. ܠܳܐ ܬܶܕܚܰܠ ܠܡܶܣܰܒ ܡܟܺܝܪܬܳܟ. ܕܡܶܢ ܪܽܘܚܳܐ ܕܩܽܘܕܫܳܐ ܒܰܛܢܳܐ. ܘܝܰܠܕܳܗ̇ ܦܳܪܶܩ ܒܶܪ̈ܝܳܬܳܐ܀

ܠܘܛܢܝܐ ܒܩ̄: ܢܶܩܝܳܐ ܗܘܺܝܬ - H

ܫܟܶܒ ܗܘܳܐ ܝܰܘܣܶܦ ܘܠܶܒܶܗ ܦܠܺܝ̣ܓ ܥܰܠ ܒܰܛܢܳܐ ܕܡܰܪܝܰܡ ܡܟܺܝܪܬܶܗ. ܘܡܶܬܚܰܫܰܒ ܕܢܶܫܪܶܝܗ̇ ܒܟܶܣܝܳܐ: ܘܢܶܬܬܢܺܝܚ ܡܶܢ ܩܳܠܳܐ ܕܬܺܐܪܬܶܗ܀

ܦܩܰܕ ܡܶܢ ܟܰܪܣܳܐ ܠܢܽܘܪܳܢܳܐ: ܗܰܘ ܕܪܶܡܙܶܗ ܠܥܳܠܡܳܐ ܐܰܚܺܝܕ. ܕܢܶܚܽܘܬ ܡܶܢ ܪܰܘܡܳܐ ܘܢܶܫܪܶܐ: ܦܠܺܝܓܽܘܬ ܠܶܒܶܗ ܕܒܰܪ ܕܰܘܺܝܕ܀

ܛܪܰܦ ܓܶܦܰܘ̈ܗܝ ܘܰܐܙܠܶܓܘ ܒܰܪ̈ܩܶܐ: ܘܰܪܥܶܠ ܟܺܐܢܳܐ ܒܬܰܫܘܺܝܬܶܗ. ܦܬܰܚ ܦܽܘܡܶܗ ܘܰܐܬܰܪ ܓܽܘܡܪ̈ܶܐ: ܘܰܐܘܩܶܕ̈ܝ ܝܰܥܪܳܐ ܕܡܰܪܢܺܝ̣ܬܶܗ܀

ܒܪܺܝܟ ܛܳܒܳܐ ܕܰܫܪܳܐ ܒܟܰܪܣܳܐ: ܘܙܺܝܘܶܗ ܡܰܪܗܶܒ ܠܰܟܪ̈ܽܘܒܶܐ. ܒܪܺܝܟ ܪܶܡܙܳܐ ܕܫܰܝܶܢ ܠܝܰܘܣܶܦ: ܥܰܠ ܒܰܛܢܳܐ ܕܡܰܠܝܰܬ ܛܽܘ̈ܒܶܐ܀

ܚܘܬܡܐ ܒܩ̄: ܗܳܢܰܘ ܝܰܪܚܳܐ - H

ܫܪܳܐ ܒܓܰܘ ܟܰܪܣܳܐ: ܘܚܰܝܠܶܗ ܡܕܰܒܰܪ ܣܰܘ̈ܦܶܐ ܕܰܠܥܶܠ: ܪܡܰܙ ܠܢܽܘܪܳܢܳܐ ܕܢܶܚܽܘܬ ܢܶܓܠܶܐ: ܠܝܰܘܣܶܦ ܐ̱ܪܳܙܳܐ ܕܦܰܓܪܳܢܽܘܬܶܗ: ܢܪܺܝܡ ܦܽܘܠܳܓܶܗ: ܘܢܰܥܒܰܪ ܚܶܣܕܳܐ ܡܶܢ ܝܳܠܶܕܬܶܗ܀