ܩܝܢܬܐ ܐ

ܦܬܓܡܐ:

ܐܰܝܟ ܢܶܫܪܳܐ ܕܛܳܐܶܣ ܥܰܠ ܩܶܢܶܗ: ܘܥܰܠ ܦܰܪ̈ܽܘܓܰܘܗܝ ܡܪܰܚܶܦ ܗ̄܀

ܬܒܪܬ‌ܐ:

ܒܪܳܐ ܕܒܰܩܝܳܡܬܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗ̇ ܫܰܝܢܳܐ ܘܢܰܛܰܪ ܝܰܠܕܶܝ̈ܗ̇ ܒܰܩܝܳܡܬܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܝܰܠܕܶܝ̈ܗ̇ ܒܰܩܝܳܡܬܳܟ ܡܳܪܝ܀

ܒܬܪ ܐܘܢܓܠܝܘܢ ܒܩ̄: ܛܽܘܒܰܝܟܝ̱ ܥܺܕܬܳܐ

ܢܦܰܠܘ̱ ܡܶܢ ܙܰܘܥܳܐ: ܢܳܛܪ̈ܰܝ ܩܰܒܪܶܗ ܕܒܰܪ ܚܰܝܳܐ. ܕܰܚܙܰܘ ܕܢܳܦܩܺܝܢ ܡܶܢ ܓܰܘܶܗ: ܩ̈ܳܠܶܐ ܥܰܡ ܒܰܪ̈ܩܶܐ ܕܚܺܝ̣̈ܠܶܐ: ܘܡܰܠܰܐܟ̈ܶܐ ܥܛܺܝ̣̈ܦܰܝ ܢܽܘܗܪܳܐ: ܟܪܺܝܟܺܝܢ ܠܶܗ ܒܚܶܘܳܪ̈ܰܝܗܽܘܢ: ܘܥܺܝܪܳܐ ܕܰܡܣܰܒܰܪ ܠܢܶܫ̈ܶܐ: ܕܠܰܝܬܰܘܗܝ ܬܢܳܢ ܩܳܡ ܠܶܗ ܫܽܘܒܚܳܐ. ܙܶܠܝ̱ ܣܰܒܰܪ̈ܶܝܢ ܠܬܰܠܡܺܝ̈ܕܰܘܗܝ: ܕܗܳܐ ܩܳܕܶܡ ܠܟܽܘܢ ܠܰܓܠܺܝ̣ܠܳܐ܀

ܠܘܛܢܝܐ ܒܩ̄: ܠܡܕܝܚ ܐܠܪܒ

ܩܳܡ ܡܳܪܳܐ ܕܫܽܘܒܚܳܐ ܒܰܫܪܳܪܳܐ: ܘܰܥܛܺܝ̣ܦ ܬܳܓܳܐ ܕܙܳܟܽܘܬܳܐ. ܘܰܥܛܳܐ ܠܥܰܒܕܽܘ ܘܟܽܠ ܐܶܣܳܪܳܐ: ܕܰܟܕܺܝܢܳܐ ܒܗܽܘܢ ܐܢܳܫܽܘܬܳܐ܀

ܣܰܘܦܶܝ̈ܗ̇ ܕܥܳܡܰܪܬܳܐ ܐܰܘܝܳܐܝܺܬ: ܢܳܗܪܺܝܢ ܒܙܺܝܘܳܐ ܕܗܳܢ ܢܽܘܚܳܡ. ܘܰܫܡܰܝܳܐ ܘܰܐܪܥܳܐ ܫܰܘܝܳܐܝ̣ܺܬ: ܩܳܥܶܝܢ ܕܩܳܡ ܒܰܪ ܚܰܝܳܐ ܩܳܡ܀

ܗܳܐ ܢܺܝ̈ܫܶܐ ܕܰܩܝܳܡܬܳܐ ܡܬܺܝ̣ܚܺܝܢ: ܘܪܳܥܡܺܝܢ ܩܳܠܰܝ̈ ܗܽܘ̣ܠܳܠܳܐ. ܗܳܐ ܬܰܪ̈ܥܶܐ ܕܒܶܝܬ ܡܺܝ̈ܬܶܐ ܦܬܺܝ̣ܚܺܝܢ: ܘܒܰܗܺܝܬ ܓܰܒܳܐ ܕܣܶܡܳܠܳܐ܀

ܐܰܣܶܩܝ̱ ܥܺܕܬܳܐ ܠܦܳܪܩܳܐ ܗܕܺܝܪܳܐ: ܫܽܘܒ̈ܚܶܐ ܫܦܰܝ̈ܳܐ ܕܠܳܐ ܫܳܠܡܺܝܢ. ܠܳܟ ܟܽܠ ܬܰܘܕ̈ܝܳܢ ܚܰܝܳܐ ܩܒܺܝܪܳܐ: ܗܳܐ ܡܶܢ ܗܳܫܳܐ ܘܰܠܥܳܠܡܺܝܢ܀

ܗܫܐ ܚܙܝ ܛܟܣܐ ܕܚܕ ܒܫܒܐ ܚܕܬܐ

ܚܘܬܡܐ ܒܩ̄: ܐܳܘ ܥܽܘܡܪܳܐ ܕܙܰܒܢܳܐ

ܕܳܫ ܥܽܘܩܣܶܗ ܕܡܰܘܬܳܐ: ܓܰܢ̱ܒܳܪ ܥܳܠܡ̈ܶܐ ܒܢܶܨܚܳܢܳܐ. ܣܚܰܦ ܫܽܘܪ̈ܶܝܗ̇ ܕܰܫܝܽܘܠ. ܘܰܨܦܰܚ ܥܰܠ ܡܰܘܬܳܐ ܒܢܶܩܥܶܗ. ܪܰܣ ܛܰܠܳܐ ܕܚܰܝ̈ܶܐ: ܒܡܶܕܪܶܗ ܕܓܶܢܣܳܐ ܐ̱ܢܳܫܳܝܳܐ. ܘܩܳܡ ܢܰܨܺܝܚ ܘܰܐܥܕܺܝ: ܠܰܓܒܺܝܠܬܶܗ ܡܶܢ ܫܰܒܳܝܳܐ܀

ܚܘܬܡܐ ܐܚܪܢܐ ܒܩ̄: ܐܳܘ ܬܰܓܳܪ̈ܶܐ

ܒܪܺܝܟ ܗܽܘ ܚܰܝܠܳܐ: ܕܰܪܡܰܙ ܗܘܳܐ ܠܢܽܘܪܳܢܳܐ. ܘܡܶܢ ܦܽܘܡ ܩܰܒܪܳܐ: ܠܳܗ̇ ܠܡܰܪܝܰܡ ܣܒܰܪܬܳܐ ܝܰܗܒ. ܠܡܽܘܢ ܒܳܥܝܰܬܝ̱ ܚܰܝܳܐ ܒܶܝܬ ܡܺܝ̈ܬܶܐ. ܠܡܽܘܢ ܫܳܐܠܰܬܝ̱ ܢܽܘܗܪܳܐ ܒܚܶܫܽܘܟܳܐ. ܩܳܡ ܒܚܰܝܠܳܐ ܘܙܳܟܽܘܬܳܐ. ܙܶܠܝ̱ ܣܰܒܰܪܝ ܠܬܰܠܡܺܝ̈ܕܰܘܗܝ܀