ܩܝܢܬܐ ܘ

ܦܬܓܡܐ:

ܗܳܢܰܘ ܝܰܘܡܳܐ ܕܰܥܒܰܕ ܡܳܪܝܳܐ: ܬܰܘ ܢܕܽܘܨ ܘܢܶܚܕܶܐ ܒܶܗ ܗ̄܀

ܬܒܪܬ‌ܐ:

ܒܪܳܐ ܕܒܰܩܝܳܡܬܶܗ ܦܰܪܩܳܗܿ ܠܥܺܕ݈ܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗܿ ܫܰܝܢܳܐ ܘܢܰܛܰܪ ܝܰܠ̈ܕܝܶܗܿ ܒܰܩܝܳܡܬܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫ̈ܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܝܰܠ̈ܕܶܝܗ̇ ܒܰܩܝܳܡܬܳܟ ܡܳܪܝ܀

ܒܬܪ ܐܘܢܓܠܝܘܢ ܒܩ̄: ܐܶܢܳܐ ܐ̱ܢܳܐ ܢܽܘܗܪܳܐ

ܐܰܝܟ ܕܶܐܡܰܪ ܦܰܘܠܳܘܣ ܐܳܡܰܪ ܐ̱ܢܳܐ: ܘܡܰܟܪܶܙ ܐ̱ܢܳܐ ܘܠܳܐ ܫܳܠܶܐ ܐ̱ܢܳܐ. ܡܰܚܪܰܡ ܗ̱ܘ ܐܰܝܢܳܐ ܕܰܡܦܰܪܶܫ: ܐܰܠܳܗܽܘܬܳܐ ܡܶܢ ܦܰܓܪܳܐ. ܕܥܰܡܶܗ ܣܶܠܩܰܬ ܠܰܨܠܺܝܒܳܐ: ܘܥܰܡܶܗ ܢܶܚܬܰܬ ܠܓܰܘ ܩܰܒܪܳܐ: ܘܥܰܡܶܗ ܣܶܠܩܰܬ ܠܰܫܡܰܝܳܐ. ܘܗܳܐ ܝܳܬܶܒ ܡܶܢ ܝܰܡܺܝܢܳܐ: ܕܰܐܒܳܐ ܓܢܺܝܙܳܐ ܫܳܠܽܘܚܶܗ܀

ܠܘܛܢܝܐ ܒܩ̄: ܝܒ:ܝܒ ܐܳܘ ܚܰܟܺܝܡܳܐ

ܠܰܐܪܥܳܐ ܕܡܺܝ̈ܬܶܐ ܢܚܶܬ ܗ̱ܘܳܐ ܡܶܛܪܳܐ ܕܚܰܝ̈ܶܐ ܡܳܪܰܢ: ܘܰܐܥܺܝܪ ܐܶܢܽܘܢ ܐܰܝܟ ܕܰܠܙܰܪ̈ܥܶܐ ܕܢܶܬܦܰܨܚܽܘܢ ܒܶܗ܀

ܢܚܶܬ ܨܶܝܕ ܡܺܝ̈ܬܶܐ ܐܰܝܟ ܦܳܪܽܘܩܳܐ ܨܶܝܕ ܓܳܠܽܘܬܳܐ: ܘܙܳܥ ܫܰܒܳܝܳܐ ܘܟܰܕ ܪܳܐܶܬ ܠܶܗ ܫܪܳܐ ܠܰܫܒܺܝܬܳܐ܀

ܩܳܡ ܒܰܪ ܚܰܝܳܐ ܡܶܢ ܒܶܝܬ ܡܺܝ̈ܬܶܐ ܬܰܩܺܝܦܳܐܺܝܬ: ܘܰܐܩܺܝܡ ܥܰܡܶܗ ܠܗܰܘ ܥܰܦܪܳܢܳܐ ܕܡܺܝܬ ܥܰܠ ܐܰܦܰܘ̈ܗ̱ܝ܀

ܢܗܰܡ ܒܳܗ̇ ܒܰܫܝܽܘܠ ܐܰܝܟ ܓܰܢ̱ܒܳܪܳܐ ܡܳܪܶܗ ܕܳܐܕܳܡ: ܘܰܐܩܺܝܡ ܥܰܡܶܗ ܠܟܽܠܗܽܘܢ ܡܺܝ̈ܬܶܐ ܕܰܫܟܺܝܒܺܝܢ ܗ̱ܘܰܘ܀

ܚܘܬܡܐ ܒܩ̄: ܗܰܒܠܰܢ ܡܳܪܰܢ ܕܰܒܢܽܘܚܳܡܳܐ

ܟܰܕ ܩܳܡ ܡܳܪܰܢ ܡܶܢ ܒܶܝܬ ܡܺܝ̈ܬܶܐ: ܢܚܶܬܘ ܗ̱ܘܰܘ ܡܰܠܰܐܟ̣̈ܶܐ ܠܺܐܝܩܳܪ ܡܳܪܗܽܘܢ. ܘܝܰܒܶܒܘ ܘܰܩܥܰܘ ܟܰܕ ܐܳܡܪܺܝܢ ܗ̱ܘܰܘ: ܒܪܺܝܟ ܗ̱ܘ ܚܰܣܝܳܐ ܕܠܳܐ ܚܙܳܐ ܚܒܳܠܳܐ܀

ܐ̱ܚܪܢܐ ܚܘܬܡܐ ܒܩ̄: ܣܠܶܩ ܠܰܨܠܺܝܒܳܐ

ܣܠܶܩ ܡܶܢ ܩܰܒܪܳܐ: ܘܒܽܘܟܪܳܐ ܗܘܳܐ ܠܣܰܓܺܝ̈ܶܐܐ: ܟܰܕ ܗ̱ܽܘ ܒܽܘܟܪܰܐܗ̱ܘ: ܕܡܰܪܝܰܡ ܘܕܰܐܠܳܗܽܘܬܳܐ: ܒܰܩܝܳܡܬܶܗ ܐܰܩܺܝܡ ܠܰܩܒܺܝܪ̈ܶܐ: ܒܢܽܘܚܳܡܶܗ ܚܰܕܺܝ ܠܰܟܡܺܝܪ̈ܶܐ: ܠܬܰܠ̈ܡܺܝܕܶܐ ܐܦܨܰܚ ܗ̱ܘܳܐ: ܠܙܳܩܽܘ̈ܦܶܐ ܐܰܒܗܶܬ ܗ̱ܘܳܐ܀